د بشري حقونو سازمان «هلسينکي کميټې» د جمعې په ورځ اعلان وکړ چې دغه اقدام هغه ډله مهاجرو پورې تړاو لري کوم چې د لومړي ځل له پاره يې د پناه غوښتنې رد شوې وي.
د دغه رپوت پر اساس، هغه مهاجر چې په لومړي ځل يې د پناه غوښتنه رديږي، د هنګري او سربستان هيوادونو په سرحدونو کې جوړو بندو مرکزونو ته ليږدول کيږي، چې ځينې يې په دغه ځای کې خوراکي توکي نه ترلاسه کوي. ويل شوي دي چې د دغو کسانو شمير شپږ تنو ته رسيږي.
د بشري حقونو دغه ملاتړ کونکي سازمان دا هم ويلي دي چې، د هنګري د مهاجرت ادارې له خوا دغو مهاجرو ته ويل شوي دي چې اجازه لري سربستان ته ولاړ شي.
خو هلسينګي کميټه توانيدلې ده چې په دې برخه کې د مدافع وکيلانو په مرسته يو موثر اقدام ترسره کړي. دغې کميټې د اروپا د بشر حقونو محکمې له لوري هنګري دې ته موظفه کړې تر څو يادو کسانو له پاره د ژوندانه موقتي آسانتياوې برابرې کړي.
په دې ترتيب اوس نو بايد ټولو مهاجرو ته چې په دغه شان بندو کمپونو کې اوسيږي، ډوډي ورکړل شي. د اروپا د بشر حقونو محکمې په دې اړه تصمیم، د روانې ميلادي مياشتې (اګست) په لسمې او شپاړسمې ونيوه.
د ويلو ده چې هنګري هيواد د روان ميلادي کال د جون مياشتې په لومړيو کې د مهاجرت سخت قوانين په اجرا کې راوستل. خو هلسینکي کميټه وايي چې له دغو قوانينو څخه د اګست مياشتې له نيمايي وروسته کار اخيستل شوی دی.
دا هم زمونږ له ارشيف څخه د مهاجرت پر موضوع يو انځوريز البوم:
په هنګري کې د ماشومانو مخته د مهاجري کورنۍ د سر سړي نیول
رویترز خبري آژانس د صربستان او هنګري د پولیسو له خوا د کډوالو د نیول کیدو انځورونه خپاره کړي دي. په وروستیو وختونو کې صربستان او هنګري اروپا ته د کډوالو د راتلو په یوه ډیره معمولي لار بدل شوي دي. انځور: Reuters/B. Szabo د هنګري د پولیسو له خوا د کډوالو د یوې کورنۍ د سر سړي نيول. دغې کورنۍ غوښتل د دې هیواد له لاري ځان نورو اروپايي هیوادونو ته ورسوي.
انځور: Reuters/B. Szabo دغه انځورونه د جمعې په ورځ رویترز خبري آژانس اخیستي دي.
انځور: Reuters/B. Szabo د هغو کډوالو شمیر چې هڅه کوي ځان د هنګري له لارې لویدیځې اروپا ته ورسوي ورځ تر بلي ډيريږي.
انځور: Reuters/B. Szabo د هنګري د چارواکو په حواله د ۲۰۱۵م کال له پیل راهیسې تر اوسه پوري د دې هیواد له لارې ۱۴۰ زره کډوال صربستان ته رسیدلي دي.
انځور: Reuters/B. Szabo د هنګري د چارواکو په حواله یوازي په روانه میاشت کي ۳۴ زره کډوال دې هیواد ته رسیدلي دي.
انځور: Reuters/B. Szabo صربستان د سوریایي کډوالو د ترانزیت په یوه مسیر اوښتی دی.
انځور: Reuters/B. Szabo هنګري ته د کډوالو د ورتګ له ډیریدو سره د دې هیواد پولیسو پر سرحد د اغیزي لرونکي سیم د غځولو کار پیل کړی دی.
انځور: Reuters/B. Szabo هنګري له صربستان سره پر خپله ۱۷۵ کیلو متره سرحد باندې دغه اغزن سیم غځوي.
انځور: Reuters/B. Szabo رویترز خبري آژانس د چهارشنبې په ورځ وویل چې اوس د هنګري دولت په دې اړه څیړني کوي چې له صربستان سره پر خپل سرحد باندي له پوځه مرسته وغواړي.
انځور: Reuters/B. Szabo اروپا ته د کډوالو د راتلو بهیر په ډیریدو سره د هغوی په اړه اندیښنې هم ډیري شوي دي.
انځور: Reuters/B. Szabo اروپا ته د رسیدو پر لار د کډوالو پر ضد له اوښکي بهوونکي ګاز څخه هم کار اخيستل کيږي، پر دې لار د پرتو هیوادونو پر پولیسو باندي نیوکي ډیري شوي دي.
انځور: Reuters/B. Szabo
