نوموړي چی تر خپل تعینیدو وروسته یې د اول وار دپاره په علني ډول سره خبري کولې، وویل، چي «موږ سخت تصامیم نیولي دي.» داسي چي ټوله وزارتونه باید په خپلو مصارفو کي کموالی راولي. ځیني مالیات به «داسي ژر راکښته نسي، لکه څنګه چي یې خلګ ارزو لري. او حتی ځیني مالیات به لوړ لا هم سي». د نړۍ اقتصادي وضعيت به نور څومره خراب شي؟
هنټ پرون جمعې ورځ (د اکتوبر ۱۴ مه) د صدراعظمي تراس لخوا د مالیې د وزیر، کوارسي کوارتینګ په عوض تعیین سو، کوم چي یې د هغه د شخړه یز مالیاتي سیاست له کبله لیري کړی ؤ، داسي یو سیاست چي په اسعاري بازارونو کي د ګډوډۍ او هرج و مرج سبب سوی ؤ.
د دې کار پسمنظر د تراس په مشرۍ د انګلستان د محافظه کار حکومت د مالیاتو د کښته کولو د ملیارډونو پونډ هغه بسته وه، چي په مالیاتي بازارو کي د دولت د لا ډیر پوروړیتوب په دلیل د ناارمۍ سبب وګرزیدله ، لیکن پخپله د محافظه کاره حزب په کړیو کي هم د نارضایتیو سبب سوه.
هنټ اوس ویلي، چي په بودجوي پلان کي «غلطۍ» موجودي وې. صدراعظمي تراس هم دغه غلطي منلې ده او ځکه نو زه نن دلته یم. خو دا یې په صراحت سره وویل، چي دی د تراس د اقتصادي پروژې د «اساساتو» دفاع کوي.
آ./م.ق./ا.ا.
د بریتانیا د صدراعظم پټ واده
د بريتانيا صدراعظم بوريس جانسن له کري سيموندز سره پټ واده کړی. حتی ویل کیږي چي د حکومت لوړرتبه مامورین د هغوی د واده په اړه له رسنیو او هغه هم تر واده وروسته خبر سول. انځورونه يې دلته کتلای سئ:
انځور: ADRIAN DENNIS/AFP
بوریس جانسن له کري سیمندز سره د ویست مینستر په کلیسا کي د واده مراسم تر سره کړي، هغه ځای چي د رسنیو او حکومتي لوړ رتبه مقاماتو له اطلاع څخه لیري دی. ځینو بریتانوي رسنیو پر دغه واده باندي په طنزي ډول «پټ راز» نوم ایښی دی.
انځور: Kirsty Wigglesworth/AP/picture alliance
د تیري شنبې ورځي په ماځیګر د بوریس جانسن او نامزدي واده ته ډېر لږ مېلمانه وربلل سوي ول. هلته نه خبریالانو او نه هم لوړرتبه دولتي مامورینو حضور درلود. د بوریس جانسن د واده خبر د حکومت د یوه ویاند او د وداه د مراسمو تر پایته رسیدو وروسته ورکړل سو.
انځور: Matt Dunham/AP Photo/picture alliance
د هغوی تر واده وروسته ویل سوي، په پلان کي دي چي د هغوی غټ واده به په راتلونکي دوبي او د دواړو فامیلونو د دوستانو په حضور کي په رسمي ډول تر سره سي.
انځور: Lindsey Parnaby/empics/picture alliance
دا له ۲۰۰ کلونو راهیسي د بريتانيا د یوه لومړي وزير واده دی چي د خپلي زمامدارۍ پر وخت یې کوي. په ۱۸۲۲م کال کي رابرت جنکینسون له خپلي ښځي څخه تر جلا کیدو وروسته له ماري چستر سره واده کړی وو.
