په پام کې ده چې آلمان ته د دې سفر په ترڅ کي د بريتانيا پاچا د هیواد له مشرانو سره وګوري او پارلمان ته وینا هم وکړي. له هغه وروسته چي چارلز د بریتانیا پاچا غوره سوی، دا يې المان ته لومړی سفر دی.
اليزابېت دويمه په اصل کي د ۱۹۲۶ کال د اپريل په ۲۱مه زېږېدلې ده. خو دا چي په اپريل کي په بريتانيه کي موسم ښه نه وي، نو دا دود ګرځېدلی چي د هغې د زېږېدني جشن په جون کي تجليل سي. د هغې د ۹۰ کالو کېدو جشن د جون په ۱۱مه نېټه د شنبې په ورځ په لويو مراسمو ولمانځل سو. د آلمان سره د هغې د کورنۍ د ريښو په هکله په راتلونکو انځورونو کي معلومات لوستلای سئ.
انځور: Reuters/S. Wermuth
دوهمه ملکه اليزابت چي اوس ۹۰ کاله عمر لري د ۲۰۱۵م کال په مني کي هغې په ۶۳کاله او ۷ مياشتي سلطنت سره د سلطنتۍ ريکارد مات کړ. دوهمه اليزابت د ۲۰۱۵م کال په جون مياشته کي په څو ورځني سفر آلمان ته راورسېدله. دغه هيواد ته د هغې سفر په حقيقت کي د آبا و اجدا خاوري ته سفر ؤ.
انځور: Getty Images
د بريتانيا په سلطنتي کورنۍ کي د آلمانانو «رگ و ريښه» دومره روښانه ده چي بې بې سي شبکې د جرج اول، د تاج ايښوولو د درې سومي کاليزه په مناسبت د مستندو فيلمونو په جوړولو کي دغي موضوع ته پام اړولی وو. (Georgians: the German Kings Who Made Britain The First) اول جورج: آلمانی پاچا چي بريتانيا ئې جوړه کړه.
انځور: picture-alliance/dpa/P. van Katwijk
گيورگ لودويگ يا هغه اول جورج لوييز د انگلستان له «هانوفري» پاچيانو څخه لومړی وو چي له ۱۷۱۴م څخه تر ۱۷۲۷م کاله پوري ئې پر لويي بريتانيا او ايرلند باندي حکومت وکړ. د هغه فرمان دغه راز د آلمان په شمال هانوفر کي هم چلېدی. جورج لوييز چي د آلمان په اوسنابروک کي مړ سو دوه اولاده ئې لرل: دوهم جورج او سوفيا چي د پروس ملکه سوه.
انځور: picture-alliance/dpa/J. Stratenschulte
گيورگ اگوست يا هماغه جورج آگوستوس له هانوفر کورنۍ څخه دوهم پاچا وو چي د همدغه ښار د هرن هاوزن په ماڼۍ کي وزېږد او له ۱۷۲۷م کال څخه ئې تر ۱۷۹۶ ميلادي کاله پوري پر لويي بريتانيا او ايرلند پاچاهي کوله. هغه وروستۍ انگليسی پاچا وو چي د جنگ په ډگر کي ئې عسکرو ته قومانده ورکوله.
انځور: picture alliance/akg-images
دريم جورج، د هانوفري سلطنتي کورنۍ دريم پاچا وو چي د ۱۷۶۰م کال د اکتوبر مياشتي له ۲۵ څخه د ۱۸۰۱م کال د جنوري مياشتي تر لومړۍ نېټې پوري ئې پر بريتانيا سلطنت وکړ. په دغه وخت کي بريتانیا د خپلو مستعمرو تر ټولو مهمه برخه يعني شمالي امریکا له لاسه ورکړه، چي وروسته بيا امريکا متحد ايالات هيواد جوړ سو.
انځور: picture alliance/akg-images
گيورگ آگوست فريدريش يا هماغه جورج آگوستوس فريدريک، په بريتانيا کي د هانوفري کورنۍ څلورم پاچا وو. هغه د ۱۸۱۱م کال د فيبروري مياشتي له ۵ څخه د نايب السلطنه او د پلار تر لېونتوب وروسته ئې د حکومت واگي په لاس کي ونيولې او د ۱۸۳۰م کال د جون مياشتي تر ۲۶ نېټې يا تر مرگه پوري د بريتانيا او ايرلند پاچا او دغه راز د هانوفر پاچا وو.
انځور: picture-alliance/dpa/C. Donhauser
په بريتانيا کي د هانوفري کورنۍ سلطنت د جورج آگوستوس فريدريک د ورور څلورم ويليام څخه د ويکتوريا ملکې ته ورسېد. هغې هم د آلمان د ساکس-کوبورگ او گوثا کورنۍ له شازاده آلبرت سره واده وکړ.
انځور: picture alliance/akg-images/A. Miles
د ويکتوريا زوی يا ځای ناستي اووم ادوارد په دغه وخت کي د بلي سلطنتي آلمانۍ کورنۍ سلطنت پيل کړی (د آلمان د ساکس-کوبورگ او گوثا کورنۍ) څو وروسته بيا سلطنت فردريک ارنست آلبرت يا هماغه پنځم جورج ته ورسېد. پنځم جورج چي د ملکې اليزابت نيکه دئ، د آلماني ضد احساساتو له کبله ئې په لومړي نړيوال جنگ کي خپل کورنۍ نوم په ويندسور واړاوه. په انځور کي پنځم جورج او قيصر ويلهلم ښکاري.