د پاکستان د پخواني لومړي وزیر عمران خان د وکیل په حواله خان به د سپتمبر تر ۲۶ نیټې پورې همدا د اټک په محبس کې نظر بند پاتې وي. د تحریک انصاف گوند دغه مشر به په ستره محکمه کې دغه پریکړه وننګوي.
انځور: Akhtar Soomro/REUTERS
اعلان
د پخواني لومړي وزیر عمران خانپر وړاندې د سائفر کیس (د محرمو اسنادو د افشاء کولو قضیه) استعماعیه کوونکې ځانګړې محکمې د پاکستان تحري انصاف يا «پي ټي آی» ګوند د مشر عمران خان نظر بندي دوه اونۍ نوره هم غځولې ده.
د چهار شنبې په ورځ په اټک زندان کې د عمران خان پر ضد د حکومتي محرمو اسنادو د افشا کولو په قضیه کې قاضي ابوالحسنات ذوالقرنین، د پي ټي آی د مشر پر وړاندې د نظر بندۍ حکم د سپټمبر تر ۲۶ نیټې پورې غځولی دی.
عمران خان لا دمخه په دغه قضیه کې په ۱۴ ورځني توقیف کې د اټک په محبس کې دی او اوس د هغې مودې په بشپړیدو سره یې بله استماعیه غونډه ترسره شوه.
عمران خان د ۲۰۲۲م کال په اپریل میاشت کې پهپارلمان کې د باور راې نه ترلاسه کولو راهیسې، له سیاسي کشمکش سره مخامخ دی.
تیر کال د اسلام آباد یوې محکمې نوموړی د توشه خانه یا د دولتي سوغاتونو په برخه کې د فساد په قضیه کې د دريو کلونو بند په سزا محکوم کړی وو. تر دې سزا وروسته د انتخاباتو کمیسیون د عمران خان په ټاکنو کې پر گډون هم بندیز لگولی وو.
د عمران خان پر وړاندې د «توشه خانه کیس» له ۲۰۱۸ څخه تر ۲۰۲۲م کاله پورې خپل د صدارت په دوره کې په غیر قانوني ډول د دولتي تحفو د پلورلو اړوند تورونو پورې ارتباط نیسي.
انځورونه: عمران خان څومره پېژنئ؟
د پاکستان د ۲۰۱۸ کال په ټاکنو کي د عمران خان د تحريک انصاف ګوند بريا تر لاسه کړه. تاسو عمران خان څومره پېژنئ؟ د کریکټ د دغه پخواني لوبغاړي په اړه معلومات په دې انځوریز مطلب کې ولولئ.
انځور: AP
بشپړ نوم يې څه دی؟
ايا د عمران خان بشپړ نوم مو زده دی؟ د هغه بشپړ نوم احمدخان نيازي عمران دی. خو د کریکټ او سياست په نړۍ کي هغه په عمران خان مشهور سو.
انځور: Reuters/C. Firouz
د مسلکي سفر پېل
عمران خان د کریکټ د سپورټ مسلکي ورزشي سفر په ۱۶ کلنۍ په ۱۹۶۸ کال پېل کړ. دا هغه وخت کله چي يې د لاهور او سرګودها په يوه سيالي کي ډېره ښه لوبه وکړه.
انځور: picture-alliance/Dinodia Photo Library
له تحصيل څخه مخکي کریکټ
عمران خان په ۱۹۷۰ کال کې د پاکستان د کریکټ د ملي لوبډلې لوبغاړی سو. نوموړي لا هغه وخت خپلې زده کړې پای ته نه وې رسولي چي د نړيوال کریکټ سره يې تعلق پيدا سو.
عمران خان په ۱۹۸۲ کال د پاکستان د کریکټ د ملي لوبډلې کپتان سو. دغې لوبډلې د عمران خان په مشرۍ کي ۴۸ تېست لوبي وکړې چي پکښي ۱۴ يې وګټلې، ۸ يې وبايللې او نورې مساوي سوې.
انځور: Getty Images/AFP/S. Dupont
يوه ورځنۍ سيالۍ
عمران خان د کپتان په حيث په ۱۳۹ يوه ورځنيو کریکټ سياليو کي د پاکستان د ملي لوبډلې مشري وکړه. له دغو څخه يې ۷۷ وګټلې، ۵۷ يې بايللې او نوري بې پایلې پاتې سوې.
انځور: picture-alliance/dpa
تر ټولو بريالی کپتان
عمران خان د پاکستان د کریکټ د ملي لوبډلې تر ټولو بريالی کپتان ثابت سو. هغه زيات وختونه د هندي لوبغاړي او کپتان کاپيل ديو سره مقايسه کيده. دواړه لوبغاړي د کریکټ د لوبي آل راوندران تېر سوي دي.
انځور: picture-alliance/AP Photo/B.K. Bangash
د کرکټ نړيوال اتل
عمران خان د پاکستان د ملي لوبډلې غړی ؤ چي دغې لوبډلې په ۱۹۹۲ کال د کرکټ نړيواله سيالۍ وګټلې. له دې کبله هم په پاکستان کي د عمران خان محبوبيت زښت زيات سو.
انځور: picture-alliance/AP Photo
سياست ته راتګ
عمران خان په ۱۹۹۶ کال کې سياست ته داخل سو او د «پاکستان تحريک انصاف» په نوم ګوند يې جوړ کړ. د ۲۰۱۳ کال په ټاکنو کي د نوموړي ګوند پر دويم نمبر زياتي رايي په لاس راوړې.
انځور: Aamir QureshiAFP/Getty Images
شخصي ژوند
د عمران خان شخصي ژوند زيات وختونه د رسنيو د سرليکونو موضوع پاتې شوې. نوموړي د ۶۵ کلنۍ په عمر د دريم ځل له پاره واده وکړ. د دې څخه تر مخه هغه د يوې مشهورې بريتانوۍ او وروسته د ريحام خان په نوم تلويزيوني کوربه سره ودونه کړي ول او وروسته ورڅخه جلا سوی وو.
انځور: PIT
جدي پايلي
د عمران خان دويمي ماينې ريحام خان د هغه څخه د طلاق تر لاسه کولو وروسته د عمران خان په تړاو يو کتاب وليکه. په دغه کتاب کي پر عمران خان سختي نيوکي سوي او ورباندي جدي تورونه لګول سوي دي. د بېلګي په توګه دغې مېرمني تور لګولی چي يوازي هغه ښځينه سياستمداره د عمران خان په ګوند کي پرمختګ کوي چي د عمران سره نامشروع اړيکي وساتي.
انځور: Facebook/Imran Khan Official
پاکستانی دونلد ترمپ
زيات کسان پر عمران خان د پوپولستي يا عوامګرايي تور لګوي. يعني ورباندي دا تور لګوي چي د خلکو د پارولو او پکښي د خپل ځان د محبوب کولو له پاره هغه څه وايي چي د خلکو احساسات راوپاروي او دی ورڅخه ګټه پورته کړي. يو شمېر پر نوموړي د توندلاريتوب تورونه لګوي او دا چي ګواکي دی د بنسټپالانو سره اړيکي لري.
انځور: picture-alliance/AP Photo/B.K. Bangash
پر امريکا نیوکې
عمران خان د ترهګرۍ پر ضد د امريکا د متحده ايالاتو پر جګړې او پکښي د پاکستان پر ملګرتیا پوښتنې کوي. نوموړی دغه جګړه په پاکستان کي د زياتو ستونزو لامل بولي.
انځور: YouTube/PTI Scotland
د اختلاص ضد
عمران خان په پاکستان کي د اختلاس او اداري فساد ستونزه هميشه مطرح ساتلې ده. په زياته بيا عمران خان پر پخواني لومړي وزير نواز شريف د اختلاس او اداري فساد تورونه لګول.
