د ټوله نړی څخه هرکال ۳۰۰۰۰۰ کسان د مانتون ښار ته ورځي، ترڅو په فرانسه کي د مالټواو نارنجو میله وگوري. د فرانسې په جنوب کي دغه کوچنئ ښار مستقیمأ د ایټالیا سره په سرحد کي پروت دی.

د سږکال د میلې تماشاچیان کولای سي د براندنبورگ د مشهوري دروازې جوړولو ته پام واړوي، چي پرهغه باندي د مشهوره «کاباره فلم» څخه خیالي شخصیت «سلي بولز» ناست دی. ددغه فلم کیسه په ۱۹۳۰ مو کلونو کي برلین ته رسیږي

د سږکال د میلې طراحانو خاص مهارتونه او سلیقې په کار وړي دي، تر څو په ژیړو او نارنجي رنگونو سره ، چي تر آبي اسمان لاندي ځلیږي، تماشاچیان ځانته راجلب کړي. یو بل تصویر «د زمریانو دباچا» مشهوره فلم ته اشاره کوي.

د مالټواو نارنجو دغه میله د اول وار دپاره په ۱۹۳۳ م کال کي جوړه سوه. په هغه وخت کي مانتون په ټوله اروپا کي د مالټو او نارنجو لوی تولیدونکئ ښار ؤ. خو نن ورځ ددغه ښار اقتصادي اهمیت راکم سوی دی اود میلې ښایسته سینگارونو دپاره مالټې او نارنج د هسپانیې څخه راځي.

د سږکال د میلې یو بل د لیدو وړځای د پاریس د نوتردام مشهوره کلیسا ده، چي د "اسمرالدا" په نامه ښایسته ښځي باندي د کلیسا د زنگوله وهونکي د مین کیدو کیسه بیانوي. ددغه داستان څخه اوس هم د فلمو او ډرامو په جوړولو کي کار اخیستل کيږي. ددغي کلیسا ځیني ځایونه تر لسو مترو پوري هم لوړ دي.

د مانتون د میلې ددغه ځای طرحه «په باران کي بدلي» په نامه مشهوره فلم ته اختصاص سوې ده. که څه هم هغه ته د «باران» عنوان ورکول سوی دی، خو د مالټو او نارنجو د میلې سازمان ورکونکي اوهم تماشاچیان طبعأ هرکال غوندي د لمره ډکه ورځ غواړي.

د مالټواو نارنجو میله که څه هم د مارچ تر اولي نیټې پوري دوام کوي، خو هغه څوک چي تردغه وخته پوري نسي ورتلای، کولای سي په نورو فصلونو کي هم دغه ښار ته ورسي، چي بیله دغو میوو څخه هم ښایسته دی. په ډیر احتمال سره به یې هلته آرامي هم په نصیب سي.

د يوه سخت غذايي رژيم پر مهال که څه هم ستاسو وزن په لنډ وخت کي ډېر لږيږي، خو د وزن دغه کمښت کيدای سي د بدن د اوبو او ماهيچو له منځه تلل وي. د سخت غذايي رژيم پر مهال د بدن وازگه لږ ويلي کيږي خو د رژيم په ختمېدو سره به بدن نوره وازگه واخلي. سخت غذايي رژيمونه جانبي عوارض هم پيدا کوي؛ لکه د سر درد او د خولې بد بوی.

هر هغه څوک چي غواړي وزن ئې کم سي او تر غذايي رژيم وروسته ئې وزن بيا ډېر نسي، بايد هغه مېوې او سبزي چي ډېر ويټامينونه او مينرالونه لري او ډېري اوبه هم لري وخوړل سي. دغه خلک بايد ډېري اوبه وڅښي.

هغه مواد چي سړی چاغوي يوازي په غوړ لرونکو موادو کي نه دي راټول سوي. بلکي له سپينو اوړو څخه جوړ خوراکي مواد، هغه خواړه چي تيار خرڅيږي، هغه خواړه چي بوره پکښې ډېر وي، خوږې اوبه او سره کړي خواړه سخت سړی چاغوي. الکولي نوشابې هم ډېر پروټين او بوره لري.

هره ورځ درې وخته ډوډۍ وخورئ. سهارنۍ کيدای سي تر ماړه نسه وي. که کرار ډوډۍ وخورئ ژر د مړېدو احساس درته راځي. په هغه اندازه ئې وخورئ چي پوه سولاست اوس نو ۸۰ سلنه ماړه ياست. د خوړو له پاره کوچني غابونه انتخاب کړئ. که غټ غاب واخلی او ډک ئې کړئ، په تاسو کي د لږ خوړو احساس نه پيدا کيږي.

بې له منظم ورزشه ستاسو وزن نه کميږي. ورزش د دې سبب گرځي چي د بدن انرژۍ مو ډېره مصرف سي او وازگه هم ويلي سي. قدم وهل او لامبو به ډېر ښه پيل وي. دغه دوه ورزشه د شمزۍ له پاره هم ډېر گټور دي. نور ورزشونه، لکه ځغاسته او بايسکل چلول هم ډېر مثبت اغېز لري. په اوونۍ کي درې واري او هر وار ۳۰ دقيقې ورزش وکړئ.

هر څوک چي لږ خوب وکړي، تر راپورته کېدو وروسته د لوږي احساس کوي. لږ خوب په بدن کي د لپتين هورمون چي په بدن کي د مړښت احساس توليدوي د کمېدو سبب کيږي او بدن خوړو ته لمسول کيږي. لږ خوب دغه راز په بدن کي د هغو هورمونونو د ډېرښت سبب کيږي چي اشتها راولي لکه گرلين او اورکسين. نو هغه څوک چي غواړي وزن ئې لږ سي بايد په کافي پيمانه خوب وکړي.

يخي اوبه د بدن د وازگي ويله ولو سبب کيږي او د وزن له کمښت سره مرسته کوي. په يخو اوبو کي لامبل په ځانگړې توگه د ران وازگي ويلي کيږي.

د بدن په سلو کي ۴۰ سلنه وزن ماهيچې جوړوي. په بدن کي چي هر څومره ماهيچې ډيري وي په هغه اندازه وازگه سوځول کیږي.

سترس د وزن د ډېرښت له پاره يو له مهمو روحی عناصرو څخه دئ. د سترس هورمونونه د اشتها د ډېرښت سبب گرځي، ځکه نو بې له سترسه ژوند د وزن له کمښت سره ډېره مرسته کوي.

هغه څوک چي په وږي نس په سودا پسې ځي، په قوی احتمال به هغه شيان رانيسي چي د انسان په بدن کي د وازگي د ډېرښت سبب کيږي. ځکه نو هر وخت تر ډوډۍ خوړلو وروسته په سودا پسې ولاړ سئ. په ماړه نس به په رښتيا سره هغه شيان رانيسئ چي بدن اړتيا ورته لري.