د ريشتر ۶.۵ درجې زلزلې د ایران سویل ولړزاوه
۱۴۰۰ آبان ۲۳, یکشنبه
اعلان
يوه ځايي چارواکي د ایران حکومتي تلويزيون ته وویل: «زلزله د ایران د سويلي ښار هرمزګان په مختلفو ښارونو کې احساس شوې ده.»
دغه تلويزيون ويلي دي چې سیمه ته دوه ټکانونه ورکړل شوي او د ژغورنې ټیمونه هم سیمې دته استول شوي دي.
د اروپا مدیترانې د زلزلې پيژندې مرکز (EMSC) هم دغه پيښه تائید کړې ده. دغه نړیوال سازمان په لومړنیو اندازه ګیرو کې د زلزلې شدت ۶.۱ درجې او ژوروالی يې ۱۰ کیلومتره ښودلی دی. تر اوسه پورې د زلزلې په پایله کې د تلفاتو او خساراتو په هکله رپوټونه نه دي ورکړل شوي.
په خبر کې په سملاسي توګه د پيښې د زیانونو او تلفاتو په اړه څه نه دي ویل شوي.