امریکایي پوځ د سیمه ایز وخت مطابق د جمعې (د مارچ میاشتې ۸ نیته) په ورځ خبر ورکړی دی چې د دغه هیواد د پوځ یوې چورلکې د نسکوریدو پيښه کې دوو تنو امریکایي سرتیرو او یوه سرحدي کارمند خپل ژوند له لاسه ورکړی او یو سرتیری ټپي شوی هم دی.

د امریکایي پوځ په حواله د Typ UH-72  لاکوتا ډوله چورلکه د ټکزاس ایالت ريو ګرندا ښار ته نږدې د هوایي عملیاتو ترسره کولو په جریان کې را نسکوره شوې ده. امریکایي پوځ ویلي دي چې د هلیکوپتر د را نسکوریدو علت په اړه یې څیړنې پیل کړي دي.