د فرانسې اعتصاب که څه هم فامیلونه سره جلا کړي او د ډیره انتظاره څخه کوچنیان ژاړي، خو بیا هم د ریلونو اعتصاب روان دی او ډیری کسان نه سي کولای د کریسمس اختر په رخصتیو کي د خپلو فامیلونو سره یوځای سي.
کوچنیان د ریلونو په سټیشنونو کي د انتظار په حال کيانځور: picture-alliance/AA/J. Mattia
اعلان
که څه هم د فرانسې د ریلونو کارکونکو د کریسمس اختر په رخصتیو کي د هغو کسانو له پاره ،چي غواړي د خپلو کورنیو سره یو ځای سي د حل یوه لاره پیدا کړې ده، خو د دوامداره اعتصابه په سبب د فرانسې د ریلونو شرکت د کریسمس اختر په مقدسه شپه کي د ریلونو د شبکې یوه لویه برخه کنسل او ریلونه به ورباندي حرکت ونه کړي.
انځور: Getty Images/AFP/J. Saget
په همدغه نن او سبا یکشنبي ورځو کي به هم د تقاعد د مقرراتو د اصلاحاتو پرضد روان احتجاجونو له کبله ډیر لږ ریلونه په حرکت کي وي. خو قهریدونکو مسافرینو ته په کتو سره د فرانسې د ریلونو شرکت، SNCF اطمینان ورکړی، چه کنسل سوي ریلونه به بیرته لمړی د زرهاوو کوچیانو پرمخ خلاص او تگ به یې ممکنه کړي. ددغه شرکت یوې ویاندي وویل، چي دا کار ځکه ممکنه سو، چي د ریلونو ځیني چلونکي بیرته کار کولو ته حاضر سوي دي.
تر دې دمخه شرکت خبر ورکړی ؤ، چي د ډسمبر تر ۲۴ نیټې، یعنی د کریسمس اختر تر مقدسي شپې پوري به ۶۰۰۰ کوچنیان او نابالغه کسان د اوسني اعتصاب او ریلونو د کنسلیدو څخه متأثره سي. د هغوی فامیلونو ته احوال ورکول سوی ؤ، چي د کوچنیانو ټکټان یې نور اعتبار نه لري.
د پاریس سړه هوا او په خېمو کې د مهاجرو ژوند
د فرانسې پلازمېنه پاریس په دې ورځو شپو کې د اروپا د نورو سیمو په شان د یخنۍ له څپې سره مخامخ ده. د ځلا او ښکلا د دغه ښار په څنډه کې هغه مهاجر چې له جګړو او بې وزلۍ تښتیدلي دي په خیمو کې ژوند کوي.
انځور: Getty Images/J.Saget
دا د پاریس په څنډه کې د افغان او نورو مهاجرو یو مؤقتي کمپ دی. خیمې يې واورو پوښلي دي او په خېمو کې پراته نه پوهیږي چې څومره وخت کولی شي له دغه وضعیت سره مقابله وکړي. په خېمو کي زياتره پراته کسان افغان مهاجر دي.
انځور: Getty Images/J.Saget
دا هیڅ د حیرانتیا وړ خبره نه ده چې پولیس او یا خلک دغه مهاجر دي اړ باسي چې دغه ځای پریږدي. هغوی کله نا کله خپل ځایونه بدلوي. د فرانسې په کاله سیمه کې په خپل سر د جوړ شوي مهاجر کمپ له بندیدو وروسته ډیر شمیر مهاجرو پاریس ته مخه کړه.
انځور: Getty Images/J.Saget
د بشري حقونو او د مهاجرو د حقونو مدافع سازمانونه زیاتره وخت په دغه خیمو کې د مهاجرو د وضعیت په هکله انديښنه څرګندوي. دغو مهاجرو د «سنت مارتین» کانال دواړو خواوو ته خیمې وهلي دي. د ځایي اوسیدونکو له پاره دغه وضعیت منل هم آسانه کار نه دی.
انځور: Getty Images/J.Saget
مرستندویه سازمانونه هم په دغو خیمو کې د ځوانو مهاجرو د وضعیت په هکله اندیښمن دي او مهاجر له بیلا بیلو خطرونو سره مخامخ دي. هغوی پیسې، خواړه ګرم کالي نه لري. سږ کال د اروپا ژمی یو له سړو ژمو شمیرل کیږي.
انځور: Getty Images/J.Saget
دا چې په کاله کې د «ځنګل» په نوم د کمپ تر تړلو وروسته بریتانيا ته په غیر قانوني توګه د رسیدو چانس ډیر کم شوی دی، خو بیا هم دغه مهاجر په دې هڅه کي دي چې ځانونه بریتانيا ته ورسوي.
کله چې د شپې هوا سړیږي، هغوی اور بلوي او پر اور راټولیږي. په دغه ځای کې د اور لګیدنې احتمال هم کم نه وي. مهاجر تختې او یا نور هغه څه چې د سوځیدو وړ وي، سوځوي څو خپل ځانونه ګرم وساتي او د ژمې شپې سبا کړي.
انځور: Getty Images/C.Archambault
کله نا کله د شپې مهال د سیمې ځینې اوسیدونکي او یا هم خیریه ټولنې دغو مهاجرو ته ګرمه ډوډۍ راوړي. کله له هغوی سره خبري کوي او یا ترې د هغوی ستونزي پوښتي. دا چې دغه کړاو به کله پای مومي لا معلومه نه ده. فرانسې تر مخه هم هڅه کړې چې دغه ډول کمپونه د بشري دلایلو له کبله وتړي.
انځور: Getty Images/J.Saget
ویل کیږي چې په کمپونو کې د کافي ځای د نشتوالي له کبله مهاجر مؤقتو کمپونو ته انتقال شوي وو، خو بیا هم خیمو وهلو ته اړ شول. خو یو شمیر مهاجر دغو کمپونو ته د مهاجر په توګه د نوم ثبتیدو له کبله هم نه ځي. خو هغه څه چې روښانه دي دا دي چې انسانان په سخته یخنۍ کې په خیمو کې ژوند کوي چې په دې شپو ورځو کې په پاریس کې د تودوخې درجه منفي څلور سانتي ګراد ته رسیږي.