هغه کيمياوي مواد چې د آرايش په توکو، شامبو او صابونو او د ورځني ژوند په نورو شيانو کې موجود دي، کېدای شي د ښځو پر جنسي هورمونو اغيز وکړي. دا خبره د امريکا متحدو ايالاتو د ورجنيا ايالت د جيورج ماسن پوهنتون کارپوهانو تر يوې څېړنې وروسته کړې ده.
په دې څېړنه کې د ۱۴۳ ښځو چې د ۱۸ او ۴۴ کلنۍ ترمنځ وې، د ادرار تر ۵۰۰ زياتي نمومې څو کاله د هغو کيمياوي موادو له پاره معاينه شوې چې د سينگار په توکو کې موندل کيږي، لکه بينزوفينوس، پارابين او همدا راز بايسپينول ای او کلورو فينول. بينزوفينوس د الترا واېلت يا ماوارا بنفشي وړانگو د مخنيوي په توگه په سينگار توکو کې کارول کيږي.
د دې څيړنو په ترڅ کې وموندل شوه چې په داسې حال کې چې بينزوفينوس او همدا راز فينول د درو هورمونو ايستراديول، اف ايس ايچ او لوتاينزنگ مقدار ټيټوي، پارابين بيا ایستراديول لوړ کړي ول.
د څیړونکو په حواله په استروجن هارمونو پوري مربوطې ناروغتياوې د مثال په توگه په ښځو کې د سېنې سرطان کېدای شي د دې موادو د کارولو په نتیجه کې رامنځته شي.
د پاکارۍ په توکو کې موجود مواد د ماشومانو د کولمو گټورې باکترياوې تغیرويانځور: picture-alliance/dpa څيړونکي ډاکتر انا پولاک وويل: «څه چې موږ د دې څيړونو زده کړو دادي چې موږ بايد دې ته متوجه اوسو چې په سينگار او د نظافت په توکو کې کوم کيمياوي مواد کار شوي دي.»
د پاک کارۍ مواد ماشومان چاغوي
د کاناډا څيړونکو موندلې ده چې د پاک کارۍ مواد کېدای چې د کوچنيانو د کولمو پر گټورو باکترياو اغیز وکړي او په دې توگه د هغوی د چاغښت سبب وگرځي.
څيړونکو تر ۷۰۰ زيات کوچنيان معاينه کړل او ویې موندله چې د درو تر څلورو مياشتنيو ماشومانو د کولمو په گټورو باکترياو کې هغه وخت بدلون رامنځته کيږي، چې په کورونو کې يې له ميکروب وژونکو موادو څخه زياته استفاده کيږي. په دې موادو کې د ښيښې د پاکولو او همدا راز نور د پاک کارۍ توکي شامل دي.
څيړونو ښوولې ده چې دغه ماشومان له درې کلنۍ څخه د هغو ماشومانو په پرتله چې په کورونو کې یې د پاک کارۍ له پاره کيمياوي مواد نه کارول کيږي، زيات د چاغيدو له گواښ سره مخامخ کيږي.
په کولمو کې د مختلفو گټورو باکترياوي شتون د انسان د روغتيا او ناروغتيا سبب کيږي. د روغتيا پر اصولو برابر ژوند د کولمو باکترياو ته مناسبه فضا برابروي.
Larisa Warneck (B.S/N.Z)
زموږ له آرشيف څخه:
ايا غاښ سپينوونکي کريم په رشتيا غاښونه سپينوي؟
د غاښونو پاکول نه یوازي د غاښونو بلکه په مجموع کي د روغتيا له پاره مهم دي. په داسي حال کي چي عام د غاښو کريم ګټور وي، د غاښونو سپين کوونکي کريم زيات زيان رسولای سي. انځوريز راپور دلته وګورئ: انځور: Fotolia/djama د انسان د غاښونو په جوړښت کي څلور مهمي حجرې د دې لامل کيږي چي غاښونه کلک وي. دغه څلور ډوله مهمي حجرې پلپ، دېنتين، اينامل او سيمنتوم نوميږي.
د غاښ تر ټولو دننۍ برخه له پلپ نومي حجرو څخه جوړه سوې وي. د دغه پلپ سره د اعصابو رشتې او د وينو نازک رګونه مل وي. د وينو د دغو رګونو له لاري غاښونه او اورۍ ساتل کيږي. په غاښ کي د اعصابو حجرې بيا د غذا د ژوولو پر وخت د فشار راوستلو له پاره مهمه وظيفه په غاړه اخلي.
انځور: Colourbox د غاښ سپينونکو کريمونو اغېز د غاښ بهرنۍ سطحه د کلک مينرال سوي مادې اینامل څخه جوړه سوې وي. د غاښونو سپينونکي کريم پر دغه سطحه اغېز کوي او ورته زیان رسوي. د غاښونو سپين کوونکي کريم د دې لامل ګرځي چي دغه سطحه تخريب او زېږه کړي.
انځور: Fotolia/twystydigi کله چي د غاښونو بهرنۍ سطحه يا پوښ تخريب سي نو بیا د يخ او تود شي په وړاندي د غاښونو حساسيت زيات سي.
انځور: Colourbox/ د غاښونو په کريمو کي فرق سته. د غاښونو ډاکټران د غاښونو د هغو کريمونو څخه خبرداری ورکوي چي د غاښونو د سپينولو له پاره جوړ سوي وي. د دغه ډول غاښونو د کريمو زیات استعمال د غاښونو د باندني پوښ د زيات تخريب سبب ګرځېدلای سي.
انځور: Fotolia/djama د غاښونو سپينونکي کريم له دوو بيلو لارو غاښونه سپينوي. يوه لاره يې د وړو وړو ذرو په مرسته په فيزيکي توګه د غاښونو يو ډول ګيږول دي او بله لاره يې د کيمياوي موادو په مرسته د غاښونو سپينول دي. يادي دواړي لاري غاښونو ته زيان اړولای سي.
انځور: DW/A.Magazova تر پالش يې روغتیا مهمه ده د غاښ سپينونکي کريم په رشتيا غاښونه په دوامداره توګه نه سپينوي. د غاښونو روغتيا د هغوی تر پالش کولو او سپين والي زياته مهمه ده. د غاښونو او د اورۍ د روغ ساتلو يوه ښه لاره د غوږو شيانو د خوړلو وروسته د خولې مينځل، د ډوډۍ وروسته په ګوته یا مسواک يا بل پوست بورس د غاښونو او اوريو مساج کول او له سګريټو صرف نظر کول دي.
انځور: picture-alliance/dpa که د غاښونو تکليف درته پيدا سي نو د غاښونو مسلکي ډاکټر ته مراجعه وکړئ. ځان په دې ډاډه کړئ چي ډاکټر په رشتيا د غاښونو طبي او لوړي زدکړي کړي دي. که په لومړي سر کي د غاښونو د تکليف مخه ونيول سي نو ښايي انسان له زياتو دردونو او د غاښو د ستونزو څخه په امان پاته سي. د خاښونو پاک ساتل نه يوازي د غاښونو د روغتيا بلکه د زړه او په مجموع کي د ټول بدن د روغتيا له پاره مهم دي.
انځور: Dentists Without Limits Foundation (DWLF)
