د مونش ښار په اولمپیا سوداګریز مرکز کې د یوه ۱۸ کلن ایراني الاصله آلماني له خوا تر برید وروسته چې د هغه په ګډون په کې لس کسان ووژل شول، په نړیوالواله کچه غبرګونونه راوپاریدل.
له اروپا مشرانو نیولې بیا د امریکا متحده ایالاتو تر ولسمشریز نوماندانو پورې، ټولو د دغه برید له کبله آلمان سره غم شریکې ښوولې ده.
ولسمشر بارک اوباما، ویلي دي چې آلمان د امریکا متحده ایالاتو یو تر ټول نزدې شریک دی او دغه هیواد به له برلین څخه هر ډول ملاتړ وکړي.
په دې اړه نور مطالب:
انځورونه: د آلمان په مونيخ یا مونشن ښار کي وسله وال بريد
په مونشن کي د احتمالي ۳ وسله والو په ډزو کي لږ تر لږه ۷ انسانان وژل سوي دي. د جمعې په ورځ په ماښام د اولمپیا مارکېټ ته نژدې او بيا د هغه دننه ډزو مرګ ژوبله رامنځ ته کړه. د دغه بريد په تړاو انځوريز راپور دلته کتلای سئ:
انځور: picture-alliance/dpa/M. Balkد آلمان د صدراعظمې انګېلا مېرکل په دفتر کي د مونشن د بريد په تړاو بېړنۍ غونډه راوبلل سوه.
انځور: Reuters/dedinac/M. Müllerد پوليسو وياند مارکوس دا گلوریا مارتینز د مونشن د بريد په تړاو خبريالانو ته معلومات ورکول.
انځور: picture-alliance/dpa/L. Schulzeد خبرونو له مخي لومړۍ ډزي د مونيخ يا مونشن ښار په منځ کي واورېدل سوې..
انځور: Reuters/dedinac/M. Müllerد دغه بريد په تړاو په لومړي سر کي د ۶ او وروسته د ۸ انسانانو د وژل کېدو خبرونه ورکول سول.
انځور: Reuters/dedinac/M. Müllerپوليسو په لوړ شمېر سره د اولمپيا سر پټي مارکېټ شاوخوا سيمه محاصره کړه.
انځور: picture-alliance/dpa/A. Gebertد پوليسو د ملاتړ له پاره د بريد په سيمه کي څرخي الوتکي هم ګرځېدلې.
انځور: DW/J. Ospina-Valenciaبريدګر د ډزو وروسته و اولمپيا کارکېټ دننه ته په تښتېدلو بريالي سول.
انځور: picture-alliance/dpa/S. Hoppeپوليسو د تښتېدلو بريدګرو د موندلو له پاره و سيمي ته ورتلونکي ټولي لاري بندي کړې.
انځور: picture-alliance/dpa/A. Gebertد مونشن د مرکزي برخي فضا د امبولانسونو، پوليسو د موټرو او څرخي الوتکو شور نيولې وه.
انځور: picture-alliance/dpa/M. Balkپوليس د اورګاډو د لويو تمځايونو تر څنګ د ښار نورو حساسو ځايونو ته د امنيت نيونې په مقصد ورسېدل.
انځور: picture-alliance/dpa/M. Balkپوليسو د بريد له سيمي څخه د خلکو په خوندي ځايونو ته انتقالولو کي مرسته وکړه.
انځور: picture-alliance/dpa/S. Hoppeد بريد شاهدانو په لومړي سر کي وويل چي درې وسله وال يې وليدل.
انځور: picture-alliance/dpa/M. Balkپوليسو په لومړي سر کي دغه بريد يو «وسله وال بريد» وباله. خو وروسته يې وويل چي کيدلای سي چي دغه يو «ترهګر بريد» وي.
انځور: picture-alliance/dpa/A. Gebertد جمعې په ورځ د ماښام د شپږو بجو څخه مخکي د مونيخ په مرکز کي ډزي واورېدل سوې.
انځور: picture-alliance/dpa/A. Gebertپوليسو د مونشن له اوسېدونکو وغوښتل چي په خپلو کورونو کي دننه پاته سي.
انځور: picture-alliance/dpa/F. Hörhagerد مونيخ دننه د هر ډول عمومي ترانسپورت تګ راتګ بند کړل سو.
انځور: picture-alliance/dpa/F. Hörhagerپوليسو له مځکي او هوا څخه وضعه څارله.
انځور: picture-alliance/dpa/M. Balkپوليسو په مونيخ کي له انسانانو وغوښتل چي و بازارونو او ښار نورو برخو ته له تګ څخه دي صرف نظر وکړي.
انځور: picture-alliance/AP Photo/S. Widmann
د بریتانیا د بهرنیو چارو وزیر بوریس جانسن په خپل تویتر ټولنیزه پاڼه کې لیکلي دي: «همدا اوس مې له خپل آلماني سیال فرانک والتر شتاین مایر سره خبرې وکړې او هغه ته مې د مونشن د برید د قربانیانو له کبله خپل تسلیت وړاندې کړ.»
د اروپايي ټولنې د بهرنیو چارو مسوولې فیدریکا موګیریني، هم د مونشن د برید په اړه په خپل تویتر پاڼه کې یو پیغام خپور کړی دی. هغې ویلي دي: «د برید د قربانیانو، د هغوی کورنیو او د آلمان د ټول خلکو په فکر کې یو. اروپا متحده ده.»
د هند لومړي وزیر نریندرا مودي، هم د مونشن برید پر وړاندې غبرګون ښوولي دي او د پیښې د قربانیانو یادونه یې کړې ده. هغه په خپل تویتر پاڼه کې لیکلي دي: «موږ په مونشن کې د ویروونکې پیښې له کبله سخت خواشینې یو. د پیښې له کبله وژل شوي او ټپیان زموږ په فکرونو او دعاګانو کې دي.»
د امریکا متحده ایالاتو د ولسمشر ټاکنو دواړو نوماندانو هم د مونشن برید پر وړاندې غبرګون ښوولی دی. د دیموکراتانو نوماندې هیلري کلنټن، ویلي دي چې امریکا متحده ایالات به له آلمان سره اوږه په اوږه ودریږي. د جمهوری غوښتونکو نوماند دونالد ترامپ بیا د پیښې قربانیانو ته دعا کړې ده.
د آلمان د کورنیو چارو وزیر توماس دیمزیر، چې د رخصتیو له پاره په نیویارک کې وو تر برید وروسته بیرته د هیواد په لور روان شوی دی. آلماني چارواکو ویلي دي چې صدراعظمې میرکل ته شیبه په شیبه د پیښې جزئیات ورکوي.