چارواکو د پنجشنبې په ورځ ويلي دي چي دغه کښتۍ چي افغانستان، پاکستان او بنگله ديش هيوادونو څخه راغلي مهاجر پکښي سپاره ول، د شپې له خوا په اوبو کي اوښتې او ډوبه سوې ده.
وان درياب د ايران سرحد ته نژدې پروت دی چي له لاري يې هر وخت مهاجر، ترکيي ته اوړي، څو له هغه ځايه لويديځي اروپا ته ځانونه ورسوي.
چارواکو څرگنده گړې ده چي پوليس او ژغورونکې عمله په نورو قربانيانو پسې خپل لټون ته ادامه ورکوي.
په مديترانه کي تر ۵۰۰۰ زيات مهاجر وژل سوي
په ملگرو ملتونو کي د کډوالو چارو ادارې د راپور له مخي په ۲۰۱۶م کال کي د مديترانې له لاري اروپا ته د مهاجرت پرمهال تر ۵۰۰۰ زيات مهاجر په اوبو کي ډوب سوي دي. دغه راپور د جمعې په ورځ خپور سوی.
انځور: Opielok Offshore Carriers/dpa
د ملگرو ملتونو د کډوالو چارو ادارې د راپور له مخي په ۲۰۱۶م کال کي په مديترانه کي ۵۰۸۹ ښځي، ماشومان او نارينه اروپا ته د مهاجرت پر لار د مديترانې په اوبو کي ډوب سوي دي.
انځور: Reuters/Marina Militare
په ټوله ايزه توگه اروپا ته د مهاجر پرمهال په ۲۰۱۶م کال کي د۷۵۰۰ انسانانو ژوند ختم سوی دی.
انځور: Reuters/A. Konstantinidis
په مديترانه سمندرگي کي تر ټولو زيات ډوب سوي مهاجر د افراقايي هيوادونو دي.
انځور: Reuters/Marina Militare
د دوی ډېری په داسي کښتيو کي د اروپا پر لور مهاجرت ته زړه ښه کړی چي په سمندر کي د ياغي څپو مقاومت نه لري او ډېر ژر چپه او ډوبيږي.
