د مسکو او سانت پیترزبورگ په مترو ستیشنونو کي د امنیتي تدابیرو خاص ډول لیدل کیږي. د ریلگاډو پټلۍ په ځانگړو دیوالونو بندي سوي او یوازي د مسافرو له پاره لار سته چی ورڅخه تیر سي. د ریلگاډو دروازې یوازي هغه وخت خلاصیدای سي چی ریل ودریږي. دغه ډول تړل سوي ستیشنونه ددې مخنیوی کوي چي انسانان دي پټلیو ته ولویږي.

د دغه هیواد په ډیرو ستیشنونو او متروگانو کي سړی یوازي هغه وخت د ریلگاډو قطار ته داخلیدای سي چی ټکټ ولري. د مترو په ځینو ستیشنونو لکه د لندن په Canary Wharf کي، لويي هنداري، منتظر مسافر او د ریلگاډو پټلۍ سره بیلوي. یوازي د ریلگاډي په دریدو سره یی دروازې خلاصیږي.

د جاپان د ریلگاډو د ستیشنونو ډیره برخه، زیاتره وخت له خلکو ډکه وي خو انسانان تل په منظمو قطارو کي ولاړ وي. له بلي خوا د ځان وژني داسي پیښې هم رامنځته کیږي چی یو څوک ځان د یوه ریلگاډي مخي ته اچوي. له همدې کبله تل هڅه کیږي چي په ستیشنونو کي امنیتي تدابیر لا پسې ډیر سي.

دا د پیکنگ مترو ته د ورننوتو لار ده چي د لویو مغازو د خولي دروازو ته ورته ده. د ورځي په رسمي وخت کي د چین په گڼ میشتو سیمو کي د مترو ستیشنونه تر اندازې ډک وي. له همدې کبله قطارونه د ښیښه يي دروازو په وسیله له پټلیو بیل کړل سوي دي.

د تایلند د ریلگاډو په ستیشنونو کي بیا نظم او دسپلین حاکم دی. مسافر په منظمو قطارونو کي یو د بل شاته په نوبت سره ولاړ دي. که کوم څوک عجله کوي، نو هغه ښايي له کوم بل هیواد څخه راغلی سيلاني وي. پر پټلیو باندي د خلکو له لویدو څخه د مخنیوي له پاره، هلته هم ښیښه يي دروازې ولاړي دي چي د ریلگاډي د دریدو پر وخت پرانیستل کیږي.

په هالند کي متروگانو ته ننوتل یوازي د یوه ځانگړي کارت یا ټکټ په درلودلو او هغه هم، له موانعو سره په تیریدو سره ممکن وي. په رسمي وخت کي په لویو ستیشنونو لکه دنهاگ کي له ژیړو واسکټونو سره امنیتي پرسونل هم په فعالیت بوخت وي. هغوی دې ته پام کوي چی څوک پټلیو ته ځان نژدې نه کړي.

په هسپانيا کي بیا د لیري او نژدې واټن مترو گانو او تیزرفتاره ریلگاډو ته د ورتگ له پاره یوازي هغه کسان اجازه لري چی مخکي له مخکي یی ټکټ اخیستی وي. او د ریلگاډو قطار ته هغه وخت سړی ورنژدې کیدای سي چي ریلگاډی ولاړ وي او گیټونه خلاص وي.

برسيلونا د هسپانيا يو تر ټولو ډېر نفوس لرونکی ښار دئ. دغه ښار ته هر کال د نړۍ له گوټ گوټ څخه په زرونو سيلانيان ورځي.

مونتسرات په برسيلونا کي يو ډېر مشهور غر دئ.

منتسرات غرنۍ سیمه چي ډېره ښکلې ده، د نړۍ له گوټ گوټه هر کال په زرونو سېلانيان د برسيلونا ښار ته ورکشوي.

پورتو د پرتگال په لوېديځ کي ښکلی ښار دئ. پورتو د پرتگال دوهم لوی ښار او د دغه هيواد د پلازمېني ليزبون په بغل کي پروت دئ.

د پورتو ښار زاړه رنگارنگه دېواله چي له ۱۴مي پېړۍ راهيسي همداسي پاته دي، د ډېرو سيلانيانو پام ځان ته اړوي.

پورتو د يونسکو د فرهنگي ميراثونو په ليست کي ثبت دی. دغه ښان د لرغوني زماني فرهنگ او نوی تمدن په ځان کي رانغاړي.

د ايټاليا پلازمېنه روم، د دغه هيواد يو له ډېر نفوس لرونکو ښارونو څخه دئ.

روم د توره رود په بغل او مديترانې درياب ته نژدې پروت دئ. واتيکان هم په روم ښار کي دئ.

روم د لرغوني زماني د خزانو په سبب هم ډېر مشهور دئ چي ډېر سيلانيان ورځي.

هر کال روم ته له ۷ څخه تر ۱۰ ميليونو سېلانيان ورځي.