په داسې یوه هیواد کې چې هر څوک د دې انتظار باسي چې د ترمپ بل کوم لوړ پوړی سلاکار به خدای پاماني کوي، د ډګر جنرال مک ماستر لیرې کیدل د حیرانتیا کومه ستره خبره نه ده. د امریکا متحده ایالاتو د ملي امنیت سلاکاران د ترمپ د واکمنۍ پر مهال هر مهال د کوښه کیدو له امکان سره مخامخ دي.
مک ماستر د ولسمشر ترمپ تر پریکړې وروسته ویلي چې د ولسمشر څخه د هغه د ملګرتیا له کبله مننه کوي. اوس نوموړي د تقاعد له پاره عریضه وړاندې کړې ده. مک ماستر د یوې اعلامیې په خپرولو سره ویلي: «خپل ملت ته تر ۳۴ کلونو خدمت وروسته، زه د امریکا له پوځ څخه د روان اوړي له پیل نه د تقاعد غوښتنه کوم او له دې وروسته به د عامه خدمتونو برخه ترک کړم.»
مک ماستر او ولسمشر ترمپ له پیل راهیسې د کارونو د ترسره کولو د څرنګوالي په برخه کې سره توپیر لره. مک ماستر یو پوځي افسر دی چې په پوځي تاریخ کې دوکتورا لري او ترمپ بیا خپل ځان ته د سپینو خبرو ویونکي په توګه ګوري.
دا په داسې حال کې ده چې د مارچ میاشتې په نیماېې کې د واشنګټن پوسټ په حواله ولسمشر ترمپ خپل د دفتر مشر ته ویلي وو چې چمتو دی مک ماستر له دندې ګوښه کړي. د واشنګټن پوسټ په حواله ترمپ شکایت لره چې مک ماستر ډیر په دسپلین ولاړ او د هغه راپوټونه ډیر اوږده او بې ربطه ښکاري.
مک ماستر د امریکا د ولسمشر د ملي امنیت د سلاکار په توګه د ۲۰۱۷م کال د فبروري میاشتې له ۲۰ نیټې راهیسې کار وکړ. خو پوښتنه دا ده چې ولې هغه له دندې لیرې کړل شو؟
انځور: Reuters/Lamarque ویل کیږي چې ښايي د دې پوښتنې ځواب د شمالي کوریا او امریکا متحده ایالاتو په وروستیو شخړو کې وي. ترمپ د شمالي کوریا له ولسمشر سره د خپلې یوې راتلونکې احتمالي لیدنې لامل د خپلې ادارې سخت پوځي موقف بولي. کله چې ل هغه وپوښتل شوي چې شمالي کوریا په کوم دلیل خبرو ته چمتو شوې نو ترمپ ځواب ورکړ: «زما له کبله!»
ناهل توسي چې د «پولیتیکو» خبري ادارې له پاره د امریکا بهرنۍ سیاست تر پوښښ لاندې لري وايي چې مک ماستر له شمالي کوریا سره د هر راز خبرو مخالف وو. د هغې په وینا مک ماستر ډیر علاقه مند وو چې پر شمالي کوریا باندې د امریکا فشار هغه حد ته ورسوي چې بلاخره مخکې له دې چې امریکا ورسره خبرې پیل کړې، دغه هیواد په ګونډو شوې وي.
د ایران په هکله بولتن د عراق جګړې ته ورته نظر او موقف درلود. نوموړي څو ځله په ایران کې د رژیم د بدلیدو غږ کړی. تر ټولو مهمه دا چې، نوموړي نیویارک ټایمز امریکايي ورځپاڼې ته په یوه مقاله کې درې کاله مخکې لیکلي چې د دې له پاره چې د ایران د بم [اتومي بم] مخه ونیول شي «پر ایران بم واچوئ».
یوازې همدا دوې میاشتې وړاندې، نوموړي وال ستریت ژورنال ته په یوه بله لیکنه کې نظر لیکلی وو چې ترمپ باید له ایران سره د لاسلیک شوي نړیوال تړون څخه ووځي. د هغه د لیکنې په حواله دغه تړون کوم درد نه دوا کوي. په همدې لیکنه کې د ښه هدف له پاره نوموړي یو ځل بیا په ایران کې د رژیم د بدلون دفاع وکړه.
پر ورته موضوع یو انځوریز البوم:
له دندې ګوښه شوې! د ترمپ د ادارې تلفات
د امریکا ولسمشر ترمپ تر بل هر چا ژر د سپنې ماڼۍ کارکوونکي یو په بل پسې له دندې ګوښه کوي. په دې انځوریز البوم کې تراوسه پورې د هغه د ادارې تلفات در پیژنو.
انځور: picture-alliance/AP Photo/C. Pizzello/Invisionبینون سپینې ماڼۍ ته د ترمپ په رسولو کې ډیر مهم رول لوبولی، خو ان د ترمپ د ستراتیژۍ مشر هم په سپینه ماڼۍ کې یو کال پوره نکړ. بینون د اقتصادي نیشنلزم او د ترمپ د «امریکا لومړي» شعار په برخه کې ډیر فعالیت کوو. بینون تیره اونۍ تر یو لړ جنجالونو وروسته له دندې ګوښه کړل شو او بیرته خپلې پخوانۍ دندې ته ګرځیدلی. تر دې مخکې هغه د برایتبارت په نامه د یوې انترنتي خبرې پاڼې مشر وو.
انتوني سکاراموچي ۵۳ کاله عمر لري او یوازې د ۱۰ ورځو له پاره د سپینې ماڼۍ د اړیکو د مسؤل په توګه یې کار وکړ. د نیویارک ښار اوسیدونکي سکاراموچي پس له ډیرې مودې خپل د خوښې دنده ترلاسه کړه، خو هغه یوازې لس ورځې تر کار کولو وروسته له دندې لیرې کړل شو.
والټر شاوب د امریکا د حکومت د اخلاقي مسائلو د حکومتي ادارې پخواني مشر د جولای په میاشت کې له خپلې دندې د ولسمشر ترمپ د جنجالي مالي سرچینو له امله استعفا ورکړه. ویل کیږي چې شاوب د ترمپ ادارې ته د «خندا د بوجۍ» کلمه کارولې وه.
د سپینې ماڼۍ د دفتر پخوانی مشر راینس پریبس یوازې تر شپږو میاشتو کار کولو وروسته له دندې ګوښه کیدو ته اړ کړل شو. ویل کیږي چې پریبس د هغو کسانو له ډلې څخه وو چېد ساکاراموچي له ګمارلو سره یې مخالفت ښوولی وو.
شان سپایسر د سپینې ماڼۍ ویاند هم له ولسمشر سره د سپینې ماڼۍ د اړیکو د چارو د مسؤل په توګه د سکاراموچي پر ټاکنې سخت جنجال کړی وو. هغه وروسته له هغه چې له رسنیو او ترمپ سره یې اړیکې خرابې شوې، له خپلې دندې استعفا ورکړه.
د سپینې ماڼۍ د اړیکو له پخوانۍ مشر مایکل ډوبکه څخه د مې په میاشت کې هغه وخت د استعفا غوښتنه وشوه چې پر نوموړې باندې د امریکا په ټاکنو کې د روسیې د لاس وهنو د تورونو د نیمګړي مدیریت له کبله نیوکې وشوې.
د امریکا ولسمشر دونلد ترمب د اف بي آي پخوانی مشر جیمز کومي وروسته له هغې له دندې ګوښه کړ چې پر نوموړې باندې د هیلري کلنټن د ایمیلونو د څیړنو له امله نیوکه وشوه. انتقاد کوونکي بیا په دې باور دي چې د هغه د ګوښه کیدو تر شاه اصلي دلیل د ترمپ د کمپاین د ټیم او د روسیې د اړیکو د څیړلو موضوع وه.
د ترمپ د ملي امنیت سلاکار، مایکل فلین په فبروري میاشت کې وروسته له هغې استعفا وکړه چې پر روسیې باندې د بندیزونو له امله نوموړي د روسیې له سفیر سره خبرې کړې وې. دغه خبرې واک ته د ترمپ تر رسیدو مخکې شوي او په هکله یې د امریکا مرستیال ولسمشر مایک پینس ته هم نیمګړي معلومات ورکړي وو.
