د امريکا متحدو ايالاتو په سويل ختیځ ايالت آلاباما کې د تورنادو بادونو وورسته لږ تر لږه د ۲۲ کسانو وژل کيدل تائيد شوي دي. د آلاباما ايالت د لي کاونتي سيمې د پوليسو مشر جی جونز، وويل چې په وژل شويو کې ډېر ماشومان هم شامل دي. هغه زياته کړه چې سخت ټپيان هم لرو او ډېری کسان لادرکه دي.
جی جونز زياته کړه چې په لادرکه شويو کسانو لټون ادامه لري: «موږ لټونه ته دوام ورکوو ځکه چې اوس هم ډېر کسان ورک دي.» خو نوموړي د لادرکه شويو دقيق شمېر په ډاگه نه کړ.
د هوا پېژندنې ملي ادارې په حواله د آلاباما ترڅنگ په گاونډي ایالت جيورجيا کې هم تورنادو يا گردبادونه راغلی چې سرعت یې په ساعت کې ۲۱۸ کيلومترو ته رسيده. د لي کاونتي د ملي دفاع ادارې که څه هم چې د خطرناکو گردبادونو خبرداری ورکړی وو او د سيمې خلکو ته یې له احتياط څخه د کار اخيستو سپارښتنه کړې وه خو ښايی پر دې سربيره هم کافي احتياطي گامونه نه وي اخیستل شوي.
گردبادونو ونې چپه کړي چې ځينو یې سړکونه بند کړي ديانځور: Reuters/Social Media/S. Fillmer د لي کاونتي د پوليسو مشر جونز د سي اين اين تلویزيوني شبکې ته وويل چې توپان ډېره پراخه ساحه ويجاړه کړې ده. د اغیزمنې سيمې څخه رسيدلي انځورونو کې ويجاړ شوي کورونه، له بيخه رانړیدلې ونې او د ژغورنې د موټرو له خوا تړل شوي سړکونه لیدل کيږي. د ژغورنې عملې گڼ شمير غړي په کار بوخت دي. تر اوسه لا په دقیقه توگه څرگنده نه ده چې توپان څومره زیان اړولی دی. جی جونز زياته کړه چې د گردباد له خوا د اوښتي زیان ساحه څه نه څه ۴۰۰ متره پلنه او څو کيلومتره اوږده ده.
په آلاباما کې د برمنگهم د هوا پېژندنې مرکز د سېمې خلکو ته د يوه سړې شپې څخه خبرداری ورکړی وو ځکه چې د اغیزمنې سېمې تر ۱۰۰۰۰ د زياتو کورونه او اپارتمانونو بريښنا پرچاو شوې وه.
زموږ له ارشيف څخه:
«ايرما» سمندري توپان او ويجاړی يې
د ايرما په نوم زورور سمندري توپان د فلوريدا جنوب ته رسیدلی. لا تر مخه چارواکو تر ۶۳ لکه زياتو انسانانو ته لاروښونه کړې وه چې ځانونه خوندي ځايو ته ورسوي.
انځور: picture-alliance/NOAA via APد اتلانتيک يا آرام سمندرګي څخه راپورته شوې يو ډير زورور توپان د امريکا متحدو ايالاتو فلوريدا ايالت د کوچنيو ټاپوګانو لړۍ ته د رسيدو په حال کې دی. څنګ په څنګ پراته دا ټاپوګان د «فلوريدا کيز» په نوم ياديږي.
د سمندري توپانونو د څار امريکايي ادارې په حواله دمګړۍ د دې توپان شدت ډير زيات دی او دا د څلورمې درجې د توپان په توګه درجه بندي شوی.
د توپانونو د مرکز له خوا ويل شوي چې د ایرما توپان د تيزو بادونو سرعت په ساعت کې د ۲۱۰ کيلومترو زيات دی.
د فلوريډا کيز سره تر ټکر وروسته ښايي د سمندري څپو لوړوالې له څلورو نيمو مترو هم زيات شي.
د امريکا د دې ايالت لويديځ ساحل د توپان څخه اغيزمن دی. دغه ځای ته د توپان تر رسيدو د مخه په سونه زره کسان بايد خوندي ځايونه ته انتقال شي.
د تيزو بادونو او ورسره سختو ورښتونو له امله د بریښنا سسټم هم له ګډ وډۍ سره مخامخ شوی. د «فلوريدا پاور ايند لايټ شرکت» په حواله تر اوسه څلور نيم سوه زره کورونه اغيزمن شوي.
د اټکلونو پر اساس دا توپان ښايي د فلوريدا ساحلي ښار ميامي هم اغيزمن کړي. دغلته خلکو د خپلو دوکانو او کورونو کړکۍ د لرګي په لويو تختو بندې کړي دي.
د خليج هيوادونو له ميامي څخه د خپلو اتباعو د ايستو په موخه د ځانګړو پروازونو زمينه برابره کړې. ويل کيږي چې د توپان دمخه د ميامي په ساحلونو کې ډير شمير سيالانيان موجود ول چې اوس له دغه ځايه ايستل شوي دي.
«ايرما» توپان په تيره پيړۍ کې په آرام سمندرګي کې د راپورته شويو ډيرو زورورو او شديدو توپانونو څخه يو دی. فلوريدا ته تر رسيدو وورسته د سختو ورښتو او تیزو بادونو سبب شوی او په ميليونو انسانان يې له بريښنا بې برخې کړي دي.
د دې توپان په ترڅ کې د الوتونکو بادونو سرعت په ساعت کې ۲۶۰ کيلومتره ښوول شوی چې د همدې شدت سره یې د کيوبا شمالي ساحلي سيمه هم د شنبې په شپه ځپلې وه. د کيوبا پر شمالي ساحلي تړانګه دې توپان کورونه نړولي او ونې يې چپه کړي دي.
په کرابين سمندرګي کې پراته څو ټاپوګان چې د ايرما ورباندي لار ده، سخته ويجاړي یې ليدلې ده. تر اوسه په کرابين سيمه کې د دې توپان له کبله تر ۲۵ زيات انسانان وژل شوي دي.
