خو په غونډه کې د ایوانکا حضور تر ټولو ډیره توجه ځان ته جلب کړه، په خاصه توګه تر هغه وروسته چې ځینو رسنیو خبر ورکړ چې ترمپ غواړي ایوانکا چاپان ته د امریکا متحده ایالاتو د سفیرې په توګه واستوي.
«غېرې معموله خبره»
د نیګاتا پروفیکتور له پوهنتون څخه پروفیسور یوشینوباو یاماموتو، په دې اړه وویل: "دا ډیره غیرې معموله خبره ده چې د کورنۍ یو غړۍ د دوو هیوادونو د مشرانو په لومړۍ غونډه کې حاضر وي؛ آن که دغه غونډه غیرې رسمي هم وي."
هغه زیاته کړه: "دا ښيي چې هغه به د ترمپ په اداره کې یو مهم نقش ولوبوي. خو دا خبره ډیره حیرانوونکي نه ده چې ایوانکا په دې غونډه کې حاضره وه، ځکه هغه له پخوا لا په سیاست کې ښکیله ده. په هر حال دا د ترمپ د کار طریقه ده."
ایوانکا همدا اوس هم د خپل پلار په کاروبار کې ډیر مهم نقش لري، دا چې هغه په د خپل پلار په سیاست کې څومره ښکیله وې، ښايي د وخت په تیریدو سره روښانه شي.
پر ورته موضوع یو انځوريز البوم زموږ له آرشيف څخه (17.11.2016):
د دونالد ترمپ غوره کاريکاتورونه
د نړۍ په ټولو برخو کي کاريکاتور جوړونکو د دونالد ترمپ د ټاکل کېدو په اړه غبرګونونه وښودل. ښايي زيات خلک له ترمپ څخه بيره لري، خو د طنزي رسم جوړونکو له پاره ترمپ يو محبوب کارتوني کردار دی.
انځور: picture-alliance/abaca/Van Tine Dennis
د مذهبي خنډونو ليري کول
ګاډو د افريقا د مشهور ترينو کاريکاتور رسم کوونکو څخه يو دی. دغه کارتون رسم کوونکي په متحده ايالاتو کي د ولسمشريزو ټاکنو پر وخت دغه او يو شمېر نور کاريکاتورونه د دويچه ويله له پاره رسم کړل. په دغه کاريکاتور کي د مسلمانانو په تړاو د کامپاين پر وخت د ترمپ توندو خبرو ته اشاره سوې ده. په دغه طنزي رسم کي دونالد ترمپ په خوله کي دا خبره ورکول سوې: «وعده کوم چي د مسيحيت ميراث به وساتم.»
ترمپ ته د مکسيکو جواب
کله چي دونالد ترمپ د ټاکنيز کامپاين پر وخت وويل چي که ولسمشر سي نو د مکسيکو او متحدو ايالاتو تر منځ به جګ ديوال جوړ کړي، نو د آرتور کېمچس په نوم مکسيکني رسام د ترمپ د کاريکاتورونو نندارتون جوړ کړ. دغه نندارتون د مکسيکو ښار د کاريکاتورونو په موزيم کي جوړ سوی وو. نوموړی رسام وايي چي دونالد ترمپ د کاريکاتور جوړونکو له پاره يو غوره شخصيت دی.
انځور: Getty Images/AFP/Y. Cortez
د سينيور ترمپ د کاريکاتورونو ديوال
په مکسيکو کي د ترمپ د کاريکاتورونو نندارتون «ترمپ: د کاريکاتورونو ديوال» تر عنوان لاندي د ۲۰۱۶م کال په اکتوبر مياشت کي لا پېل سوی ؤ. په دغه نندارتون کي د دونالد ترمپ داسي کاريکاتورونه نندارې ته وړاندي کړل سوي دي چي ورڅخه څرګنديږي چي د مکسيکو خلک د ولسمشر ترمپ په هکله څه فکر کوي. په دغو کاريکاتورونو کي د نازيانو سمبول هم رسم سوی دی.
انځور: Getty Images/AFP/Y. Cortez
موډ جوړونکی کارل لاګرفېلډ هم ترمپ رسم کړی
آلماني موډ او ډيزاين جوړؤنکی کارل لاګرفېلډ د ترمپ په هکله وايي:«هغه په سياست کي هم مېرمنو ته په هغه نظر ګوري لکه د آسانو تجار چي و آسپو ته ګوري.» په دغه کاريکاتور کي د «آلمان له پاره د بديل ګوند» مشره فراوکه پېتري رسم کړل سوې چي ترمپ يې «ګوري». فراوکه پېټري په ترمپ کي د خپل ښې اړخي سياسي دريځ ملګری ويني.
انځور: picture-alliance/dpa/Frankfurter Allgemeine Magazin
ايرفورس ون
د متحده ايالاتو د راتلونکي ولسمشر دونالد ترمپ ورېښتان د زياتو کارتون رسم کوونکو د طنزي رسمونو موضوع ګرځېدلې ده. د بېلګي په توګه په انټرنټ کي داسي خوشکلامۍ روانې دي چي ګواکي د ترمپ ورېښتان په اصل کي د يو ډول وښو څخه جوړ سوي چي په «ناروې» هيواد کي شنه کيږي. د «هېرفورس ون» په عنوان د مارک نايټ کاريکاتوريست دغه رسم هم ډېر مشهور سوی دی. دلته د امريکا د ولسمشر و الوتکي «ايرفورس ون» ته اشاره سوې.
انځور: Twitter/@Knightcartoons
د تېښتي فکرونه: افريقايان له متحدو ايالاتو وځي
په دغه طنزي رسم د يو افريقايي معلومېدونکي کس په خوله کي دا ور اچول سوي: «د هغه کرکې له کبله چي دونالد ترمپ د تورپوستو په وړاندي ښکاره کړې، موږ د هغه له هيواده وځو. چي زړه يې غواړي په دغه هيواد دي يې وکړي.» د عبدالکريم بابا په نوم د نايجيريا کاريکاتوريست په خپل دغه رسم کي د دونالد ترمپ په هکله خپل نظر څرګند کړی دی.
