د طالبانو د حکومت د احصایې او اطلاعاتو د ملي ادارې په یوه خبرپاڼه کې چې په ټویټر پاڼه کې خپره شوې ده، راغلي دي چې په پامیر کې پاتې کسانو ته به په راتلونکي پړاو کې تذکرې ورکړل شي. د طالبانو د احصایې او معلوماتو ریاست د پامیر ولسوالۍ د اوسېدونکو د کره شمېر په اړه څه نه دي ویلي.

د بدخشان د واخان ولسوالۍ د پامیر غرنۍ سیمې اوسېدونکي د افغانستان له ډېرو محرومو وګړو څخه دي. سخت کنډو کپر سړکونه د دې لامل شوي چې اوسېدونکي يې د ژوند لومړنیو اسانتیاوو ته لاسرسی و نه لري.