د ايوانکا ترمپ په هکله ويل کيږي چي د خپل پلار د تر ټولو نژدې سياسي مشاورينو څخه يوه ده.

ايوانکا ترمپ د ۱۹۸۱ کال د اکتوبر په ۳۰مه نېټه په نيويارک کي زېږېدلې ده. ايوانکا ۹ کلنه وه چي د هغې مور ايوانا له دونالد ترمپ څخه طلاق واخيست.

ايوانکا په ۲۰۰۴ کال د پنسلوينيا له پوهنتون څخه په اقتصاد کي خپل بېچلر بری ليک تر لاسه کړ.

ايوانکا تر اوسه د خپل پلار د تجارتي ستر شرکت د جايداد د خريد و فروخت د څانګي رئيسه وه.

ايوانکا د جرد کوشنر په نوم پانګه وال سره واده کړی او ورسره درې ماشومان لري. کوشنر د يوې بډايه یهودي کورنۍ غړی دی او د ۲۰۰۷ او ۲۰۱۶ کالونو تر منځ يې د ۷ ملياردو ډالرو پانګونه په نيويارک کي کړې.

د ايوانکا د مېړه جرد کوشنر په هکله ويل کيږي چي د ولسمشرۍ د کانديد په توګه د دونالد ترمپ له پاره د ملاتړ په تنظيم کولو کي يې لوی لاس درلود. جرد کوشنر د دونالد ترمپ مهم مشاور هم بلل کيږي.

د دونالد ترمپ د مېرمني ميلانيا په څېر ايوانکا ترمپ هم پخوا يوه ماډله تېره سوې ده.

د دونالد ترمپ د مېرمني ميلانيا تر څنګ ايوانکا ترمپ هم د ولسمشرۍ د کانديد په توګه د هغه د کامپاين پر وخت تقريبا هميشه د هغه سره مل وه.

د ترمپ د ټاکنيز کامپاين پر وخت ايوانکا د خپل پلار په پلوی ګڼ شمېر ويناوي واورولې.

د ايوانکا ترمپ په هکله ويل کيږي چي د خپل پلار سره په طبيعت ښه پوهيږي او پلار يې ورباندي زيات اعتماد کوي.

دونالد ترمپ د ولسمشرۍ له پاره د کانديد په توګه د ايوانکا او د هغې د مېړه په مرسته زيات سياستوال او تجاران خپل ملاتړي کړل.

ايوانکا د خپل پلار له پاره د کامپاين پر وخت هميش هڅه کوله چي خلکو ته د خوشالۍ او اطمنان احساس ورکړي.

د ايوانکا په هکله داسي ګنګوسې هم سته چي ښايي د امريکا د متحده ايالاتو په راتلونکي حکومت کي مم رول ولري.

يو شمېر کتونکي په دې نظر دي چي که د ترمپ کورنۍ د امريکا د پخواني او وژل سوي ولسمشر کېنېډي په څېر په سياست کي پاته سي، نو ښايي ايوانکا د دغې کورنۍ راتلونکې مهمه سياستواله وي.

ګاډو د افريقا د مشهور ترينو کاريکاتور رسم کوونکو څخه يو دی. دغه کارتون رسم کوونکي په متحده ايالاتو کي د ولسمشريزو ټاکنو پر وخت دغه او يو شمېر نور کاريکاتورونه د دويچه ويله له پاره رسم کړل. په دغه کاريکاتور کي د مسلمانانو په تړاو د کامپاين پر وخت د ترمپ توندو خبرو ته اشاره سوې ده. په دغه طنزي رسم کي دونالد ترمپ په خوله کي دا خبره ورکول سوې: «وعده کوم چي د مسيحيت ميراث به وساتم.»

کله چي دونالد ترمپ د ټاکنيز کامپاين پر وخت وويل چي که ولسمشر سي نو د مکسيکو او متحدو ايالاتو تر منځ به جګ ديوال جوړ کړي، نو د آرتور کېمچس په نوم مکسيکني رسام د ترمپ د کاريکاتورونو نندارتون جوړ کړ. دغه نندارتون د مکسيکو ښار د کاريکاتورونو په موزيم کي جوړ سوی وو. نوموړی رسام وايي چي دونالد ترمپ د کاريکاتور جوړونکو له پاره يو غوره شخصيت دی.

په مکسيکو کي د ترمپ د کاريکاتورونو نندارتون «ترمپ: د کاريکاتورونو ديوال» تر عنوان لاندي د ۲۰۱۶م کال په اکتوبر مياشت کي لا پېل سوی ؤ. په دغه نندارتون کي د دونالد ترمپ داسي کاريکاتورونه نندارې ته وړاندي کړل سوي دي چي ورڅخه څرګنديږي چي د مکسيکو خلک د ولسمشر ترمپ په هکله څه فکر کوي. په دغو کاريکاتورونو کي د نازيانو سمبول هم رسم سوی دی.

آلماني موډ او ډيزاين جوړؤنکی کارل لاګرفېلډ د ترمپ په هکله وايي:«هغه په سياست کي هم مېرمنو ته په هغه نظر ګوري لکه د آسانو تجار چي و آسپو ته ګوري.» په دغه کاريکاتور کي د «آلمان له پاره د بديل ګوند» مشره فراوکه پېتري رسم کړل سوې چي ترمپ يې «ګوري». فراوکه پېټري په ترمپ کي د خپل ښې اړخي سياسي دريځ ملګری ويني.

د متحده ايالاتو د راتلونکي ولسمشر دونالد ترمپ ورېښتان د زياتو کارتون رسم کوونکو د طنزي رسمونو موضوع ګرځېدلې ده. د بېلګي په توګه په انټرنټ کي داسي خوشکلامۍ روانې دي چي ګواکي د ترمپ ورېښتان په اصل کي د يو ډول وښو څخه جوړ سوي چي په «ناروې» هيواد کي شنه کيږي. د «هېرفورس ون» په عنوان د مارک نايټ کاريکاتوريست دغه رسم هم ډېر مشهور سوی دی. دلته د امريکا د ولسمشر و الوتکي «ايرفورس ون» ته اشاره سوې.

په دغه طنزي رسم د يو افريقايي معلومېدونکي کس په خوله کي دا ور اچول سوي: «د هغه کرکې له کبله چي دونالد ترمپ د تورپوستو په وړاندي ښکاره کړې، موږ د هغه له هيواده وځو. چي زړه يې غواړي په دغه هيواد دي يې وکړي.» د عبدالکريم بابا په نوم د نايجيريا کاريکاتوريست په خپل دغه رسم کي د دونالد ترمپ په هکله خپل نظر څرګند کړی دی.

د وای ګريک په نوم کاناډايي کارتون جوړونکي د امریکا د آزادۍ د سمبول «د آزادۍ آغلې» دغه کاريکاتور رسم کړی دی. په دغه کارتون کي د «آزادۍ آغلې» غواړي چي و ګاونډي هيواد کاناډا ته پناه يوسي.

د بلجيم هيواد ته د کاريکاتورونو مورنی هيواد ويل کيږي. د لېچر په نوم د بلجيم هيواد کاريکاتوريست پر خپل تويتر پاڼه دغه او ګن شمېر ورته نور رسمونه خپاره کړي دي. په ۲۰۰۸م کال د تورپوسته باراک اوباما تر ولسمشر کېدو وروسته يو شخص په خوښۍ وايي: «هر څوک ولسمشر کيدلای سي...» خو په ۲۰۱۶م کال د ترمپ تر انتخاب وروسته همدغه جمله په غم تکراروي.

د هسپانيا په بارسېلونا ښار کي پر يو ديوال د دونالد ترمپ دغه انځور د ۲۰۱۶م کال له دوبي راهيسي رسم سوی دی. په دغه انځور کي ترمپ يو خواګرځن او چټل څوک انځور سوی. ځينو هسپانويان د متحدو ايالاتو د ولسمشر په توګه د دونالد ترمپ ټاکل کېدو حيران کړي ول.

د هانسکي په نوم کاريکاتوريست د نيويارک پر يو ديوال د دونالد ترمپ دغه «انځور» جوړ کړی دی. په دغه انځور کي ترمپ د يو سپي د مردارۍ په توګه رانځور سوی چي ورباندي مچان ګرځي راګرځي. دغه طنزي رسم حتی تر هغه د مخه لا جوړ سوی وو چي د جمهوري غوښتونکو ګوند، ترمپ خپل د نوماند په توګه وټاکه.

دونالد ترامپ خپلو سيالانو ته تر ماتې ورکولو وروسته، د امريکا متحده ايالتونو په انتخاباتو کې د جمهوري غوښتونکو د ګوند رسمي کانديد وګرځيد. ترامپ چې د امريکا یو ناندريز ميلياردر دی، تر دې مخکې يې د لوړو ژورو ډګ مينه ناک ژوند لری دی.

په امريکا کې ولسمشرۍ لپاره ډیر لږ کانديدان داسې دي چې د خپل ګوند د غړو په منځ، ټولنه او حتې له هيواده بهر دې داسې جنجالي او ناندريز وي.( انځور: د ویسکانسن ايالت یو استاځي په کليولند کې د جمهوري غوښتونکو په کنګره کې د دونالد ترامپ له کانديداتورۍ څخه خپل مخالفت په ډاګه کړ).

دونالد ترامپ د ۱۹۴۶ کال د جون په ۱۴ مه نيويارک کې وزيږيد. هغه د فدريک ترامپ او مري آن مک لئود په پنځو اولادونو کې څلورم زوې دی. پلار ته یې د ميليونو ډالرو دارايي، د هستوګنځايونو د کاروبار له بابته ترلاسه شوي دي. ترامپ هم د خپل پلار لاره تعقیب کړه، حتې د پوهنتون په دوره کي یې د پلار په پيسو کورنو اخیستل او پلورل. په ۱۹۷۴ کې د لوړو زدکړو تر پاي ته رسيدو وروسته یې د پلار شرکت مسئوليت پر غاړه واخیست.

د ترامپ لمړنۍ ښځه چکي ماډله ایوانا مری زلنیچکوا وه. دواړو په ۱۹۷۷ کال کې واده وکړ. ترامپ له دغه واده څخه دوه زامن او يوه لور لري.

د هغه مشر زوی دونالد ترامپ يونيور دی. دی ۳۸ کاله عمر لري او د دونالد ترامپ د سوداګريز شرکت معاون دی. انځور کې يونيور د خپلې ميرمنۍ وانسا سره.

ایوانکا ترامپ، د دونالد ترامپ ۳۴ کلنه لور ده. دا ترڅنګ د دې چې د پلار په سوداګريز شرکت کې معاونه ده، د بوټونو د خرڅلاو په برخه کې هم فعاله ده.

ايوانکا ترامپ له جارد کوشنر سره چې ۳۵ کاله عمر لري واده کړی دی. دغه ميرمن نه یوازې د کورنو په تجارت کې فعاله ده، بلکه د يوې ورځپاڼې د امتياز خاونده هم ده.

له ايوانا مري زلنيچکو څخه د دونالد ترامپ وروستی اولاد د هغه ۲۳ کلن زوی اریک ترامپ دی. دی هم تر څنګ د دې چې د پلار په سوداګريز شرکت کې معاون دی، د ترامپ د هوټلونو رئیس هم دی.

وروسته له هغې چې ترامپ له خپلې لمړنۍ ميرمنۍ څخه جلا شو له مارلا ماپلس سره یې واده وکړ. (له ۱۹۹۳ تر ۱۹۹). مارلا ماپلس چې یوه سندرغاړې وه له ترامپ څخه یې ۱۷ کاله کم عمر لرود.

ترامپ له مارلا ماپلس څخه یوه لور لري چې تیفانی نوميږي. نوموړې د مدلينګ او سندرو ویلو په برخه کې فعاله ده او روان کال له پوهنتون څخه فارغيږی. تیفانی د پلار په سوداګريز سيستم کې ځای نلري او د هغه تر نوماند کيډو د مخه، له خپلې مور سره په کالفورنيا کې اوسيده.

دونالد ترامپ له مار لا ماپلس څخه تر جلا کیدو وروسته، د يو لنډ وخت لپاره د کار لا بروني سره ملګرتيا لرله. هغې له ترامپ څخه تر جلا کيدو وروسته د نیکلا سارکوزي سره واده وکړ، چې بيا د فرانسې ولسمشر شو.

دونالد ترامپ له خپلې دويمې ميرمنۍ سره تر جلا کيدو وروسته، په ۲۰۰۵ کال کې له سلوانۍ ماډلې، ملانیا کناوس سره واده وکړ.

اوس د ترامپ لمسی او د هغه کشری ځوی «بارون ویليام» سره تقريباً همځولي دي. ویليام چې اوس ښوونځي وايي، له ملانیا سره د ترامپ د واده حاصل دی. ترامپ د اتو لمسيانو نيکه دی.

ترامپ د کورنو، هوټلونو او قمارخانو شرکتونو ترڅنګ، تر ۲۰۱۵ کاله پورې د «ان بي سي یونيورسل» رسنۍ سره په ګډه، د نړۍ د ښکلا ملکې د سياليو پروسې اختيار هم په لاس کې لرود.

ټولې هغه ښکلې ښځې چې تر تيرو کلونو پورې دونالد ترامپ سره په يوه لاره تللې، اوس، په ځانکړې توکه د انتخاباتو پر وخت ترامپ لپاره د سترو ستونزو لامل شوې. په ټولو نظرسنجيو کې په ډيره سلنه کې ثابته شوه چې ترامپ د «ښځو ښه نه راځي». په امريکا کې د رايو اکثريت ښځي تشکيلوي چې دغه رايې د هغه سيالې، هيرې کلينټن ته کارول شوي دي.