د نورو محدودیتونو ترڅنګ د آلماني ژبې کورسونو ته د مهاجرو محدود لاس رسی او د مسلکي روزنې په برخه کې محدودیتونه له هغو حقونو څخه دي چې د اتریش په نوي قانون کې محدود کړل شوي دي. سربیره پر دې په دې قانون کې یوه بله جنجالي موضوع هم شامله ده چې له مخې یې اتریش ته په داخلیدو سره مهاجرین او پناه غوښتونکي اړ دي چې خپل ګرځنده تلیفونونه او قیمتي وسایل او اسباب پر پوله باندې تسلیم کړي.
زموږ له آرشیف څخه:
آلمان روزنهايم ته مهاجر څرنگه رسيږي؟
په ۲۰۱۵م کال کي آلمان ته دومره مهاجر رسېدلي دي چي ساری ئې نه ليدل کيږي. اوس حتی ويل کيږي چي شمېر به ئې ۸۰۰۰۰۰ ته ورسيږي. په روزنهايم کي د ورځي په زرونو مهاجر په غير قانوني توگه د آلمان او اتريش تر سرحد تيري.
انځور: DW/K. Brady
د بايرن ايالت په روزنهام ښار کي د هغو اورگاډو تلاښي کول چي د آلمان او اتريش تر سرحد تيري يو عادي کار گرځېدلی دئ. په روان کال کي تر اوسه پوري دغي سرحدي سيمي ته نزدې ۱۱ زره پناه غوښتونکي رسېدلي دي. د دوی اکثره د سوريې، اريتريا او سوډان دي.
انځور: DW/K. Brady
پوليس د پلټني پرمهال د اورگاډي ټول واگونونه، تشنابونه او د بکسونو ايښوولو ځايونه تلاښي کوي. په هر اورگاډي کي د غير قانوني مهاجرو شمېر له ۵۰ څخه تر ۱۵۰ پوري وي. د اورگاډو په دغو تلاښيو کي له اگست مياشتي راهيسي ۳۰۰۰ غير قانوني کډوال پيدا سوي.
انځور: DW/K. Brady
پوليس په اورگاډو کي د مسافرو اسناد ډېر دقيق گوري. ډېر مهاجر ويره لري چي آلمان ته تر رسېدو دمخه ونه نيول سي. ډېر ئې تلاښ کوي چي سويډن ته ځانونه ورسوي. په دغه هيواد کي د پناه غوښتونکو قانون قوي ټولنيز ملاتړ لري.
انځور: DW/K. Brady
دغه گډوال له گرمۍ ځانونه خوندي کړي. له اورگاډو را کښته کړي مهاجر بيا له دغه ځايه يو جمنازيوم ته وړل کيږي او هلته ساتل کيږي.
انځور: DW/K. Brady
دغه دوه ځوانانو د زرونو مهاجرو له ډلي څخه تر ټولو خوشبخته دي چي روزنهام ته ئې ځانونه رسولي دي. دوی له نايجريا څخه آلمان ته رسېدلي دي.
انځور: DW/K. Brady
په هغو سپورټي جمنازيمونو کي چي اوس د پناه غوښتونکي له پاره کارول کيږي، په سوونو مهاجر په دې تمه دي د پوليسو له خوا راجستر سي. دوی په ورځو ورځو د خپلو جامو د بدلولو امکان نه لري.
انځور: DW/K. Brady
کله چي يو مهاجر ونيول سي، له هغه څخه ټول شيان که پيسې وي، که تليفون او که کمربند اخيستل کيږي او په یوه پلاستيکي کڅوڼه کي ساتل کيږي. د هر مهاجر پر لاس يو بند تړل کيږي او پر هغه باندي نمره وهل کيږي. کله چي دوی ته بيا مونشن ته د ورننوتلو اجازه ورکول کيږي ورڅخه اخيستل سوي شيان بيرته ور تسليميږي.
انځور: DW/K. Brady
د ارزوني په مرکز کي د نوم لیکني پرمهال هر پناه غوښتنوکي بايد عکس واخلي. دوی ته يو ژباړونکی هم په کار وي. دغه پروسه کيدای سي ساعتونه دوام وکړي.
انځور: DW/K. Brady
د هر پناه غوښتونکي د گوټي نخښه هم اخيستل کيږي. هر مهاجر کتل کيږي چي کومه ناروغي خو به نه لري. تر صحي معاينې وروسته بيا مهاجر يو کتوب ورکول کيږي او اجازه لري چي مونشن ته داخل سي او هلته د پناه غوښتني اسناد وړاندي کړي.