د افغانستان له پاره د اروپايي اتحادېې ځانګړي استازي توماس نيکلسون، پر خپلې ټويټر پاڼې لیکلي دي چې پاکستان ته د خپل درې ورځني سفر په جریان کې ېې د پاکستان د پوځ له لوی درستيز عاصم منیر، د افغانستان له پاره د پاکستان له ځانګړي استازي محمد صادق او د دغه هيواد له يو شمیر نورو چارواکو سره ليدلي دي.
هغه ويلي دي چې په دغو لیدنو کتنو کې ېې بشري مرستو ته د ميليونونو افغانانو د لاسرسي له پاره د طالبانو له لوري پر افغان ښځو او نجونو د کار او تحصيل د ممنوعیت پر عواقبو خبرې کړي دي.
د کابل پوهنتون استاد، فیض الله جلال، چې اوس په آلمان کې دی تر دې مخکې ېې دويچه ویله ته ويلي دي چې له بنديزونو څخه د طالبانو هدف دا دی تر څو نړېوالې ټولنې د دوی حکومت په رسميت پېژندلی وي.
توماس نيکلسون، ويلي دي چې له پاکستاني چارواکو سره ېې په دغو کتنو کې د افغانستان د منافعو له پاره د سیمه ایزو او نړیوالو همکاریو پر لزوم توافق کړی دی.
نوموړي همدارنګه د سیمه ایز امنيت د څرنګوالي په هکله، له یو شمير پاکستاني پوځیانو سره هم کتلې دي.
په دغو احتجاجونو کې د ښځو د پراخ حضور دلیل دا دی چې دغه قشر د نورو په پرتله د خپلو حقوقو له لاسه ورکولو په هکله اندېښمن دي. د دوشنبې په ماښام د هرات، کابل او مزار شریف په ښارونو کې هم لاریونونه شوي وو. په دغو لاریونونو کې هم زیاتره ښځو ونډه درلوده.
انځور: WANA/REUTERS
مظاهره کوونکو له نورو ښځو هم وغوښتل چې و نه ډار شي او د ښځو د حقوقو د ساتلو له پاره خپل غږ پورته کړي. د لاریون له ګډونوالو څخه یوې وویل: «موږ په سترو حکومتي پریکړو کې د ګډون او په ټولنه، سیاست او اقتصاد کې د فعالیت غوښتونکي یوو.»
انځور: REUTERS
تر اوسه طالبانو د ښځو د حقوقو په هکله خپل رسمي سیاست نه دی اعلان کړی او یوازې یې ویلي دي چې ښځې «د اسلامي شریعت په چوکاټ» کې کولی شي کار او تحصیل وکړي. ښځې د ټولنې د نورو قشرونو په پرته د طالبانو له حاکمیته ویره لري او اندېښمنې دي چې د زده کړو د فرصت، کار او حقوقي لاس ته راوړنې به یې له منځه ولاړې شي.
انځور: WANA/REUTERS
د مقاومت جبهې مشر احمد مسعود، له لوري په یوه غږیز پیغام کې د عمومي پاڅون، د غوښتنې وروسته یو شمیر ښځې او نارینه سړکونو ته راووتل او د آزادۍ شعارونه یې ورکول. په همدې ترڅ کې د اعتراض کوونکو د شمیر په زیاتیدو او وخت په تیریدو سره د احتجاج کوونکو پر وړاندې د طالبانو غبرګون هم تند شو.
انځور: WANA/REUTERS
تیره ورځ یو شمیر رسنیو خبر وکرړ چې خبریالان یې دغو لاریونونو ته د پوښښ ورکولو پر مهال د طالبانو له لوري نیول شوي دي. طالبانو ویلي دي چې هغه کسان چې د سوله ایزو لاریونونو ترسره کیدل غواړي، باید لومړی له چارواکو اجازه واخلي.
انځور: REUTERS
اعتراض کوونکي په دې باور دي چې طالبان د پاکستان په مرسته د افغانستان په ولکه کولو وتوانیدل، له دې کبله زیاتره شعارونه د پاکستان ضد ول. د پاکستان ضد احساسات هغه وخت لا پسې زیات شول چې د پاکستان د استخباراتي ادارې مشر په یوه ناببره سفر کابل ته ورسید.
