یوه افغان چارواکي د سه شنبې په ورځ ویلي دي چې د ننګرهار په اچین ولسوالۍ کې د اسلامي دولت پر یوه مرکز باندې د امریکا متحده ایالاتو تر ټولو لوی غیر اتومي بم، د نورو تر څنګ ۱۳هندي یاغیان هم وژلي دي.
انځور: Reuters/U.S. Department of Defense
اعلان
امریکا متحده ایالاتو د پنجشنبې په ورځ د افغانستان په ختیځ ولایت ننګرهار کې خپل تر ټولو لوی غیر اتومي بم وکاروه چې ورته د «ټولو بمونو د مور» نوم ورکړل شوی. د برید هدف د اسلامي دولت د تونلونو د یوې شبکې په نښه کول دي. په دې سیمه کې د دې ډلې مهمات هم له منځه تللي دي.
د دفاع وزارت ویاند محمد رادمنش، په یوې بیانیه کې ویلي دي: «په برید کې ډیری وژل شوی یاغیان له پاکستان، هندوستان، فلیپین او بګله دیش هیوادونو څخه وو.»
په دې برید کې د اسلامي دولت څلور کلیدي قوماندانان هم وژل شوي دي.
د کوټ ولسوالۍ اوسیدونکي د داعش له ویري کورونه پریږدي
