د لبنان حزب الله د اسرائیل په شمال کې پراخ توغندیز عملیات ترسره کړي دي. په ملګرو ملتونو سازمان کې د ایران استازي ویلي دي «د لبنان د حزب الله عملیات به سرحدي نقطو، کم عمقه او نظامي اهدافو» پورې محدود پاتې نه شي.
د لبنان حزب الله د اسرائیلو پر لور ۵۰ توغندي توغولي ديانځور: Amir Cohen/REUTERS
اعلان
د لبنان حزب الله د یکشنبې (د اګست میاشتې ۴ نیټه) په سهار د اسرائیل په شمال کې د لسګونو توغندیو توغولو خبر ورکړی دی. د ایران دغې متحدې ترهګرې ډلې چې د ایران له خوا یي ملاتړ کیږي ویلي دي: «اسلامي مقاومت دا ځل د بیت هلل ښار د خپلو اهدافو په لیست کې ور زیات کړی دی او د لومړي له پاره یې د لسګونو توغندیو په وسیله په نښه کړی دی.»
د حزب الله په اعلامیه کې راغلي دي چې دغه حمله یي په لبنان کې د کفرکلا او دیر سریان پر ښارونو د اسرائیلي برید په غبرګون کې ترسره کړی دی چې د ملکي خلکو د ټپي کیدو سبب شو.
د لبنان حزب الله مخکې تر دې اعلان کړی وو چې د یوه ۱۷ کلن ځوان په ګډون د دغې ډلې «دوه تنه مبارزه کوونکي» په دیر سریان کې وژل شوي وو.
د اسرائیل ۱۴ کانال رپوټ ورکړی دی چې د دغه هیواد د هوایي دفاع سیستم لږ تر لږه ۵۰ توغندي چې د لبنان له سویل څخه د کریات شمونا ښار او د اسرائیل په شمال کې د جلیل العلي سیمې ته توغول شوي وو، خنثی کړي دي.
د اسرائیل د بهرنیو چارو وزارت هم په خپل ایکس شبکه کې د یوه ویډیو په خپرولو سره د حزب الله بریدونه تائید کړي دي.
لبناني رسنیو د یکشنبې (د اګست ۴ نیټه) په سهار د حزب الله له برید څخه څو ساعته وروسته د لبنان په جنوب کې د بلاط ښار په اطرافو کې پر المحمودیه سیمې د اسرائیل د جنګي الوتکو د بریدونو خبر ورکړی دی.
ایران: حزب الله د اسرائیل د خاورې تر عمقه پورې حمله کوي
ایران د شنبې په ورځ اعلان کړی وو چې د لبنان حزب الله به د دغې ډلې د لوړپوړي پوځي قوماندان فواد شکر تر وژل کیدو وروسته اسرائیل «د خپلې خاورې په عمق» کې په نښه کړي.
په نیویارک کې د ملګرو ملتونو په سازمان کې د ایران استازي د اسرائیلو برید ته د حزب الله د ځواب د څرنګوالي په هکله وویل: «تر نن ورځې پورې، حزب الله او رژیم په نا لیکلې شکل په خپلو پوځي عملیاتو کې ځینې خطوط [سرحدونه] مراعتول، په دې معنی چې عملیات به سرحدي او کم عمقه نقطو او نظامي اهدافو پورې محدود ول.»
ايران پلوه لبنانی تنظيم حزب الله په انځورونو کي وپېژنئ
د لبنان شعيه مذهبه سياسي او وسله وال تنظيم حزب الله ډېر پياوړی بلل کيږي. خو پر دغه تنظيم داسي تورونه دي چي د لبنان تر څنګ په سيمه کي په کړکېچونو کي لاس لري.
انځور: Reuters/A. Taher
د حزب الله منځ ته راتلل
حزب الله سازمان چي «د الله ډله» معنی ورکوي په ۱۹۸۲ کال د اسرائيل له خوا د لبنان پر جنوب تر بريد وروسته د مذهبي مشرانو له خوا جوړ کړل سو. دغه سازمان دوې څانګي لري چي يوه يې سياسي او بله يې وسله واله ده.
انځور: picture-alliance/dpa
د اسرائيل پر ضد ملي پيوستون
حزب الله سازمان په لومړي ځل په ۱۹۸۰م کال کي د شعيه مذهبه ملېشې په توګه راپورته سو. دغې ډلې د لبنان په کورنۍ جګړه کي مهم رول لاره. په ۲۰۰۰م کال چي کله اسرائيلو له جنوبي لبنان څخه خپل ځواکونه پر شا کړل، د هغه تر شا هم د حزب الله چريکي عمليات ول. په ۲۰۰۶م کال د اسرائيلو او حزب الله تر منځ بيا جګړه وسوه. خو په دغه جګړه کي نورو مذهبي ډلو هم له حزب الله سره مرسته وکړه.
انځور: picture-alliance/AP Photo/M. Zaatari
د ايران ملاتړ
د حزب الله له جوړښت راهيسي له دغه سازمان سره ايران او د شام هيوادونه، نظامي، اقتصادي او سياسي مرستي کوي. دمګړی د دغې ډلې نظامي څانګه د لبنان تر پوځ زياته پياوړې بلله کيږي. دغه ډله نه يوازي په هيواد کي دننه، بلکي په سيمه کي زيات اغېز لري.
انځور: Reuters/O. Sanadiki
سياسي مشر
حزب الله تر هغه وروسته خپله ټول پام سياسي اړخ ته واړاوه، چي په ۱۹۷۵م کال کي پېل سوې کورنۍ جګړه په ۱۹۹۰م کال پای ته ورسېده. حزب الله په لبنان کي د اکثريتي شعيه مذهبي ډلې تر څنګ د مسيحيانو او نورو ډلو ملاتړ هم لري. په ۱۹۹۲م کال د دغه سازمان مشري حسن نصرالله پر غاړه واخيسته چي تر نن پوري د دغه سازمان مشر دی.
انځور: picture-alliance/dpa
نظامي څانګه
د لبنان په کورنۍ جګړه کي د ښکيلو نورو سازمانونو برعکس، حزب الله د جګړې تر پای ته رسېدو وروسته خپله وسله واله څانګه له منځه نه يووړه. که څه هم چي د هيواد نورو سياسي ډلو د حزب الله پر دغه مؤقف نيوکي هم وکړې خو دوی استدلال کوي چي دغه نظامي څانګه يې له اسرائيلو او نورو بهرنيو قوتونو څخه د دفاع له پاره حتمي ده.
انځور: picture-alliance/AA
ايا يوه ترهګره ډله؟
امريکا متحد ايالات، اسرائيل، کاناډا او عرب ليګ تر څنګ ځيني نور هيوادونه او نړيوال سازمانونه هم حزب الله ته د ترهګرې ډلې په توګه ګوري. خو بريتانيا، آستراليا او اروپايي اتحاديه د دغه سازمان د سياسي او نظامي څانګو تر منځ فرق کوي.
انځور: picture-alliance/Pacific Press/I. Press
د سوريې په کورنۍ جګړه کي
حزب الله ډله د سوريې په جګړه کي د ولسمشر بشارالاسد ملاتړ کوي. دغې ډلې نه یوازي دا چي د سوريې د پوځ د وسلو د لېږد رالېږد لاري ساتلي دي، بلکي د لبنان شاوخوا يې داسي ساحه د سوريې د حکومت په پلويتوب خوندي کړې ده چي پکښي سني مذهبه مليشې ګواښ بلل کيږي.
انځور: picture-alliance/AP Photo/Syrian Central Military Media
د تشنج ډېرښت
لبنان له زیات وخت راهيسي د سعودي عربستان او ايران تر منځ د خپلو دلچسپيو د ساتلو له پاره د سيالۍ ډګر دی. خو په لبنان کي حزب الله د غلبې او په سوريه کي د دغې ډلې د فعاليتونو له کبله په سيمه کي د مذهبي ډلو تر منځ تشنج لا زيات سوی دی.
انځور: dapd
انځورونه1 | 8
په ملګرو ملتونو سازمان کې د ایران استازولۍ ویلي دي چې د فواد شکر په وژنې سره اسرائیل له سرو کرښو اوښتی دی: «زمونږ وړاندوېنه دا ده چې حزب الله به په خپل ځواب کې لومړی اهداف او لا زیات عمق انتخاب کړي او دویم دا چې خپل ځواب به اهداف او نظامي ابزارو پورې محدود نه کړي.»
اعلان
حماس: د اسرائیل په هوایي برید کې ۱۷ تنه وژل شوي
په اسرائیل کې د شنبې په ورځ هم د لومړي وزیر بنیامین نتانیاهو د حکومت پر ضد مظاهره وشوه. اعتراض کوونکو پر اوربند او د بندیانو پر آزادولو د موافقې غوښتنه کوله.
د ۱۰ میاشتو راهیسې په غزې کې جګړه روانه ده او اور یې د منځني ختیځ نورو برخو ته هم غځیدلی دی.
حماس ډلې پورې تړلې د غزې روغتیا ادارې اعلان کړی دی چې د شنبې په ماښام پر یوه ښوونځي د اسرائیل په هوایي برید کې لږ تر لږه ۱۷تنه وژل شوي او څو نور ټپیان دي.
