پر دغه تن تور دی چې د يوې جنايي ډلې غړيتوب لري او پر دې سربيره د کوکاينو په قاچاق کې هم لاس لري او په دې وروستيو کې د ډېر زيات مقدار کوکاينو په قاچاق کې ښايي شريک وي.
د اروپا د عدليې ادارې دا علميات تنظيم کړي ول. د ايټاليا د انسا خبري آژانس په حواله جنوبي امريکا په يو شمير هيوادونو کې هم ورته عمليات ترسره شوي دي.
په ټوله نړۍ کې د میلياردونو پيسو کاروبار
د «ندرانگيتا» ډله د ايټاليا د سويلي سيمې کالابريا تر ټولو ځواکمنه مافيايي ډله بلل کيږي. دا ډله په اروپا کې د مخدره موادو په قاچاق کې لاس لري او په آلمان کې ډېره فعاله ده. په ۲۰۰۷م کال کې د آلمان په دويسبورگ کې مافيايي قتلونه هم له همدې ډلې سره تړاو لاره.
یولس کاله تر مخه په آلمان کې د ندرانگيتا ډلې غړيو په مافيايي وژنو کې لاس درلودانځور: picture-alliance/dpa
ندرانگيتا د نړۍ په قوي مافيايي ډلو کې شميرل کيږي او له اوږدې مودې راهيسې د ايټاليا د سرحدونو دباندې فعاليتونه کوي. کارپوهان اټکل کوي چې دا ډله په کال کې په ټوله نړۍ کې د ۵۰ او ۱۰۰ ميلياردو يورو ترمنځ پيسو کاروبار کوي.
د امريکا د استخباراتي ادارې «ايف بي آيي» په حواله دا ډله په خپلو ۱۶۰ څانگو کې کابو ۶۰۰۰ غړي لري. ندرانگيتا د يوناني ژبی ټکی دی او معنا یې جرات او وفاداري ده. دا ډله ښايي ۱۸۶۰م کال کې هغه مهال جوړه شوې وه چې د سيسيليا يوه ډله اوسيدونکي د ايټاليا حکومت له دغه ټاپو څخه شړلي شول.
د کوسا نوسترا ډلې پر ضد عمليات
د سه شنبې په ورځ لا د ايټاليا ځواکونو د سيسيلیا د يوې بلې ډلې پر ضد کامياب عمليات وکړل. په دې ترڅ کې ۴۶ شکمن مافيايي غړي ونيول شول چې د کوسا نوسترا ډلې يو مخکښ مشر هم پکښې شامل دی. د ايټاليا پوليسو زياته کړې ده چې په دې ترتيب دا ډله هم له منځه وړل شوې ده. پر ټولو ۴۶ نيول شويو کسانو پر نورو سربيره د وسلې گرځولو، تهديد، اور اچونې او نورو خونړيو پيښو کې د لاس درلودو تور لگول شوی دی
زموږ له آرشيف څخه:
د مکسيکو د مافيايي مشرانو قيمتي مقبرې
د مکسيکو په هيواد کي د مخدره توکو قاچاق وړونکي زياتي پيسې او زور لري. په داسي حال کي چي د هغوی په لسهاؤ زره قربانيان اکثره په ډليزه قبرونو کي ښخ دي، د دوی خپل قبرونه لوی مقبرې لري. څو بېلګي يې دلته وګورئ:
انځور: Getty Images/AFP/A. Estrella
د ۲۰۱۶ کال د دسمبر په ۱۱مه نېټه په مکسيکو کي د مخدره توکو د قاچاق وړونکو پر ضد د حکومت د عملياتو د پېل لس کاله پوره سول. په داسي حال کي چي د قاچاق وړونکو په لسهاؤ زره اکثره قربانيان په ډليزه يا نا معلومو قبرونو کي ښخ دي، د قاچاق وړونکو خپلې مقبرې ډېري قيمتي او مزارونو ته ورته دي. لکه په کوليا کان کي دغه بېلګه يې.
انځور: Getty Images/AFP/A. Estrella
د مخدره توکو د مافيا مشران د مړيني وروسته هم يو د بل سره سيالي کوي. د هر دغه قاچاق وړونکي مقبره د هغه د شمتنيو په هکله يو داستان بيانوي.
انځور: Getty Images/AFP/A. Estrella
د مکسيکو په جاردينس دېل هومايا کي دغه مقبره تر ټولو قيمتي ده چي ويل کيږي ورباندي ښايي ۲۹۰ زره ډالره مصرف راغلی وي. خو اوس تر دغه څخه هم قيمتي مقبرې د جوړېدو په حال کي دي.
انځور: Getty Images/AFP/A. Estrella
په ۱۹۳۳ کال د امريکا په متحده ايالاتو کي پر الکهولي مشروباتو بنديز ولګول سو. همدا ؤ چي له مکسيکو څخه و متحده ايالاتو ته د شرابو قاچاق پېل سو. کله چي په امريکا کي ياد بنديز بېرته ليري سو نو له مکسيکو څخه و متحده ايالاتو ته وروسته د ترياکو، چرسو او هيروينو قاچاق په زياته په ۱۹۶۰ مو کلونو کي زيات سو.
انځور: Getty Images/AFP/Joe Raedle
د امريکا د متحده ايالاتو او مکسيکو تر منځ تقريبا ۳۲۰۱ کلومتره اوږد سرحد دی. پر دغه سرحد له لسيزو راهيسي له مکسيکو څخه و متحده ايالاتو ته مخدره توکي قاچاق کيږي. زيات وختونه د دغه ډول تونلونو څخه هم کار اخيستل کيږي.
انځور: picture alliance/Photoshot
مکسيکو د ۲۰۱۶ کال په سپتمبر کي دغه اندازه مخدره توکي ونيول. د امريکا و متحده ايالاتو ته هر کال د رسېدونکو کوکائينو ۹۰ فيصده د مکسيکو پر لار تيريږي.
انځور: AP
د ۲۰۱۵ کال په مارچ کي د څېټا مافياا مشر اومر ترېمينو ونيول سو. د مکسيکو حکومت وايي چي د ۲۰۰۷ او ۲۰۱۴ کالونو تر منځ د قاچاق وړونکو سره په جګړه کي تر ۱۶۰۰۰۰ څخه زيات انسانان وژل سوي دي.
انځور: Reuters/H. Romero
په مکسيکو کي اوس هم یو شمېر داسي د قاچاق وړونکو سيمي سته کومو ته چي حتی پوليس له تلو بيږيږي. په مکسيکو کي اوس هم د پوليسو او قاچاق وړونکو تر منځ خونړۍ جګړه ادامه لري.
