د امریکا متحده ایالاتو د هاوایي ایالت په مرکز هونولولو پوليسو ته د جمعې په نيمه شپه زنګ ورغی چې ډزې وشوې. هغوی د شنبې په سهار په يوه ۲۰ کلن شکمن تن پسې لټون پيل کړی دی. نوموړی د KHON تلويزيون په حواله په دې تورن دی چې د جنګي چرکانو په لوبه کې يې ګوندې پر نورو ګډونوالو کسانو باندې ډزې کړي دي.
د مکسيکو په چرگ جنگي کي ۱۲ کسان وژل سوي
د هونولولو د پوليسو يوې افسرې، دينا تويمس وويل چې »د جنګي لوبې په پای کې د نارينه وو يوې ډلې لفظي شخړه وکړه چې وضع پسې خرابه او فزيکي لانجه پيل شوه، لږ وروسته بيا د تمانچې ډزې وشوې چې په دغه ساحه کې پنځه تنه پرې ولګېدل.«
زمونږ له فیسبوک شبکې پاڼې سره یوځای شئ:
زمونږ له یوټيوب شبکې سره یوځای شئ:
د دغه تلويزيوني راپور او د پوليسو په خبره يوه ۵۹ کلنه ښځه او يو ۳۴ کلن سړی روغتون ته تر انتقالېدو وروسته مړه شول. د ۳۸، ۴۰ او ۵۷ کالونه عمر لرونکو دريو تنو نارینه وو ته د ډزو له کبله ټپونه هم واوښتل، خو تر درملنې وروسته هغوی بېرته له روغتون څخه رخصت کړل شوي دي.
د پوليسو په حواله د ډزو شرايط سمدلاسه معلوم نه ول. د پوليسو افسرې توېمس د KHON تلويزيون ته وويل چې »ما ته دغه شرايط ناڅرګند پاتې دي، کېدای شي علت يې کوم بل شی وي او دوی فقط تصادفاً په عين ساحه کې قرار درلود.«
دا په داسې حال کې ده چې د هونولولو ښار چارواکو د اسوشيتد پرېس خبري آژانس له خوا ايميل ته سمدلاسه غبرګون نه دی ښکاره کړی چې د پېښې په هکله زيات معلومات يې ترې غوښتي ول.
آ./ن.ص./خ.ح.
په افغانستان کې یو شمیر کسان حیونات او مرغان جنگوي، پر شرطونه تړي او ورڅخه خوند اخلي.
انځور: Getty Imagesد سپو جنګول د افغانستان په یو شمیر سمیو کې یو دود دی. د دغو سیمو اوسیدونکي د رخصتۍ په ورځو کې د تفریح له پاره د سپیو جنګونې میدان ته ورځي. روزل شوې او ځواکمن سپیان تر هغه وخته پورې یو له بل سره جګړه کوې چې ټول میدان په وینو ولړل شي.
د پسونو له جنګولولو څخه هم یو شمیر خلک خوند اخلي. د افغانستان د ځینو ولایتونو یو شمیر اوسیدونکي دغه څاروي د لاندي له پاره نه بلکې په میدان کې د جنګولو په موخه روزي. د دې له پاره چې د دغه څاروې بیه لوړه ده نو د دوی د جنګولو سیالۍ ډیره نه ترسره کیږي.
د چرګانو جنګول په افغانستان کې ډیر شمیر مینه وال لري. ویل کیږي چې د چرګانو جنګ څه نا څه د افغانستان په هرې سیمې کې ترسره کیږي. د جنګي جرګانو بیه لوړه ده. ځینې جرګان د جګړې پر مهال خپلی سترګې له لاسه ورکوي او د ځینو نورو خو بیا په په جګړې کې تر ماتې خوړلو وروسته د هغه د خاوند له خوا سر پرې کيږي.
زرکه ډیره آرامه او ښکلې مرغه ده. د دې له پاره چې دغه مرغه په غرونو کې ژوند کوي نو له انسانانو سره ژر نه بلدیږي. خو یو شمیر خلک دغه مرغه هم د جنګ له پاره تیاروي. دوی دغه مرغه د څو اوونیو له پاره په یوه تیاره قفس کې چې په تورې ټوټې پوښل شوی وي د څو ساتي ترڅو جنګ ته تیاره شي.
مړز جنګول هم د یو شمیر خلکو له پاره مصروفیت دی. دا مرغه د افغانستان په کروندو او فصلونو کې ډیر موندل کیږي او جنګول يي هم معمول دي. مړزبازان د دې کوچنۍ مرغه سر په لاس کې نیسي او هغې ته حرکت ورکوې ترڅو مړز د خپل سیال په مقابل کې جنګ ته وهڅوي.
د اوښانو جنګول زیاتره د افغانستان په شمال کې معمول دي. خو د افغانستان په ځینو نورو سیمو کې هم دغه کار ترسره کیږي. اوښ ډیر وخت په اسانۍ سره ج جنګ نه کوي. د اوښ د جنګولو له پاره د هغه خاوند له ځانګړو تخنیکونو څخه کار اخلي. د دوو اوښانو جګړه تر هغه وخته دوام پیدا کوې تر څو یو يي له ډلې څخه یو مړ شي.
د هغو حیوانانو بيي چې د جنګولو په موخه ترې استفاده کیږي په نسبي ډول لوړه وي. د دغو حیوانانو خاوندان د دوی پر بریالیتوب او ماتې شرطونه تړي. دغه شرطونه کله نا کله دومره لوړ وي چې د یوې کورنۍ په تباهې تمامیږي.
هغه کسان چې حیوانات او مرغان جنګوې، د هغوی د بریالیتوب له پاره ډیر زیار هم باسي. د بیلګې په توګه سپي جنګونکي خپلو سپیو ته وینه ورکوي چې د دوی په وینا قهرجن شي. د مرغانو جنګونکي د خپلو زرکو پښې غوړوي او یا هم د خپلو چرګانو مښوکې او نوکان تیره کوي.
نه یوازې دا چې مارغان په جنګ اچول کیږي بلکې د هغوی هګې هم جنګول کیږي. د رخصتې په ورځو کې په ځانګړي توګه د اختر په ورځو کې خلک سره راټولیږي او د چرګانو جوش کړې هګۍ جنګوي.
