د افغانستان د المپیک کمیټې مشر احمدالله وثیق وايي، د ښځو ورزش د اسلامي اصولو او کلتور له مخې محدود دی، خو زیاتوي چې د المپیک له نړیوالې کمیټې سره لا هم رسمي اړیکې شته او افغان لوبغاړي نړیوالو سیالیو کې برخه اخلي. د څلور کلونو په موده کې افغان ورزشکارانو له سل زیات نړیوال مډالونه او د اسیا په لوبو کې تاریخي پنځه مډالونه ګټلي دي. نوموړی له نړیوالو غواړي چې افغانستان یوازې پرې نه ږدي.