ايران په B گروپ کي د چهارشنبې په ماښام خپله دوهمه لوبه له اسپانيا سره لرله.

د دغي لوبي نندارې ته د روسيې په کازان لوبغالي کي ۴۲زره نندارچيان راټول سوي ول. دلته د اسپانيا لوبډلي مينوالو د نورو پام ځان ته اړولی وو.

خو بیا هم په لوبغالي کي د ايران نندارچيان ډير ول.

په لوبغالي کي ډيرو فکر کاوه چي ايران به دا لوبه وگټي.

د ايران ملي لوبډله.

د اسپانيا ملي لوبډله.

د لوبي له پيله اسپانيا کوښښ کاوه چي ايران ته گول ورکړي.

د لوبي په لومړۍ نيمايي کي اسپانيا د ايران پر گول څو حملې وکړي، خو نتيجه ئې نه لرله.

د لوبي په لومړۍ نيمايي کي بيا هم کوم گول ونه لگېد.

لوبيه ډيره توده روانه وه.

اسپانيا چي د لوبي په دوهمه نيمايي کي لوبه نوره هم تيزه کړه او خپلو حملو ته ئې دوام ورکړ. د لوبي په ۵۴ دقيقه کي د ايران گول ته توپ ننوت او لوبه يو پر صفر د اسپانيا په گټه روانه وسوه.

گول د ديگو په نوم وليکل سو.

د اسپانيا تر گول وروسته ايران له دفاعي حالته راووت او تعرضي لوبه ئې پيل کړه. ايران هم يو گول ولگاوه خو حساب نه سو.

ايران د لوبي په دوهمه نيمايي کي د گول لگولو څو چانسونه لرله، خو بخت ورسره ياري و نه کړه.

ايران ډير خطرناکي حملې وکړي.

د لوبي په ۸۲ دقيقه کي ايران د گول لگولو ډير ښه چانس لاره، خو بيا بخت ورسره ياري و نه کړه او توپ تر ټمبې واوښت.

لوبه بالاخره اسپانيا يو پر صفر وگټله او په B گروپ کي تر پرتگال وروسته دوهم ځای ونيو.

د ايران ترينر کارلوس تر لوبي وروسته خپل لوبغاړي وستايل، ځکه هغوی د اسپانيا لوبډلي پر وړاندي ډيره ښه لوبه وکړه. د ايران وروستۍ گروپي لوبه به له پرتگال سره وي.