ليز ترس د لومړۍ وزيرې په توګه تر غوره کيدو ۴۵ ورځې وروسته له دندې استعفا وکړه، چې دا يو نوی ريکارډ دی. نوموړې انفلاسيون، د انرژۍ بحران او د اوکراين جګړې ته په اشارې سره وويل چې د «لومړي وزارت دوره یې د ستر اقتصادي بحران او نړيوالې بې ثباتۍ پر وخت پېل شوې وه.»

ترس د مالیې خپل وزير کواسي کواتينګ تېره اوونۍ له دندې ګوښه کړ. حکومت د ۴۵ ميليارده پوندو مالیې راکمولو اعلان وکړ چې پرته له دې چې د دې تمويل په اړه یې کوم پلان وړاندې کړې وي چې دې څه مالي بازارونه سخت حيران کړل او د پوند او د بريتانيا د بها لرونکو اسنادو د سقوط باعث شول.

بورس جانسن د روان میلادي کال په جولای مياشت کې استعفا وکړه. د هغه د لومړي وزارت دوره د يو شمير افتضاحو او د هغه د خپل ګوند د پارلمان د ۵۰ استازو په استعفا ختمه شوه. د جانسن حکومت په ۲۰۲۰م کال کې له اروپايي اتحادیې څخه د بريتانيا د وتلو نظارت وکړ.

تېريسا می په ۲۰۱۶م کال کې له اروپايي اتحایې څخه د وتلو په اړه تر ريفرنډم وروسته د ديود کيمیرون ځای ناستې شوه او د دغه ټولنې څخه د وتلو په اړه یې مذاکرات پېل کړل. نوموړې هغه وخت استعفا وکړه چې د پارلمان استازو د هغې له خوا له اروپايي ټولنې څخه د برتيانيا د وتلو په اړه وړاندې کړل شوي درې سره مسودې رد کړه.

ديود کيمیرون په ۲۰۱۰م کال کې له ليبرال ديموکراتانو سره د ائتلاف له لارې محافظه پال بيرته قدرت ته ورسول. د کیميرون ګوند په ۲۰۱۵م کال کې په ډېر لږ اکثريت بريالی شو – له دې سره سم پر نوموړي د هغه ژمنې د پوره کولو فشار هم راغی چې له اروپايي ټولنې څخه د بريتانيا د وتلو او يا پاتیدو په اړه ريفرنډم ترسره شي. کيمیرون تر ريفرنډم يوه وروسته استعفا وکړه کله چې کابو ۵۲ سلنه د «وتلو» په حق کې رایه ورکړه.

ګوردن براون بيا هغه لومړی وزیر وو چې خپله دنده یې په ټاکنو کې د ناکامۍ له کبله پرېښوده او نه دا چې استعفا ته مجبوره شي. براون په ۲۰۰۷م کال کې د عراق د جګړې او اقتصادي ستونزو له کبله د ټوني بلیر تر استعفا وروسته واک ته ورسېد. براون د ۲۰۱۰م کال په ټاکنو کې واک له لاسه ورکړ او په دې توګه یې په بريتانيا کې د ليبر ګوند ۱۳ کلنه واکمني پای ته ورسوله.

ټوني بلېر څلور ځله ټاکنې ګټلي دي او د ليبر ګوند يوازنی سياستوال دی چې ادعا کوله شي چې د ډېر وخت ګټونکی وو. د يوه ډېر مرکزي پليټ فارم له لارې چې دی «نوی ليبر» باله بلېر په ۱۹۹۷م کال کې په درانه اکثريت ټاکنې وګټلې او بيا شاهد شو چې څرنګه یې يوه لسیزه په واک کې تر پاتېدو وروسته قدرت وار په وار کم شو.

جان ميجر د مارګريت تيچر تر استعفا وروسته چې دولس کاله پر قدرت وه، د لومړي وزير دنده ترلاسه کړه. د نوموړي حکومت په يوه ستر اقتصادي بحران او د پارلمان د محافظه پال ګوند د اروپايي ټولنې ضد غړيو په مقاومتونو کې ښکيل شو.

د بريتانيا درې سره لومړۍ وزيري د محافظه پال ګوند څخه وې، خو نه تیريسا می او نه هم ليز ترس د مارګريت تیچر په څېر د ټاکنیزو برياو او پايښت ادعا کولای شي.