د سولي د عالي شورا د کار پیل او اوربند ته هیله مندي
۱۳۹۹ خرداد ۱۰, شنبه
د سولي د عالي شورا رییس عبدالله عبدالله په کار شروع وکړه. هغه وویل د افغانستان حکومت هره لحظه د طالبانو سره خبرو ته تیار دی او د اختر په درو ورځو کي اوربند يې د سولي د خبرو د پیلیدو ښه علامه وبلله.
د افغانستان د سولې د عالي شورا رئيس عبدالله عبدالله انځور: DW
اعلان
د افغانستان د جهمورییس اشرف غني او عبدالله عبدالله ترمنځ د سیاسي اختلافاتو تر حلیدو وروسته دواړو خواوو یو سیاسي توافق امضأ کړی دی. ددغه توافق پراساس عبدالله عبدالله د سولي د عالي شورأ ریاست پرغاړه لري او د طالبانو سره د سولی خبري پر مخ وړي. هغه نن شنبه)د مئ میاشتي ۳۰ مه( د یوې جلسې پرمهال د خپل کار د شروع کیدو اعلان وکړ. عبدالله عبدالله ټینګار وکړ، چي ټوله طرفونه د سولي د مذاکراتو شروع کیدو ته جدي دي ، خو د خبرو تر شروع کیدو دمخه اوربند یو مهم ضرورت دی. هغه وویل،»د خبرو شروع کیدو ټوله مصمم دي او د هغه فضأ باید کومک کونکې وي. د خبرو په جریان کي د تشدد کموالی او اوربند باید حتمي واوسیږي.«
عبدالله عبدالله د کوچني اختر په درو ورځو کي اوربند، د بندیانو تبادله او د تشدد کموالی د بین الافغاني مذاکراتو د شروع کیدو ښه علامه وبلله:» د افغانستان د حکومت ټيم هره لحظه د خبرو شروع کیدو ته اماده دی.« هغه د منطقې د هیوادونو څخه هم د افغانستان د سولی د پروسې په لار کي د همکارۍ غوښتنه وکړه.
د سولي عالي شورأ پداسي وخت کي په کار باندي شروع کوي، چي د طالبانو او حکومت ترمنځ اوربند پر ځینو تیت وپرک حملو سربیره ادامه لري. دواړو خواوو د بندیانو تباله چټکه کړې ده. خو پرغیر رسمي اوربند سربیره طالبانو پر امنیتي قواوو باندي خپلو حملو ته ادامه ورکړې او تر کوچني اختر وروسته په پکتیا، پروان او تخار کي ۲۸ امنیتي پرسونل وژل سوي دي.
د افغانستان حکومت تر اوسه پوري تقریبأ ۲۰۰۰ طالب جنګیالي ازاد کړي دي او په نظر کي دي، چي ډیر ژر به ۱۰۰۰ تنه نور هم ازاد کړي. طالبانو هم تر اوسه پوري حکومت ته منصوب ۳۳۰ بندیان ازاد کړي دي.
د سولې پر موضوع زموږ له آرشيف څخه يو انځوريز البوم:
له ټولې نړۍ څخه د سولې پیغامونه
د آلمان په لنډاو ښار کې «ادیان د سولي له پاره» کنفرانس کې د نړۍ د مختلفو ادیانو استازو او مشرانو ګډون کړی وو او هدف یې په نړۍ کې د سولې ټینګښت وو.. په دې انځوریز البوم کې د یو شمیر ګډونوالو پیغامونه لوستلی شئ.
انځور: DW/A. Purwaningsih
کرن کور، سک، بریتانیا
بخښنه د پخلاینې لار پرانیزي او پخلاینه د سولې سبب ګرځي.
انځور: DW/A. Purwaningsih
راوني میټوګټیرې،د کیاپو د نسل استازې، برازیل
له شخړو څخه د خلاصون لار د خلکو ترمنځ دوستي ده. انسانان باید د یوه او بل دښمن ونه ګرځي. خدای غرونه د ټولو له پاره جوړ کړي. خدای د انسانانو له پاره هم ښه فکر کړی او موږ هم باید د یوه او بل په هکله ښه فکر وکړو.
انځور: DW/A. Purwaningsih
پرسکاراکوروکل، هندو، جرمنی
سوله د نړۍ مرکزي سرچینه ده، تاسې سوله نه شئ اخیستلی. سوله او خوندیتوب زموږ په دننه کې نغښتي دي. که چیرته موږ ټول د سولې له پاره ژمن اوسو، نو سوله به ورو ورو په ټوله نړۍ کې خپره شي.
انځور: DW/A. Purwaningsih
الحاج اسحاق کنلې، مسلمان، نایجیریا
زه د ټولې نړۍ له مذهبي څیرو څخه غواړم چې له نفرت خپرولو څخه ډډه وکړي، ځکه چې نفرت د واورې یوه توپ ته ورته دی چې په غورځولو سره ستریږي او ان دا چې پای به یې جګړه وي. د دې پرځای، خلک باید د سولې له پاره تبلیغ وکړي او د بیلابیلو مذهبونه پیروان دې د یو بل د منلو په اصولو کې ژوند وکړي.
انځور: DW/A. Purwaningsih
ہائې فودو، بَهايي، جنوبي افریقا
سوله نه یوازې ممکنه ده، بلکې دا یوه اړتیا ده. سوله د دې سیارې د ارتقأ له پاره یو بل ګام دی. ځمکه به یو هیواد وي او موږ ټول انسانان به یې ښاریان يوو. دا په موږ پورې اړه لري چې د سولې د ټینګښت له پاره څه کوو. ګډ عمل او د روحاني رویې خپرول، له موږ سره په دې ستونزمنه لار کې مرسته کولی شي.
انځور: DW/A. Purwaningsih
ریورنډ جیک بوسټن، اینگلیکن مسیحي، گني کوناکري
که سوله نه وي، پرمختګ به نه وي، او چې پرمختګ نه وي نو بیا به انسانیت نه وي.
انځور: DW/A. Purwaningsih
امام احسان سکندر، مسلمان، بیلجیم
د سولې معنی مینه ده. د اختلافاتو منل او یو بل ته درناوی، او بیا ټول اختلافات څنډې ته کول او د ګډ هدف له پاره کار باید وشي.
انځور: DW/A. Purwaningsih
کشور ټهاکر، هندو، تنزانیا
موږ د یو و بل پوهیدو ته اړتیا لرو. د سولې په فضا کې ګډ ژوند، زموږ په ټولنو کې د پرمختګ سبب ګرځي.
انځور: DW/A. Purwaningsih
محمد سیف اللہ، مسلمان، سنگاپور
سوله باید یوازې د یوه اضافي شي په توګه ونه ګڼل شي، بلکې سوله د ټولو انسانانو یو حقیقي ضرورت او اړتیا ده. دغه اړتیا اوس هم شته او په راتلونکې به هم موجوده وي.
انځور: DW/A. Purwaningsih
ربی مارسیلو ماټر، یهودی، ارجنټاین
د خلکو ترمنځ مرسته کول او خبرې اترې کول د سولې د لاسته راوړلو له پاره یواځینې لار ده.