د زړه له پاره ګټور خواړه
۱۳۹۸ تیر ۲۸, جمعه![Frühstück Bildergalerie Deutschland EINSCHRÄNKUNG](https://static.dw.com/image/18698605_800.webp)
وروستيو څيړنو ښودلې ده چې قهوه د HDL د سطحې لوړول يا هماغه په وینه کې د ګټورو کلسترولو د زیاتيدلو سبب کيږي،ورسره دا چې التهاب هم کموي. په منظم ډول د قهوې څکل په دیابت باندې د اخته کيدو خطر هم کموي.
که چيري تاسې د خپل زړه د روغتیا په اړه انديښنه لرئ، نو نور د چرګو د هګيو په خوړو کې شک ونه کړئ. وروستيو څيړنو ښودلې ده چې د چرګو هګۍ کلسترول نه ډيروي. د پام وړ خو دا ده چې وپوهيږئ، حتی د ورځي د درو هګيو خوړل د HDL ګټور کلسترول زياتوي، نه دا چې د LDL.
د چرګو هګۍ د B او D ويټامينو درلودونکې دي چې دغه دواړه د زړه روغتيا له پاره ډير ګټور دي.
د مم پليو کوچ له هغو خوړو څخه دي چې ډير کسان وايې خوندور خو ناسالم. هو په دغه ډول کوچو کې د غوړو سطحه لوړه ده. خو څيړنو ښودلې ده چې دغه ډول غوړ د زړه د روعتيا له پاره ډير ګټور دي او د دغه کوچو خوراک د وچې ميوې په ډول زړه له ناروغۍ ساتي. که تاسې تر اوسه پورې د خپل وزن کمولو په هڅه کې ياست، د خپلو خوړو په هکله پام وکړئ، ځکه د پليو د کوچو يوه کاچوغه ۹۴ کيلو کالرې لري.
خو د شکولاتو په بيلا بيلو ډولونو کي، لږ تور رنګه شکولات د آنتی اکسیدانی خواص لري. په دغه شکولاتو کې موجود فلاونول د زړه روغتيا او د وينې بهیدلو سره مرسته کوي، چې په زړه کې د وینی د لخته کیدلو مخه نيسې. د رانیولو په وخت کې ځان ډاډه کړئ چې دغه ډول شکولات د ۷۰ سلنه خالص کاکؤ درلودونکي او پرته له شکرې وي.
ولې بايد په خالې معده قهوه ونه څکو؟
د قهوې څکلو په هکله مو خبرې وکړې، خو د هغې څکل هم يو لړ آداب لري. د ۶۳ سلنه امريکايانو له پاره د ورځې په پيل کې د قهوې څکل په زړه پورې دي. خو سره د دومره ډيرو پلويانو قهوه په خالې معده بايد ونه څکل شي. د سهار په پيل کې له سبا نارې څخه تر مخه د قهوې څکل، کيدلې شي ستاسې په بدن کې کورتيزول پورته کړي.
له هغه شيبې څخه چې تاسې خپلې سترګې پرانيزئ، دغه هورمون چې ستاسې په بدن کې د محافظوي سيتسم تنظيمونکې دې، د سون توکو د جوړښت ميتابولیزم او د استرس مسول دې، خپريږي.
که چيرې تاسې قهوه په خالې معده څکئ، نو ستاسې په بدن کې د کورتيزولو سطحه لوړيږي او بدن مو تر زیات فشار لاندې راولي. د هغو څيړنو له مخې چې Readersdigest له خوا د طب محصلینو په منځ کې د قهوې څکل وارزول، څرګنده شوې چې هغو محصلینو چې په خالې معده يې قهوه څکله، ډير تر سترس لاندې راتلل.