د یکشنبې ورځ په ماښام د آلمان په انسباخ ښار کې یوه سوریايي مهاجر بمي چاودنه ترسره کړه چې خپله په کې ووژل شو او ۱۶ تنه نور یې ټپیان کړل.
د آلمان د بایرن ایالت د کورنیو چارو وزیر یوآخیم هرمن وویل چې د پیښې عامل په یوه ويډیو کې چې د هغه له ګرځنده تلیفون څخه موندل شوې، په داسې حال کې لیدل کې چې هغه په کې د آلمانیانو پر ضد د یوې حملې ګواښ کوي.
د هرمن په خبره دغه کس ګواښ کړی وو چې له آلمانیانو څخه به خپل غچ اخلي، او هغه ځکه چې «آلمانیان مسلمانان وژني». د ویډیو د متن په لومړني ترجمه کې راغلي دي چې عامل خپل دغه تصمیم د «خدای په نوم» ترسره کوي.
د بم جوړولو له پاره مواد
هرمن وویل چې د مهاجرو د کمپ له هغه ځای څخه چې دغه ۲۷ کلن سوریايي مهاجر په کې اوسیده د تلاشۍ پرمهال، زیات داسې مواد ترلاسه شوي دي، چې کیداي شي د بمونو په جوړولو کې وکارول شي.
د پولیسو د مشر مرستیال رومان فرتنیګر، ویلي دي چې پولیسو له ډيزلو یوه ډکه ګیلنه،هایدرو کلوریک اسید، د الکهول پاکونکی مواد، د لحیم کارۍ وسایل، سیمونه، بطرۍ او د تیږو ټوټې موندلې دي.
د فرتیګر په وینا پر دغو شیانو سربیره د یاد سوریايي مهاجر د اوسیدو له ځایهپه ترلاسه شوي لپ ټاپ کمپیوټر کې داسې انځورونه هم لیدل شوي چې په کې د تاوتریخوالو توصیف شوی او ښيي چې د «اسلامي دولت» ډلې سره تړاو لري.
۱۵ تنه ټپيان
وژل شوي سوریايي مهاجر د یکشنبې په ورځ ( د جولای ۲۴مه) ماښام، د آلمان د بایرن ایالت په انسباخ ښار کې په یوه راڼه میدان کې چې د موسیقۍ یو فیستوال په کې ترسره کیږده، خپل په لاس جوړ شوي ماین ته چاودنه ورکړه.
د پولیسو په وینا په چاودنه کې خپله دی ووژل شو او ۱۵ تنه نور ټپيان شول چې په ډله کې یې د څلورو تنو روغتیايي حالت نازک ښودل شوی دی. د آلمان د کورنیو چارو وزیر توماس دیمیزیر، د معلوماتو له مخې وژل شوی سوریايي مهاجر په لومړي ځل دوه کاله مخکې آلمان ته راغلی وو. هغه د ۲۰۱۴ کال په اګست میاشت کې آلمان ته د پناه غوښتنې درخواست وړاندې کړی وو.
د دیمیزر په وینا یاد سوریایي مهاجر د هغه د کاغذونو له مخې ۲۷ کلن پیژندل شوی. هغه مخکې په بلغاریا کې د مهاجر په توګه منل شوی وو او په پام کې وه چې بیرته دغه هیواد ته واستول شي.
په آلمان کې د وروستیو بریدونو په اړه نور مطالب:
انځورونه: د آلمان په مونيخ یا مونشن ښار کي وسله وال بريد
په مونشن کي د احتمالي ۳ وسله والو په ډزو کي لږ تر لږه ۷ انسانان وژل سوي دي. د جمعې په ورځ په ماښام د اولمپیا مارکېټ ته نژدې او بيا د هغه دننه ډزو مرګ ژوبله رامنځ ته کړه. د دغه بريد په تړاو انځوريز راپور دلته کتلای سئ:
انځور: picture-alliance/dpa/M. Balkد آلمان د صدراعظمې انګېلا مېرکل په دفتر کي د مونشن د بريد په تړاو بېړنۍ غونډه راوبلل سوه.
د پوليسو وياند مارکوس دا گلوریا مارتینز د مونشن د بريد په تړاو خبريالانو ته معلومات ورکول.
د خبرونو له مخي لومړۍ ډزي د مونيخ يا مونشن ښار په منځ کي واورېدل سوې..
د دغه بريد په تړاو په لومړي سر کي د ۶ او وروسته د ۸ انسانانو د وژل کېدو خبرونه ورکول سول.
پوليسو په لوړ شمېر سره د اولمپيا سر پټي مارکېټ شاوخوا سيمه محاصره کړه.
د پوليسو د ملاتړ له پاره د بريد په سيمه کي څرخي الوتکي هم ګرځېدلې.
بريدګر د ډزو وروسته و اولمپيا کارکېټ دننه ته په تښتېدلو بريالي سول.
پوليسو د تښتېدلو بريدګرو د موندلو له پاره و سيمي ته ورتلونکي ټولي لاري بندي کړې.
د مونشن د مرکزي برخي فضا د امبولانسونو، پوليسو د موټرو او څرخي الوتکو شور نيولې وه.
پوليس د اورګاډو د لويو تمځايونو تر څنګ د ښار نورو حساسو ځايونو ته د امنيت نيونې په مقصد ورسېدل.
پوليسو د بريد له سيمي څخه د خلکو په خوندي ځايونو ته انتقالولو کي مرسته وکړه.
د بريد شاهدانو په لومړي سر کي وويل چي درې وسله وال يې وليدل.
پوليسو په لومړي سر کي دغه بريد يو «وسله وال بريد» وباله. خو وروسته يې وويل چي کيدلای سي چي دغه يو «ترهګر بريد» وي.
د جمعې په ورځ د ماښام د شپږو بجو څخه مخکي د مونيخ په مرکز کي ډزي واورېدل سوې.
پوليسو د مونشن له اوسېدونکو وغوښتل چي په خپلو کورونو کي دننه پاته سي.
د مونيخ دننه د هر ډول عمومي ترانسپورت تګ راتګ بند کړل سو.
پوليسو له مځکي او هوا څخه وضعه څارله.
پوليسو په مونيخ کي له انسانانو وغوښتل چي و بازارونو او ښار نورو برخو ته له تګ څخه دي صرف نظر وکړي.
