د امریکا متحده ایالاتو د هیواد (کورنیو چارو) وزارت، په اپریل میاشت کي د ۱۱ زره ۷۰۰ افغان مهاجرو د مؤقت حفاظت لغوه کول اعلان کړي ول او په پام کي وه چي هغه د جولای د میاشتي پر ۱۴ مه عملي سي.
په امریکا کي مؤقتي حفاظت څه ډول حفاظت دی؟
د مؤقتي حفاظت وضعیت د هغو هیوادونو مهاجرو ته ورکول کیږي چي له بشري ناورینونو، وسله والو شخړو او یا هم نورو غیر عادي ستونزو سره مخامخ وي. دغه ډول حفاظت د دا ډول مهاجرو د اخراج مخه نیسي او هغوی ته له شپږ څخه تر ۱۸ میاشتو پورې د کار د اجازې زمینه برابروي.
د ټرمپ حکومت به د افغانانو د ویزو ځنډیدو پریکړه بیرته واخلي؟
31:38
This browser does not support the video element.
مؤقت حفاظت کولای سي د امریکا متحده ایالاتو د هیواد د وزارت له خوا تمدید سي، خو د ترمپ اداره په اوس وخت کي دافغانستان او نورو هیوادونو د مهاجرو له پاره د دغه ډول حفاظت د تمدید له پاره کومه اراد ه نه لري.
افغان ایوک له پخوانیوامریکايي سرتیرو څخه جوړ یو سازمان دی، چي په امریکا متحده ایالاتو کي د افغانانو د بیا میشتیدو بهیرهمږغي کوي او د هغوی ملاتړ کوي.
شان ون دایور، د یوه ایمیل په ترڅ کي، رویترز خبري آژانس ته ویلي:«افغان ایوک په کلکه د دغې دعوا شاته ولاړ دی او د ترمپ له ادارې او د هیواد د امنیت له وزارت څخه غواړي چي خپل دغه تصمیم ژر تر ژره لغوه او د مؤقت حفاظت وضعیت تمدید کړي.»
اعلان
د طالبانو له تعقیب او ځورونې څخه اندېښنه
له افغانستان څخه د امریکايي ځواکونو له وتلو سره سم، په دغه هیواد کي واک ته د طالبانو له رسیدو وروسته، امریکا متحده ایالاتو څه د پاسه ۸۲ زره افغانان تخلیه کړل چي د هغوی له ډلي تر۷۰ زره زیات کسان په مؤقتي ډول د دوو کلونو له پاره امریکا متحده ایالاتو ته د ورننوتو او هلته د پاتېدو (پیرول) اجازه لري.
د مهاجرو د حقونو د ملاتړ ډلې وايي چي ډېر هغه افغانان چي د افغانستان په شل کلنه جگړه کي یې له امریکايي ځواکونو سره کار کړی وو، که هغوی اخراج سي، نو د طالبانو له خوا به تر تعقیب او ځورونې لاندي راسي.
له کابله ترکنتاکي: د یوې افغاني کورنۍ نوی ژوند
یوې افغانې کورنۍ د اروپا او امریکا متحده ایالاتو د بېلابیلو اډو له لاري، تر یوه سخت سفر وروسته اوس د متحده ایالاتو د کنتاکي په ایالت کي نوی ژوند پیل کړی.
انځور: Amira Karaoud/Reuters
له قومي مشر څخه تر پناه غوښتونکي پوري
وزیرخان ځدران له خپلي ۱۵ کلني لور سره د مکتب د کورني کار په برخه کي مرسته کوي. ځدران، چي اوس د امریکا متحده ایالاتو د کنتاکي د ایالت په بولینگ گرین کي ژوند کوي، په افغانستان کي له قومي مشرانو څخه يو وو چي د طالبانو په وړاندي جنگیده. دغه ۴۱ کلن سړی وایی چي امریکایانو هغه او د هغه کورنۍ وژغورله او د اگست په میاشت کي یې د هلیکوپتر په مرسته هوایی ډگر ته انتقال کړل.
انځور: Amira Karaoud/Reuters
یو په زړه پوري ښار
ځدران او د هغه میرمن نورینا له خپلو اولادونو سره شیریخ خوري. د بولینگ گرین ښار له څلورو لسیزو راهیسي ډیری مهاجر د نړۍ له بحراني سیمو څخه منلي دي. مهاجرو هم ددغه ښار چي ۷۲ زره نفوس لري ، په رنگارنگي او اقتصادي رونق کي برخه اخیستې ده.
انځور: Amira Karaoud/Reuters
له کلتور سره آشنايي
د ځدران شپږ کوچنیان انگلیسي سندري زده کوي، کتابخانې ته ځي او په دغه تصویر کي «بابا نوئل» ته د یوه خط د لیکلو په حال کي لیدل کیږي. د کورنۍ پلار چي د «نړیوال مرکز» په نامه د نوي استوگنځي د آژانس په مرسته یې کور پیدا کړی وایي: «موږ په بولینگ گرین کي ډیر خوشاله یو. محلي ټولني هم زموږ سره مرسته کوي تر څو ددغه ځای له کلتور او فرهنگ سره آشنا سو.»
انځور: Amira Karaoud/Reuters
کوچنیان ژر عادت نیسي
۶ کلن ثنأالله د سوپرمن په جامو کي له خپل ورور ۱۳ کلن سمیع الله او خپلي خور ۴ کلني زهرا سره په تابلت کي لوبي کوي. د امریکا متحده ایالاتو حکومت په اوس وخت کي د پناه غوښتونکو تر ټولو لویه تخلیه سرته رسوي چي د ویتنام ترجگړې وروسته سابقه نلري. له شاوخوا ۷۵ زرو افغانانو څخه چي په پا م کي ده په امریکا متحده ایالاتو کي ځای پر ځای سي، د بولدینگ گرین ښار له هغو څخه په دغو څو میاشتو کي ۳۵۰ تنه ومني.
انځور: Amira Karaoud/Reuters
د امریکايي ژوند طریقه
دغه کورنۍ باید زده کړي چي د امریکایانو په طریقه ژوند څه ډول دی، څنگه باید موټر وچلوي، خپل کریدت کارت څنگه په لاس راوړي او د یوه توفان په رارسیدو سره باید څه وکړي. په کنتاکي کي وروستیو توفانونو د افغانانو د امنیت احساس هم متزلزل کړی دی. ځدران وایی چي موږ هیڅکله دا ډول توفان په افغانستان کي نه وو لیدلی خو خدای وژغورلو.
انځور: Amira Karaoud/Reuters
په شنه طبیعت کي د آرامۍ احساس
۱۳ کلن ثنأالله په بشپړ آرامتیا سره د «زیري» گل پوف کوي. د ځدران کورنۍ ځانونه بختور بولي چي په امنیت کې په يوه داسې ټولنه کي ژوند ک چي له هغوی څخه هرکلی او مرسته ورسره کوي. بولینگ گرین یو زراعتي او تولیدي مرکز دی چي د خپلو نوو اوسیدونکو له پاره ډیر کار ځایونه لري. د څدران کورنۍ په يوه داسې کور کې اوسي چې باغچه هم لري.
انځور: Amira Karaoud/Reuters
خپل هويت باید له لاسه ورنه کړي
د ځدران کورنۍ د سباناري پر میز. بولینگ گرین په داسي یوه ښار مشهور دی چي پناه غوښتونکو ته ددې فرصت برابروي چي خپل هوئیت وساتي او په عین حال کي امریکایی سي. دغه ښار یوه محافظه کاره ټولنیزه فضا لري.
انځور: Amira Karaoud/Reuters
په کور کي
د ځدران کوچنیان په چټکۍ سره ځانونه له نوي کلتور سره عیاروي. زلیخا په کور کي خپلو ورونو او خویندو ته انگلیسي سندري ورزده کوي. هغه داسي یوه سندره وایی: «?What are you thankful for( له کوم شي څخه منندویه یې؟)
