د ترمپ تر ټولو مشرې خور، مېري اېن ټرمپ بيري، د دونالد ترمپ حکومت د مهاجرت سياست په تړاو پر خپل ورور نیوکه کړې او هغه ته يې د «درواغجن» او «ظالم» الفاظ کارولي. هغې زياته کړې ده چې ولسمشر ترمپ په خپلو ژمنو باندې عمل نه کوي، ځکه خو اعتماد کول ورباندې ممکن نه دی.
مېري اېن ترمپ بيرې، په دې باور ده چې د ولسمشر ترمپ د مهاجرت سیاست، کم عمره ماشومان له خپلو والدينو څخه جلا او په توقیف ځايونو کې يې اچوي. د هغې په خبره، دونالد ترمپ هيڅ اصولو ته پابند نه دی او هغه دغه سياست د خپلو رای ورکونکو د خوشاله کولو له پاره عملي کوي.
د ترمپ خور دغه خبرې له خپلې وريرې، مېري ترمپ سره په يوه ټليفوني اړیکه کې کړي چې په پټه ثبت او اوس افشا شوي دي. ويل شوي چې دغه مکالمې په ۲۰۱۸م کې ثبت شوې ده. ترمپ هغه مهال ټينګار کاوه، چې هر هغه مهاجر چې په غیرقانوني توګه د امريکا خاورې ته داخليږي باید ماشومان یې له والدينو جلا او په ځانګړو توقیف ځایونو کې واچول شي.
د دغې مکالمې تفصيلات، د شنبې په ورځ (د اګست ۲۲مه) په واشنګټن پست ورځپاڼه کې خپاره شوي دي.
کيڼ لور ته دونالد ترمپ ورور، رابرت ترمپ، منځ کې يې خور مري اين ترمپ بیري او دونالد ترمپ - پخوانی انځورانځور: picture-alliance/Globe-Zuma/S. Moskowitz مېري اېن ترمپ، خپلې وريرې سره په ټيلفوني اړيکه کې ترمپ یو بې اصوله شخص ښودلی دی. هغې د امريکا د ولسمشرۍ حساس مقام ته په اشارې ويلي دي چې ورور يې په هيڅ صورت کې د دغه ډول یو سیاسي مقام مسئوليت منلو ته تیاری نه درلود. میرمن ترمپ د خپلې وريرې د دې پوښتنې په ځواب کې چې ترمپ نو په دې تړاو کوم کتابونه مطالعه کول؛ ويلي دي چې «هغه هيڅ کتاب نه لولي.»
۸۳ کلنه مېري اېن ترمپ له يوې وکيلې علاوه، نژدې دولس کاله يوه لوړپوړې قاضي هم پاتې شوه وه چې روان کال (۲۰۲۰) کې له دغې دندې تقاعد شوه.
د مېري اېن ترمپ او وريرې تر منځ په دغې ثبت شوې ټيلفوني اړيکه کې پر دې هم بحث شوی چې دونالد ترمپ د پوهنتون د داخلې په آزموينه کې یو بل کس ته پيسې ورکړې وې او هغه کس د ده پر ځای په آزموينه کې ناست وو. مریان ترمپ زیاته کړې چې دونالد ترمپ د پنسلوانيا پوهنتون ته د همدغې آزموينې په پايله کې کامیاب شو چې په پيسو راوستلي کس يې پر ځای امتحان ورکړی وو. هغې ويلي چې د دغه کس نوم یې اوس هم په ياد دی.
د امریکا ولسمشر دونالد ترمپ او سپينې ماڼۍ د دغې خفيه ثبت شوې مکالمې په اړه د دغه رپوټ د خپريدو تر وخته څه نه دي ويلي.
دویچه وله فارسي/اردو/م.ک.ص./ا.ا.
زموږ له آرشيف څخه يو انځوريز البوم:
د امريکا ولسمشرۍ ته بریالی کاندید دونالد ترمپ چې له بارک اوباما څخه به د ولسمشرۍ واک ورسپارل کيږي، په خپل تير ژوند کې د مينې او یارانې ډیر سرګذشتونه لري. د نوموړي د ژوند د ښځو او کورنۍ انځوريز رپوټ دلته کتلای شئ:
انځور: picture-alliance/abacaدونالد ترامپ خپلو سيالانو ته تر ماتې ورکولو وروسته، د امريکا متحده ايالتونو په انتخاباتو کې د جمهوري غوښتونکو د ګوند رسمي کانديد وګرځيد. ترامپ چې د امريکا یو ناندريز ميلياردر دی، تر دې مخکې يې د لوړو ژورو ډګ مينه ناک ژوند لری دی.
په امريکا کې ولسمشرۍ لپاره ډیر لږ کانديدان داسې دي چې د خپل ګوند د غړو په منځ، ټولنه او حتې له هيواده بهر دې داسې جنجالي او ناندريز وي.( انځور: د ویسکانسن ايالت یو استاځي په کليولند کې د جمهوري غوښتونکو په کنګره کې د دونالد ترامپ له کانديداتورۍ څخه خپل مخالفت په ډاګه کړ).
دونالد ترامپ د ۱۹۴۶ کال د جون په ۱۴ مه نيويارک کې وزيږيد. هغه د فدريک ترامپ او مري آن مک لئود په پنځو اولادونو کې څلورم زوې دی. پلار ته یې د ميليونو ډالرو دارايي، د هستوګنځايونو د کاروبار له بابته ترلاسه شوي دي. ترامپ هم د خپل پلار لاره تعقیب کړه، حتې د پوهنتون په دوره کي یې د پلار په پيسو کورنو اخیستل او پلورل. په ۱۹۷۴ کې د لوړو زدکړو تر پاي ته رسيدو وروسته یې د پلار شرکت مسئوليت پر غاړه واخیست.
د ترامپ لمړنۍ ښځه چکي ماډله ایوانا مری زلنیچکوا وه. دواړو په ۱۹۷۷ کال کې واده وکړ. ترامپ له دغه واده څخه دوه زامن او يوه لور لري.
د هغه مشر زوی دونالد ترامپ يونيور دی. دی ۳۸ کاله عمر لري او د دونالد ترامپ د سوداګريز شرکت معاون دی. انځور کې يونيور د خپلې ميرمنۍ وانسا سره.
ایوانکا ترامپ، د دونالد ترامپ ۳۴ کلنه لور ده. دا ترڅنګ د دې چې د پلار په سوداګريز شرکت کې معاونه ده، د بوټونو د خرڅلاو په برخه کې هم فعاله ده.
ايوانکا ترامپ له جارد کوشنر سره چې ۳۵ کاله عمر لري واده کړی دی. دغه ميرمن نه یوازې د کورنو په تجارت کې فعاله ده، بلکه د يوې ورځپاڼې د امتياز خاونده هم ده.
له ايوانا مري زلنيچکو څخه د دونالد ترامپ وروستی اولاد د هغه ۲۳ کلن زوی اریک ترامپ دی. دی هم تر څنګ د دې چې د پلار په سوداګريز شرکت کې معاون دی، د ترامپ د هوټلونو رئیس هم دی.
وروسته له هغې چې ترامپ له خپلې لمړنۍ ميرمنۍ څخه جلا شو له مارلا ماپلس سره یې واده وکړ. (له ۱۹۹۳ تر ۱۹۹). مارلا ماپلس چې یوه سندرغاړې وه له ترامپ څخه یې ۱۷ کاله کم عمر لرود.
ترامپ له مارلا ماپلس څخه یوه لور لري چې تیفانی نوميږي. نوموړې د مدلينګ او سندرو ویلو په برخه کې فعاله ده او روان کال له پوهنتون څخه فارغيږی. تیفانی د پلار په سوداګريز سيستم کې ځای نلري او د هغه تر نوماند کيډو د مخه، له خپلې مور سره په کالفورنيا کې اوسيده.
دونالد ترامپ له مار لا ماپلس څخه تر جلا کیدو وروسته، د يو لنډ وخت لپاره د کار لا بروني سره ملګرتيا لرله. هغې له ترامپ څخه تر جلا کيدو وروسته د نیکلا سارکوزي سره واده وکړ، چې بيا د فرانسې ولسمشر شو.
دونالد ترامپ له خپلې دويمې ميرمنۍ سره تر جلا کيدو وروسته، په ۲۰۰۵ کال کې له سلوانۍ ماډلې، ملانیا کناوس سره واده وکړ.
اوس د ترامپ لمسی او د هغه کشری ځوی «بارون ویليام» سره تقريباً همځولي دي. ویليام چې اوس ښوونځي وايي، له ملانیا سره د ترامپ د واده حاصل دی. ترامپ د اتو لمسيانو نيکه دی.
ترامپ د کورنو، هوټلونو او قمارخانو شرکتونو ترڅنګ، تر ۲۰۱۵ کاله پورې د «ان بي سي یونيورسل» رسنۍ سره په ګډه، د نړۍ د ښکلا ملکې د سياليو پروسې اختيار هم په لاس کې لرود.
ټولې هغه ښکلې ښځې چې تر تيرو کلونو پورې دونالد ترامپ سره په يوه لاره تللې، اوس، په ځانکړې توکه د انتخاباتو پر وخت ترامپ لپاره د سترو ستونزو لامل شوې. په ټولو نظرسنجيو کې په ډيره سلنه کې ثابته شوه چې ترامپ د «ښځو ښه نه راځي». په امريکا کې د رايو اکثريت ښځي تشکيلوي چې دغه رايې د هغه سيالې، هيرې کلينټن ته کارول شوي دي.
