د ترکیې د ولسمشرۍ له انتخاباتو یوه اونۍ مخکې په انتخاباتي مبارزو کې تاوتریخوالی مخ پر زیاتیدو دی. د هېواد ختيځ د ټاکنیز کمپاين په ترڅ کې د يوې پېښې شاهد وو. د استانبول د ښاروال اکرم امام اوغلو دفتر د ترکیې په ختیځ ښار ارزروم کې د برید ویډیو خپره کړه چیرې چې دغه سیاستوال د یکشنبې په ورځ يوې ټاکنیزې غونډې ته وينا کوله.
د ترکیې ټاکنې - د اکرم امام اوغلو پر بس برید شویانځور: ANKA قهرجنو مظاهره چیانو د هغه د کمپاین بس په ډبرو ويشتلی او امام اوغلو یې مجبور کړی چې فعالیت پریږدي او د پیښې له ځای څخه ولاړ شي.
پولیسو پر لاريون کوونکو اوبو پاشلي په آنلایني شبکو کې په خپرو شويو انځورونو کې ښودل کیږي چې پولیسو د لاریون کونکو د خورولو لپاره يې پرې اوبه شيندي او هڅه کوي هغوی د بس يا سروس موټر له تقعيبولو را وگرځوي.
د ترکي رسنیو د راپورونو له مخې اوه تنه سرسري ټپیان شوي دي. امام اوغلو د يو پاروونکي اقدام خبره وکړه او له سیمه ییزو چارواکو یې د وضاحت غوښتنه وکړه. دغه ولایت د ولسمشر رجب طیب اردوغان د اسلامي محافظه کار «ی کی پي»ګوند تر کنټرول لاندې دی.
د ترکیې ولسمشر رجب طيب اردوغانانځور: Khalil Hamra/AP/picture alliance دا پېښه په ډاګه کوي چې په ترکیه کې د ولسمشریزو ټاکنو له لومړي پړاو یوه اونۍ مخکې وضعیت څومره ترينګلی دی. امام اوغلو په خپل ټاکنیز کمپاین کې د اپوزیسیون د سیاستوال کمال کلیچدار اوغلو ملاتړ کوي. که اپوزیسیون ټاکنې وګټي، نو د دې احتمال شته چې د استانبول دغه نامتو ښاروال د ولسمشر مرستيال شي.
اردوغان کیلیچدار اوغلو یو «شرابی» وباله ولسمشر رجب طيب اردوغان هم بېرته ټاکنیز کمپاین ته راستون شوی دی. هغه د یکشنبې په ورځ په استانبول کې د سلګونو زرو پلویانو پر وړاندې د اپوزیسیون مشر کیلیچدار اوغلو یو «شرابی» وباله.
ترکيې د ترهګرۍ په شک ۱۱۰ کسان نیولي دي
د ترکیې ولسمشر وویل، کیلیچدار اوغلو هر څومره ]الکول[ چې غواړي څښلی شي خو زياته کړې یې ده چې خلک به خپل هیواد «يو نشه يې او شرابي» ته پرې نه ږدي. اردوغان یو ځل بیا کیلیچدار اوغلو له «ترهګرو» سره په همکارۍ تورن کړ.
ترکيه وايي په سوريه کې یې د داعش شکمن مشر وژلی
نظرپوښتنې ښیې چې د می مياشتې د ۱۴مې نیټې په پارلماني او ولسمشریزو ټاکنو کې د اردوغان او د اپوزیسیون د مشر تر منځ برابره او سخته سیالي روانه ده. کیلیچدار اوغلو د بیلا بیلو شپږو مخالفو ګوندونو د اتحاد د ګډ کاندید په توګه سیالي کوي. که چیرې په لومړي پړاو کې هیڅ یو کاندید مطلق اکثریت و نه ګټي، نو د می په ۲۸ مه به د دویم پړاو ټاکنې ترسره شي.
اردوغان چې په دې وروستو کې یې د ناروغۍ له امله له کمپاین څخه وقفه اخیستې وه، په پرله پسې ډول پر اپوزیسیون او د ټولنې په ځینو برخو باندې د بریدونو لپاره تنده لهجه کاروي. هغه په تکراري ډول د «LGBTQ» ضد څرګندونه وکړې او د اپوزیسیون ځینې برخې یې تورنې کړې د همجنس پرستو ښځو او نارينه وو، دوه جنس خوښوونکو او ټرانس جنډر يا نرښځيانو د حقونو له پاره مبارزه کوي.
په ترکيه کې د کاپادوکيه سيمي ښکلا
د ترکیې د اناتولي په مرکزي برخه کې واقغ د کاپادوکيه سيمه ډېرې ښکلي طبيعي منظرې لري. دلته پرتې غونډۍ او غرونه ډېر حيرانونکي جوړښتونه لري. که له ځمکې یې ننداره کوئ او که فضا ورته ګورئ، ښکلا یې له هرې زاویې د ستاينې ده. انځور: Behcet Alkan/AA/picture alliance په اوچيسار کې د لمر لوېدل د مرکزي يا منځنۍ اناتولي په کاپادوکيه سيمې کې انسانو له ميلاد څخه کابو ۳۰۰۰ کاله پخوا ژوند پېل کړی وو. دا د ترکیې له مشهورو تفريحي ځایونو څخه يو دی. دا سيمه په ۱۹۸۵م کال کې د يونيسکو د نړيوال کلتوري ميراث په توګه درجه بندي شوه. د اوچيسار کلا تر ځمکې لاندې استوګن ځایونه او دهلیزونه لري. دا سيمې تر ټولو لوړ ځای هم دی.
انځور: Chris McGrath/Getty Images دا په نوشهر کې د غاليو او سوغاتونو يو پلورنځای دی. په غاليو کې ډېر باريک جزيات د ستاينې وړ دي. دا جزيات ننداره کوونکي يوه بل عصر ته وړي.
انځور: Chris McGrath/Getty Images د کاپادوکيه ملي پارک په مرکز کې د ګورمې په نوم يوه کوچني سيمه ده. دلته په غارونو کې دننه ډېر آرام او ښکلي استوګن ځایونه موجود دي. د ګرمې هوا د پوکاڼيو (هات اير بالون) د پرواز په ترڅ کې سړی د ټول سيمې ننداره کولی شي.
انځور: Zoonar/picture alliance په کاپادوکيه کې د تودې هوا په پوکاڼې کې الوتنې ته د يوې جادویې تجربې په سترګه کتل کيږي. دا پوکاڼۍ تر لمر پريوتو مخکې پرواز کوي او له دې څخه د لمر ختلو او بامونو ننداره ډېره په زره پورې وي. د ګرمې هوا د پوکاڼې يو پرواز کابو دوه نيم ساعت دوام کوي.
انځور: Chris McGrath/Getty Images په کاپادوکيه کې ټولې منظرې د انستاګرام، سنيپ چت او ويديوګانو له پاره په زره پورې ګڼل کيږي. که دا عکسونه او ويديوګانې په اوښ د سپرلۍ په مهال اخلئ او که له يوه کرېن څخه اخلئ.
انځور: Behcet Alkan/AA/picture alliance د غرونو او غونډيو عجب جوړښتونه د کاپودوکيه د ملي مارک دې حيرانوونکې منظرې ته د مينې دره ويل کيږي. دلته د تیزو بادونو او شديدو موسمي تغيراتو له کبله غرونو دغه ډول شکل خپل کړی دی.
انځور: Givaga/Zoonar/picture alliance په دې سیمه کې په پراخه کچه نرمې غونډۍ پرتي دي چې کيندنه هم پکې آسانه وي. د يوه عادي ابزار په مرسته هم دلته کيندنه ترسره کيدلای شي. د ظلم او تيري ښکار مسيحيان په درېمه میلادي پيړۍ کې په دې شاړه سيمه کې ميشت شوي ول. وروسته بيا په دې غرونو کې کورونه، کليساوې او خانقاګانې ورغول شوې.
انځور: Chun Ju Wu/Zoonar/picture alliance تر ځمکې لاندې غارونو سيسټم هم ډېرې ښکلې منظر لري خو له پاسه یې سړی ننداره نه شي کولی. د دې سيسټم د نندارې له پاره بايد سړی تر ځمکې لاندې ولاړ شي. په غارونو کې د ځمکې لاندې تعميراتي هنر منفرد او جلا دی.
انځور: Bildagentur-online/AGF-Lanzelotto/picture alliance له ځمکې او هوا څخه د کاپودوکيه ننداره د منځنۍ اناتولی د دې حیرانوونکې سيمې سيل سړی د تودې هوا له پوکاڼې او يا پر بايسکل، آس او يا پر اوښ د سپريدو له لارې کولی شي. د کوچنیو ګاډيو له لارې هم د دې سيمې د تنګو کوڅو او يا کوچنيو کلیو سياحت امکان لري. په موټر کې هم سړی دلته سيل کولی شي.
انځور: Givaga/Zoonar/picture alliance
