د اوکراین د ملي امنیت او دفاع شورا مشر الکسي دانیلوف، د شنبې په ورځ د دغه هیواد تلویزون سره په مرکه کې وویل کارپوهان د «شاهد بې پیلوټه الوتکو» چې د اوکراین پر ښارونو یې بریدونه کول، د څیړنې په پایله کې دې نتیجې ته رسیدلي دي چې د دغو بی پیلوټه الوتکو ځینې پرزې د ایران او روسیې کې جوړې نه دي او په زیات احتمال سره د اوکراین په ملاتړ کوونکو هیوادونو کې جوړې شوې دي.
د هغه په وینا د دې احتمال هم شتون لري چې دغه بې پیلوټه الوتکې د جګړې له پیلیدو مخکې روسیې ته سپارل شوې وي، ځکه په عمده ډول له ۲۰۱۹ څخه تر ۲۰۲۱ کلونو پورې جوړې شوي دي.
انځور: irdiplomacy.ir د نورو موضوعاتو له پاره زمونږ فیسبوک شبکې ته سر ورښکاره کړئ:
د نورو موضوعاتو له پاره زمونږ یوټیوب شبکې ته سر ورښکاره کړئ
د امریکا د «سي ان ان» تلویزوني شبکې د روان کال په اپریل میاشت کې د «جنګي وسلو د څیړنو» بریتانوي موسسې د شننې په استناد رپوټ ورکړی و چې د ایران له خوا پر روسیې پلورل شوې شاهد بي پيلوټه الوتکې «د هغه موتور یا اِنجن په وسیله حرکت کوي چې د الماني تخنیک په اساس جوړ شوی دی او ایران دغه تخنیک شاوخوا ۲۰ کاله پخوا په غیر قانوني ډول ترلاسه کړی دی.»
یوه ویډیویي لوبه چې د اوکراين د جګړې تر اغېزې لاندې جوړه شوې
د اوکراین په پلازمينه کيف کې د «فروګېوېرز» سټوډیو یو ویډیویي ګېم جوړ کړی، چې د دغه هېواد جگړه پکې ښوول شوې ده. دا لوبه څرنگه پر اوکراين د روسیې له يرغل څخه اغیزمنه شوې؟
انځور: Frogwaresد "شرلوک هولمز: راویښ شوی" په نوم دا لوبه په یوه کال کې په کيف ښار کې د کمپيوتري لوبو د کارپوهانو له لورې جوړ شوی او د جګړې پرمهال په بشپړ ډول پرمخ تللی. په پیل کې یوه نوې لوبه او نړیواله لوبه پلان شوې وه، خو د "فروګوریز" سټوديو پریکړه وکړه، چې همدا لوبه بیا ورغوي.
د دې لوبې لوبغاړي، د پلټونکي یا جاسوس "شرلوک هولمز" رول پر غاړه لري. د دوی دنده د هوښیار تعامل له لارې د جنایي قضیو حل کول دي. په لوبه کې د مشاهدو، اسنادو او توکو په مرسته او همدا راز د شاهدانو او مظنونینو د څرګندونو سره، د جرمونو صحنې بیا روغول کیږي او په دې توګه یې عاملین تعقیبیږي.
د لوبې له پرمختګ سره، لوبې ته نور سمبولونه او او حوالې اضافه کیږي. پلټونکی هولمز ناڅابه ځان په فوق العاده ځایونو کې مومي، خو د اسرارو په برخه کې له ستوونزو سره مخامخ شوی او همدا لامل کیږي، چې د لوبې راتلونکي پړاوړنه لا پسې سختيږي.
کيسه په ۱۸۸۲م کال کې په هغه کوڅه کې پېليږي چې شرلوک هولمز پکې ژوند کاوه. هغه تل ترڅنګ خپل ملګری ډاکتر واتسون لري چې یو په کار پوه ځوان او عالي مشاهده کوونکی دی او د ځيرکو پوښتنو او منتطقي نتیجه ګیرۍ له لارې خپله فکري برتري څرګندوي. هغه د لندن یوه شتمن کس له لورې ګمارل کیږي، تر څو خپل ورک شوی خدمتګار پیدا کړي.
پر اوکراین د روسیې یرغل، د لوبې په پرمخ وړونکو او دغه راز په لوبه کې په خطرناکو او وحشتناکو رولونو باندې اغېز کړی دی. د دې لوبې یو جوړونکی سرګي اوګانسیان وایي: « فکر نه کوم، د جګړې پرته لوبې دومره تیاره وای، لکه اوس چې دي.»
کېف نه یوازې د اوکراین پلازمینه، بلکې د ټیکنالوژۍ صنعت مرکز هم دی. په ۲۰۲۲ کې د روسیې له برید مخکې هلته۲۵۰ کسانو د معلوماتي ټیکنالوژۍ په برخه کې کار کاوه. پر جگړې سربیره هم د ټیکنالوژۍ صنعت د پرمختګ په حال کې دی او تمه کیږي، چې راتلونکی کال ۴۵۰ زره په دغه صنعت کې بوخت واوسي. د اوکراین د رسمي سرچينو په حواله د اروپا په هېڅ ځای کې له اوکراین څخه ډېر له پوهنتونونو د ټینکالوژۍ په برخه کې فارغین نشته.