د رادیکال اسلامي تروریزم ګواښ د ګډونکونکو دویمه اندیښنه ده او ۴۴،۷سلنه پوښتل شوو کسانو ویلي دي چې دا د هغوی شخصي انديښنه ده. د دې ټولپوښتني ډیر شمیر ګډونکونکو د پاریس پیښې ته اشاره کړي ده چې له دې ټولپوښتنې څخه یو څو ورځې دمخه رامنځته شوې وه.
په ورستیو کې د پیګیدا غورځنګ او د آلمان له پاره د بدیل ګوند (AfD) هم د خبرونو سرټکي جوړوي خو د دې ټولپوښتنې له مخې دا یوازې د ۴سلنه ګډونکونکو له پاره د انديښنې وړ ګرځیدلي دي.
اتکل کیږي چې آلمان ته به سږ کال شاوخوا ۸۰۰زره مهاجر ورځي. د پیګیدا غورځنګ او AfD ګوند له خوا د مهاجرو کړکیچ د نوي پلویان د جذب او د مهاجرو پر ضد تګلاري ته د قوت بخښلو له پاره کارول کیږي.
د آلمان په پارلمان کې هم د آلمان له پاره د بدیل ګوند غړو د پیګیدا سره خپله همدردي اعلان کړې ده چې همدا کار یې د دې لامل شوی دی چې د دې ګوند ملاتړي ۱۰سلنه ډیر شي.
له هغو کسانو څخه چې د مهاجرت په اړه انديښمن ول د څلور برخو څخه یوه برخه یې په دې باور ده چې آلمان به و نه شي کولی د مهاجرو کړکیچ کابو کړي همدا راز د پنځو برخو څخه یوې برخې یې د مهاجرو سره همدردي ښودلي ده.
همداراز د دي سایت په نامه خبري اوونیزي مجلې د یوې ټولپوښتنې پر اساس سږ کال د مهاجرو پر استوګنځایونو ۲۲۲سخت بریدونه شوي دي چې د څلور پیښو لاملین محکوم شوي دي.
د دې مجلې په رپوټ کې راغلي دي: «که چیري حکومت په رښتیا غواړي چې د قانون په ټول توان سره عمل وکړي نو باید د اوسني حالت په پرتله خپلي هڅي زیاتې کړي.»
آلمان ته د ډیر شمیر مهاجرو د رسیدو له کبله د پیګیدا او AfD ملاتړې هم ډیر شوي دي چې د آلمان حکومتي چارواکي یې هم په اندیښنه کړي دي. دا غورځنګونه له حکومت څخه غواړي چې نور مهاجرو ته پناه ورنکړي او همدا راز د پرانیستو دروازو تګلارې ته هم د پاې ټګۍ کیږدي.
د یوې نوې ژبې زدکړه په آلمان کې د مهاجرو له پاره یوه لویه ستونزه ده. لږ تر لږه په پیل کې مهاجر مرستې ته اړتیا لري. خو د نن ورځې ښه خبر دا دی چې هغوی کولی شي خپل کتابونو او کتابچې او حتې خپل استادان شا ته پریږدي، ځکه نن دوې ښار ته ځي او په عملي توګه ژبه زده کوي .
انځور: DW/M. Hallam
د زدکړو له پاره هوډ او اراده
د اې سي بي لنګوا (ACB Lingua) په نامه د آلماني ژبې د زدکړې کورس د ادغام نوی صنف د هغو کسانو له پاره ده چې په وروستیو کې آلمان ته رسیدلي دي. د دې کورس نوي شاکردان د «خزانې لټون» لوبه کوي او په بن ښار کې له بیګانه کسانو سره آلماني غږيږي. د لوبې لومړۍ وظیفه: بازار ته لاړ شئ، یوه پټۍ پیدا کړئ او هټیوال څخه پوښتنه وکړئ چې څه ډول میوې خرڅوي؟
انځور: DW/M. Hallam
په زدکړو کې مرسته
ایا تاسو پوهیږئ چې په آلماني کې اناناس ته څه وايي؟ سربیره پره دې چې د اناناس نوم په ډیرو ژبه کې یو شان دی خو بیا هم د هغو کسانو له پاره چې په عربي ژبه خبرې کوي یو ستونزمن کار دی. خو دې سره سره هغوی په دې لوبه کې د اناناس په څیر ډیر نور لغات هم زده کړل.
انځور: DW/M. Hallam
په آلماني ژبه خبري کول
له زده کوونکو څخه غوښتل شوي وه چې د لوبې پر مهال په عربي او یا کومه بله ژبه خبري و نه کړي او یوازې په آلماني وغږیږي. خو کله چې به هغوی یو داسې کس ولید چې په عربي هم خبرې کولی شي نو بیا به ورته په آلماني خبرې کول یو ستونزمن کار وه.
انځور: DW/M. Hallam
بیتوفن کله زیږدلی دی؟
لودویګ فون بیتوفن بدون د شکه د بن ښار له یوه مشهوره کسانو څخه وه. ښار ته نږدي په کوم کور کې چې بیتوفن زیږیدلی وه اوس ترې د یو کوچنیۍ کتابتون په توګه ګټه پورته کیږي. د «خزانې لټون» لوبې لوبغاړي رضوان اجواز او د هغه زوی علي چې د سوریي څخه دي د دې سوال د ځواب د پیدا کولو هڅه کوي. هغه وايي بیتوفن په ۱۷۷۰م کال کښي زیږدلی وه.
انځور: DW/M. Hallam
سرعت یعنې د لوبې ګټل
هغو کسانو ته اضافي امتیازات ورکول کیږي چې تر ټولو دمخه لوبه ختمه کړي. خو بیا هم د لوبې شا و خوا دوه ساعتونو کې زده کوونکي داسې ځایونه ته تللي دي چې ښایي هغو ځایونو ته بیا هم لاړ شي. لکه په یوې پوښتنه کې ویل شوي وه چې د بهرنیو چارو د دفتر کاري وخت پیدا کړئ.
