روسیه تېره میاشت له اوکراین سره د تورې بحیرې د غلو دانو د صادراتو له تړون څخه ووت. له هغه وخته راوروسته اوکراین نه شي کولای خپل محصولات له دې مسیر څخه صادر کړي. پر دې سربېره، کرملین په زیاته کچه د اوکراین زیربناوې، ګودامونه او د غلو دانو سوداګریز مرکزونه بمباري کوي. خو د ترکيې ولسمشر رجب طيب اردوغان وايي چې د یاد تړون بيا نوي کول د لويديځ په سياست پورې اړه لري.
هغه په انقره کې د سفیرانو یوې غونډې ته وویل چې د اوکراین د غلو دانو د صادراتو په اړه د تړون بیا پیلول په دې پورې اړه لري چې «لویدیځ پر خپلو ژمنو عمل وکړي.» اردوغان په لوېديځ تور ولګاوه چې داسې اقدامات یژ نه دي ترسره کړي چې (د دې هوکړې پر بنسټ)په تور سمندر کې داسې امکان رامنځته کړي چې دا فضا مثبت لوري ته واړوي او وروسته په یوه تلپاتي سوله یز تړون بدل شي.
د ترکیې ولسمشر خبرداری ورکړ: « تور سمندر ته د جګړې خپرېدل به زموږ د سیمې لپاره یو ناورین وي.» هغه د روسیې له ولسمشر ولادیمیر پوتین سره خپلې وروستۍ ټلیفوني خبرې ته په اشارې سره زیاته کړه، په هر حال کولای شو یوه «حل لاره» ومومو، او ټینګار یې وکړ چې لویدیځ باید «د روسیې غوښتنو ته پام وکړي.»
د اردوغان اشاره د روسیې د کرنیزو محصولاتو او کیمیاوي سرې پر صادراتو د لویدیځ بندیزونو ته ده. د کرملین یوه مهمه غوښتنه د دغو بندیزونو لرې کول دي.
د غلو دانو یو تړون چې د ملګرو ملتونو او ترکیې په منځګړیتوب تېر کال لاسلیک شو، اوکراین ته اجازه ورکوله چې له جګړې سره سره له تورې بحیرې څخه خپل حصولات ولېږدوي. د دې هوکړې په پلي کېدو سره د اوکرایین له بندرونو څخه شاوخوا ۳۳ میلیونه ټنه غلې صادرې شوې. اوس اوکراین غواړي خپل غله د کرواسي له لارې صادر کړي.
انقرې د اوکراین د جګړې پر مهال له روسیې او اوکراین سره دوستانه اړیکې ساتلې دي. که له یوې خوا ترکیه اوکراین ته وسلې ورکوي خو له بلې خوا پر روسیې د لویدیځ له بندیزونو ملاتړ نه کوي.
په اوکراین کې د جګړې وروستي تحولات په انځورونو کې
د اوکراین جګړه له مياشتې واوښته. لا هم د سولې کوم څرګ نه ښکاري. رپوټونه وايي تر اوسه ۳ اعشاريه ۷ ميلیونه خلک ترې مهاجر شوي دي. د ملکي تلفاتو ارقام هم تر زرو پورته ښودل کيږي. انځور: AA/picture alliance د کاتولیک کلیسا روحاني مشر، پاپ فرانسیس د يکشنبې په ورځ (د مارچ ۲۷مه) د واتيکان په سن پيترو میدان کې خلکو ته په وینا کې د افسوس په ښکاره کولو سره په اوکراين کې جګړه یوه «ظالمه او بې معنی جګړه» وبلله. هغه یو ځل بیا د جګړې د ژر تر ژره پای غوښتونکی شو.
انځور: Gregorio Borgia/AP/picture alliance د يکشنبې په ورځ په ګرجستان کې يو شمیر خلکو په نڅاوو سره د جګړې ضد مظاهرې وکړې. دوی د روسيې د ولسمشر، ولادیمیر پوتین په څيره جوړه شوې نانځکې ته اور واچاوه.
انځور: AP/picture alliance ماریوپول ښار د اوکراین یو له هغو ښارونو څخه دی چې د روسي ځواکونو په بمباريو او بریدونو کې تر ټولو ډير ويجاړ شوی دی.
انځور: Alexander Ermochenko/REUTERS د ملګرو ملتونو سازمان وايي دوی د اوکراین په جګړه کې تر اوسه د ۱۱۱۹ ملکيانو وژنه او د ۱۷۹۰ ملکیان ټپي کیدل ثبت کړي دي. دغه خبره په ژنیف کې د ملګرو ملتونو سازمان د بشر حقونو د عالي کمشنرۍ دفتر د مارچ په ۲۷مه وکړه.
انځور: Alejandro Martinez/AA/picture alliance د ماريوپول ښار چارواکو د تيرې اوونۍ په پاې کې ادعا وکړه چې په دغه ښار کې تر ۲۰۰۰ ډير ملکيان په جګړو کې وژل شوي دي.
انځور: AA/picture alliance ماریوپل څخه د ملکیانو د ایستلو پروګرام فرانسه، ترکيه او یونان پر یو ګډ«بشري ماموریت» کار کوي تر څو په ماریوپول کې بند پاتې شوي ملکیان د امن کوریدورونو په رامنځ ته کولو سره راوباسي. دغه خبره د فرانسې ولسمشر، امانويل مکرون کړې ده. په ماریوپل کې شاوخوا ۱۷۰ زره ملکیان بند پاتې دي.
انځور: Maksim Blinov/SNA/IMAGO روسيې د يکشنبې په ورځ وويل چې د اوکراین په جګړه کې يې ۱۳۵۱ عسکر وژل شوي دي. په انځور کې په ماريوپل ښار کې يو سوځيدلی ټانک ښکاري. انځور د شنبې ورځې د مارچ ۲۶مې دی.
انځور: AA/picture alliance د اوکراین د اودیسه ښار پر یوه واټ، دغه ښار ته د روسيي ځواکونو د مخنيوي له پاره اوسپنیزې موانع اچول شوي دي.
انځور: Petros Giannakouris/AP Photo/picture alliance د اوکراین په ليویف ښار کې ځایي خلکو د روسيي ټانګونو پر وړاندې پر لارو د ټانګ ضد موانع لګوي. دوی وايي په دې کار سره غواړي د روسي ځواکونو د يرغل پر وړاندې د خپل ښار او د اوکراین د نورو ښارونو ساتنه وکړي.
انځور: Pavlo Palamarchuk/REUTERS په جګړه کې د ملکيانو برخه د اوکراین په اوديسه کې يو شمیر داوطلب ملکيان چې غواړي د روسي ځواکونو پر ضد وجنګیږي، د وسلو د استعمال زده کړه کوي.
انځور: Vladimir Shtanko/AA/picture alliance د بریتانیا دفاع وزارت د دوشنبې په ورځ ادعا وکړه چې روسي ځواکونو د تیرو ۲۴ ساعتونو په جریان کې هيڅ ډول پرمختګ نه دی کړی. دغه وزارت ويلي دي چې د روسي ځواکونو د ضعیف مورال او د امکاناتو د کمښت له وجې پرمختګ نه دی کړی. خو زیاته کړې ېې ده چې د ماريوپل ښار په اطرافو کې درنه جګړه ادامه لري.
انځور: Alexander Ermochenko/REUTERS «موږ د سولې په لټه کې يو» د اوکراین ولسمشر ولاديمیر زیلنسکي د دوشنبې شپې په وینا کې وويل چې روانه اوونۍ په ترکیه کې د اوکراین او روسيې د سولې په مذاکراتو کې به «ملي حاکمیت او ځمکنۍ بشپړتیا» د دوی لومړیتوب وي. هغه همدارنګه وويل: «موږ د سولې په لټه کې يو، په ريښتا، له ځنډ پرته.» زیلنسکي زیاته کړه چې په ترکيه کې د سولې مذاکرات د مخامخ خبرو له پاره یو ښه فرصت دی.
انځور: Ukrainian Presidential Press Office/AP/dpa/picture alliance
