د ملگرو ملتونو د اتومي انرژۍ نړیوال سازمان هغه پریکړه لیک منلی دئ چې د نړیوالو قدرتونو له لوري پکښې د ایران پر اتومي پروگرام نیوکې شوي دي. د غه نړیوال سازمان د رایو په اکثریت سره دغه قرارداد منظور کړی دئ چې پکښې له اسرائیل څخه هم د ایران پر وړاندې د یوه پوځي گام د نه اخیستلو خبره شوې ده. په دغه رپوټ کې زیاته شوې ده چې په دې اړه جدي اندیښنې موجودي دي چې ایران د یورانیمو د غني کولو څخه لاس نه دئ اخیستې کومه چې د ملگرو ملتونو د امنیت شوری غوښتنه وه. تهران وایي چې د دوي اتومي پروگرام یوازې د ملکي موخو له پاره دئ.