کرینا کپور هم د بالي ووډ د هغو فلمي ستورو په کتار کې راغلې چې اوس میندې دي، خو پر خپل زوی د تیمور نوم په ایښودلو سره په جنجال کې پاتې ده.

د ادیرا چوپړا تر زیږیدو وروسته راني مکهرجي هم د هالي ووډ په میندو کې حساب شوې. له فلم جوړونکي آدتیا چوپړا سره تر واده کولو وروسته هم هغه په آزادانه توګه په فلمونو کې کار کوي.

تصور کیږي چې ایشوریه رای بچن د بالي ووډ د فلمي نړۍ تر ټولو مشهوره مور ده. د هند د سپوپر سټار امیتابهچن د اینګور کیدو له امله، ابهیشیک، ایشوریا او د دوی لور ارادهیا ډیري وختونه د ورځپاڼو په سرټکو کې شمیرل کیږي.

له اجی دیوګن سره تر واده کولو وروسته یې زیاتره توجه خپلې کورنۍ ته اړولې ده، خو کله نا کله په فلمونو کې هم راڅرګنده شوې ده چې د مينه والو د زړونو په ګټلو بریالۍ شوې ده.

شلپا شیټهي په فلمونو کې کار کول پریښې دی. شلپا تر واده وروسته نه یوازې کور او ماشومانو سمبالوي، بلکې له خپل میړه راج کنډارا سره د هغه په کاروبار کې هم مرسته کوي.

مادھوري دکشت، تر واده وروسته خپل ژوند د خپلې کورنۍ له پاره وقف کړی وو، خو د اولادونو تر لویدو وروسته هغه یو وار بیا د زرق و برق نړۍ ته مخه کړی. خو دا وار مادهوري پر تلویزون ډیر لیدل کیږي.

کونکنا سین د خپل ماشوم (زوی) تر زیږولو وروسته هم له فلمي نړۍ سره خپلې اړیکې پریکړي نه دي. له میړه رنویر شوری، سره د اړیکو خرابیدو په اړه خبرونه د ډیرې مودې راهیسې په رسنیو کې ښکته پورته کیدلې. بالاخره دواړو د جلا کیدو پریکړه وکړه.

ملائکه ارورا خان، د هند د مشهور فلمي ستوري سلمان خان د وریندارې کیدو سربیره، په بالیوډډ کې پخپله ځانته یو شخصیت جوړ کړی دی. د کور د کارونو او ماشومانو د سمبالونو سربیره هغې فلمي نړۍ ته هم بشپړه توجه ورکړی ده.

سشمیتا سین چې یو وخت د نړۍ د ښکلاء ملیکه (مس یونیورس) هم پاتې شوی ده، د بالي ووډ سنیما د نړۍ هغه یوازنۍ مور ده چې تر اوسه واده شوی نه ده. دغې فلمي ستوري دوه ماشومان په فرزندۍ سره نیولي دي او د هغو روزنه او پالنه کوي.

کاجول د ۱۹۷۴م کال د اگست میاشتې پر پنځمه نېټه زېږدلې ده. د هغې مور تنوجا او آنا شوبهنا سمرته، هم د فيلم د نجلۍ په رول کې را څرگندي شوي دي. کاجول د «بې خودي» په فيلم کې په کار کولو سره خپل دغه سفر پيل کړ. «دلوالي دولهنيا لې جاينگې» او «کوچ کوچ هوتاهې» په شان کاميابه فيلمونو لوبغاړي د یکشنبې په ورځ «۶ فيلم فیئر» ایوارډونه ترلاسه کړل.

ايشوريا رای چي په نړۍ کي د خپل ښايست له امله ډېره مشهوره ده د ۱۹۷۳م کال د اکتوبر میاشتې پر اوله نیټه زیږیدلې ده. نوموړۍ یوازنۍ هندۍ لوبغاړې ده چې د فرانسې په «کن فيلمي فیستیوال» کې له یوې لسیزي راهیسې گډون کوي. ایشوریا رای د دیوداس، هم ديل دې چوکې سنم، تال او ماسٹر په شان بريالي فيلمونو کې په کار کولو سره په نړۍ کې ډېره مشهوره ده.

تبو چې کورنې نوم یې تبسم دی د بالي وډ پر هندي فيلمونو سربیره په ډیرو تاملي، تیلگو، ملیالم او بنگالي ژبو جوړ شوو فلمونو کې کار کړی دی. په ملي کچه دوه واره د ښه هنرمن جایزې تر څنگ یې ۴ واره د«فلم فیئر» جایزې هم ترلاسه کړي دي.

مادهوري د ۱۹۶۷م کال د می میاشتې پر ۱۵ زیږیدلې ده. دل، بيټا، هم اپکي هې کون فيلمونو وړاندي کونکې د «معصوم» په فيلم کې له کار کولو سره خپل د فلمي نړۍ سفر پيل کړ. په دې وروستیو کې د مادهوري گلابي گینگ او ډیړه عشقي فيلمونو ډیر مینه وال درلودل.

په گلابي گینگ فيلم کې له مادهوري سره را څرگندیدونکې چوهي چاوله د ۱۹۶۷م کال د نوامبر میاشتې پر ۱۳ زیږیدلې ده. جوهي له سلطنت فيلم سره د بالي وډ په فلمي نړۍ کې پښه کیښودله. تر دې مخکي نوموړي په ۱۹۸۴م کال کې د مس انډیا یا د هند د ښکلا ملکه انتخاب شوې وه. هغې په خپلو فيلمونو کې هم خپل شوخ او زړه راښکونکې رول ښودلی دی.

په لومړي ځل د هند له پاره د مس یونیورس لقب تر ترلاسه کولو وروسته په فيلمي نړۍ کې قدم ایښودونکې او په ډیرو هندي فلمونو کې کار نه کوي. سشمیتا د ۱۹۷۵م کال د نومبر میاشتې پر ۱۹ زیږیدلې ده. هغې تر اوسه پوري واده نه دی کړی او دوه ماشومان یې په فرزندۍ نیولي دي.

پریتې زنتا د ۱۹۷۵م کال د جنوري میاشتې پر ۳۱ نیټه زیږیدلې ده. هغې د دل سې په فيلم کې له کار کولو سره فلمي نړۍ ته راغله. هغه له سواگريزو اعلانونو څخه فيلمي نړۍ ته راغله. کل هو نا هو، دل چاتاهې او کوئی مل گیا، په شان فيلمونو کې هغې د یوې مودرني هندۍ نجلې رول ولوباوه چې خلکو ډیره وستايله.

شلپا شیټي د ۱۹۷۵م کال د جون میاشتې پر ۸ نیټه زیږیدلې ده. شلپا د دهړکن په فلک کې په کار کولو سره د بهترینې هنرمندې په توگه ځانگړی مقام ترلاسه کړ. د راجستهان د آئي، پي ايل کرکټ لوبډلې مالکه او فيلم جوړونکې شوه. هغې د «یوگا» ورزش د پرمختگ له پاره هم ډیري هڅې کړي دي.

فنټم فلم په ۲۰۰۸م کال کې د هند په بمبي ښار کې د تر سره شوو ترهگریزو یرغلونو پر موضوع راڅرخي. په انځور کې کترینا کیف په ممبي کې په هغه غونډه کې لیدل کیږي چې د دغه فلم د «ټریلر» د معارفي کولو له پاره رابلل شوې وه.

په دغه انځور کې کترینا کیف په ممبۍ کې په جوړه شوې غونډه کې د فلم له ډایریکټر کبیر بیدي سره لیدل کیږي. د دغه فلم کیسه د حافظ محمد سعید، پر خیالي قتل راڅرخي. پر حافظ محمد سعید باندې هند په دغو بریدونو کې د لاس لرلو تور لگوي. حافظ محمد سعید د خپل مدافع وکیل په واسطه ویلي دي چې دا فلم یو پروپاگنډ دی او په پاکستان کې پرې بندیز ولگول شي.

په ۲۰۰۳م کال کې کاترینا د «بوم» په نوم فلم سره په بالي ووډ، کې قدم کښیود. هغې د «سیاست» او «حکومت» په څیر جدي فلمونو کې هم کار کړی دی. پر دې سربیره هغې د «چکني چنبیلي» او «شیلا کې جواني» په نوم فلمونو کې چې ډیر شهرت یې موندلی وو هم کار کړی دی.

کترینا د هندوستان له هغو څو فلمي ستورو څخه یوه ده، چې د فلمونو په نړیوال فیستیوال کان، کې یې گډون کړی دی. سږ کال هغې د لومړي ځل له پاره د کان په نړیوال فیستیوال کې گډون وکړ.

کترینا د هند د یوه بل فلمي ستوري سلمان خان سره په «ميني پیار کیو کیا»، «پارټنر» او «ایک تھا ټائیگر» په شان فلمونو کې کار کړی دی. یوازې د پردې پر مخ نه بلکې د دغې جوړې د شخصي اړیکو په هکله هم ډیري تبصرې شوي دي.

نن سبا د کترینا د مینه والو تر ټولو لویه پوښتنه دا ده چې واده یې کړی دی؟ رنبیر کپور او کترینا کیف دواړه د بالي ووډ، له ښو فلمي ستوري څخه شمیرل کیږي او د خپل کار په هکله هم ډیر جدي ښکاري.

د«زندگ نہ ملي گي دوبارہ»، «بینگ بینگ» او «اگني پتھ» په نوم فلمونو کې کترینا کیف سره کار کوونکی فلمي ستوری ریتک روشن وایي، چې هغه ډیره زحمت کشه ده. هغه په یوه مرکه کې ویلي ول چې کترینا د نارينه وو په شان کار کوي.

د «دهوم تهري» او «کملي کملي» پر سندرو د کترینا د نڅا ډیر تعریف شوی. هغه د خپلي نڅا له کبله دومره مشهوره ده چې د مادام تساو، په میوزیم کې د هغې یوه مومیايي مجسمه ايښول شوې ده چې د رقص په حالت کې ده.

دغه صحنه په ۲۰۱۲م کال کې په کولکته کې د یوې فلمي مېلې ده. له ژبې سره د پوره بلدتیا پرته هم کترینا کیف په ډیر اعتماد سره په بالي ووډ کې قدم کښیود او په فلمونو کې یې کار پیل کړ. د انوکا شرما، دیپیکا پډوکون او پریانکا چوپړا په شان فلمي ستورو سخته سیاله ثابته شوه.

کترینا د بالي ووډ، لومړۍ فلمي ستورې ده چې په نوم یې یوه باربي ننځکه، هم جوړه شوې ده. کاترینا په هانگ کانگ زېږېدلې ده، د امریکا متحدو ایالاتو په هوایي کې رالویه شوې ده او په لندن کې یې زده کړي کړي دي. په ۱۹۸۳م کال کې د یوه کشمیري سوداگر محمد کیف او د هغه د انگریزۍ مېرمني سوزانه تر کیوتی په کور کې د زیږیدلي کارینا اصلي نوم کترینا تر کیوتی، وو.