د سي ان ان شبکې د رپوټ په حواله، په دغو درو لوړپوړو امريکايي چارواکو کې يو يې انتوني فاوچي دی. فاوچي د کرونا بحران پر ضد د مبارزې په ټيم کې د سپينې ماڼۍ مهم مشاور دی. دی د ۷۹ کلونو دی او د شنبې ورځې راهیسې په کورني قرنطين کې دی.
واشنګتن پوست د شنبې په ورځ خبر ورکړ چې د امريکا د ناروغيو د مخنيوي او کنترول د مرکز رئيس، رابرت ريدفيلد به هم د دوو اوونيو له پاره له کوره کار کوي. ريدفیلد د چهارشنبې په ورځ په سپينه ماڼۍ کې له يوه داسې کس سره چې د ناروغۍ «لږ خطر درلودونکی» ښودل شوی، سره ليدلی وو. واشنګتن پوست ويلي دي چې رابرت ريدفيلد د ۶۸ کلونو دی.
د امريکا د غذا او درملو د ادارې (FDA) کمیشنر ستيفن هان هم د دوو اوونيو له پاره ځان قرنطين کړی دی.
انتونې فاوچي له ترمپ سرهانځور: Imago Images/Media Punch/O. Contrerasد دغې ادارې يوه وياند وويل: «څرنګه چې ډاکټر هان نن خپلو همکارانو ته په يوه لیک کې ليکلي، هغه تازه د يوه داسې کس سره په تماس کې شوی وو چې د کوويډ-۱۹ آزموينه يې مثبت ده. هغه اوس د دوو اونيو له پاره په قرنطين کې دی.»
داسې رپوټ هم ورکړل شوی چې ستيفن هان د ترمپ د مرستيال مايک پئنس د مطبوعاتې سکرترې، کتي ميلر سره په تماس کې شوی وو.
ميرمن ميلر، د مهاجرو په چارو کې د ترمپ د ارشد سلاکار او وينا ليکونکي، ستيفن ميلر ښځه ده. د هغې د کرونا آزموينه د جمعې په ورځ مثبته ختلې وه. دغه کار په سپينه ماڼۍ کې د کرونا ويروس د خپريدو د احتمال د خطر زنګ وهلی دی. ميلر د جمعې په ورځ د ترمپ د جمهوري غوښتونکو په يوې غونډه کې ګډون کړی وو او احتمال يې شته چې انتوني فاوچي هغه وخت له ميلر سره په تماس کې شوی وي.
دغه راز د دونالد ترمپ د مرستيال، مايک پئنس ته د يو نژدې کس په اړه هم ويل شوي چې د کرونا آزموينه یې مثبته ختلې ده.
سپېنې ماڼۍ تراوسه پوري د انتوني فاوچي قرنطين ته د تلو په اړه څه نه دي ويلي.
آژانسونه/ م.ک.ص/ ق. ن
د کرونا پر موضوع يو انځوريز البوم:
د کرونا بحران پر مهال په زړه پورې انځورونه
د کرونا بحران د انسانانو په ژوند کې ژور بدلون رامنځته کړی دی. د دې بحران پر مهال د ښارونو څیره بدله شوې او یو له بل سره د خلکو په چلن کې هم توپير رامنځته شوی. په دې اړه څو په زړه پوري انځورونه دلته لیدلی شئ:
انځور: AFP/M. Abedیوه فلسطيني فعال د کرونا ویروس د خطر په اړه د عامه پوهاوي د کچې لوړولو په خاطر د کرونا ویروس په شکل ماسک اغوستی دی او له ماشومانو سره لوبې کوي.
د سره صلیب یو داوطلبه کارکونکی د انډونیزیا یو ښوونځی دوا پاکشي او ضد عفوني کوی.
انډونیزیایي سپایدرمن خلکو ته د لاس پریمنځلو مایع ورکوي، څو د کرونا ویروس په مقابل کې ځانونه وقایه کړي.
انډونیزیایي بټمین د کرونا ویروس د خطرونو په اړه خلکو ته معلومات وړاندې کوي.
یو سبزي پلورونکی د هند په اتارپردیش ایالت کې په ښار کې د عمومي قرنطين سربیره کار کوي او خلکو ته تازه سبزيجات عرضه کوي.
یو تایلنډی د یوه بودایي راهب مخ ته دعا کوي.
یوه مکسیکویي ښځه له ماسک سره د دغه هیواد په پلازمېنه کې د یوه رسامي شوي دیوال مخ ته تیریږي.
یو یوناني نقاش پر یوه دیوال له دغه انځور سره د کرونا بحران پر مهال د کورني تاوریخوالي د زیاتیدو کیسه کوي.
د ښاروالۍ یو کارکونکی د برازيل په ښار کې د هندوانو یو پلورنځی دواپاشي کوي.
په رومانیا کې یوه ښځینه پولیسه د خپلې دندې پر مهال یوې پيشو ته مينه ورکوي.
یوه ښځه د آکسفورډ په سړک کې د تړلو دوکانونو مخ ته روانه ده.
سره موش خورما د ښار له چوپتیا څخه په استفادې د سړک د غاړې د کټارو پر سر لوبې کوي.
یو شمیر خلک په پارک کې د لمر پریوتو ننداره کوي، البته د ټاکل شوې فاصلې په مراعاتولو سره!
هغه ډیناسور چې سیلانیان به یې را جلبول، اوس د چین د ښار په مرکز کې یوازې پاتې شوی دی.
