د آلمان په مونشن ښار کې د یوې ډله ایزي وژني د قاتل ايراني هډه "داويد علي س" پلار او مور وايې چې د مرګ ګواښ ورته کيږی. د رسنیو د راپورونو له مخې د داوید علی پلار ویلي دي،چې د دغو وژنو احتمالي لامل د ښوونځی په ټولګي کي د زده کوونکو له خوا د ده د زوی، زورول ول.
په المان کې د یوې ورځپاڼي د راپور له مخې د "داويد علي س" پلار او مور ته د وژلو پيغامونه رسېدلي دي. د "داويد س" پلار د " بیلد ام زونتاګ" ورځپاڼي ته ويلي دي چې د هغه حالت ډير خراب دی او ميرمن يې يوه اوني کیږي چې د ژړا په حالت کې ده.
هغه وايې: «موږ ته څو ځلې د مرگ ګواښ شوی.» او زياتوی: «زموږ ژوند نور په مونشن کې له منځه تللی.»
یوه اونۍ تر مخه په مونشن کې اتلس کلن "داويد اس" د المپيا ستر پلورنځي ته نږدي نهه کسان په ډزو سره ووژل چې ډير ئې ځوانان ول. ورپسې هغه خپل ځان وواژه.
د "داويد علي س" د اعمالو لاملونه او پايلي
د شپيګل اونيزي مجلې د معلوماتو له مخې دغه ځوان په روحي ناروغۍ اخته وو او د جون تر مياشتي پوري پخپله خوښه د درملني له پاره رواني ډاکټر ته تللی.
د داسي تاو تریخوالي عمل یو لامل دا هم کيداي شی چې هغه به په ښوونځي کې د زده کوونکو له خوا په ډله ايزه توګه زورول کیدی.
د داويد علې پلار وايې چې د خپل زوی له پلانونو څخه خبر نه وو. هغه حتي د يوې وسلې له شتون څخه بې خبره وو. داوید علې دغه وسله په اصطلاح د انترنت «توري شبکې»Darknet)) څخه ترلاسه کړې. دغه شبکه په پټ ډول د رمز په کارولو سره کار کوي.
د داوید علي، پلار له دغي ورځپاڼي سره په خبرو کې ویلي دي چې د زوی پخوانی کوچنی نوم يې"علي" وو. خو وروسته يې زوي کیدای شې چې په ښوونځي کې د زوروونو له کبله خپل نوم بدل کړی وي. وروسته هغه نه غوښتل چې څوک يې د «علی» په نامه ياد کړي.
په مونشن کې برید کونکې، بريد له یو کال راهيسې پلان کړی وو
د داوید، پلار وايې چې زوي يې هيڅکله په ښوونځی کي د زوروونو په هکله ورته څه نه دي ویلي. خو هغه شا او خوا څلور کاله ترمخه د د داويد د یوه تن ټولګۍ وال څخه د هغه د زوروونو په هکله اوریدلي دي. کوښښ يې کاوه چې خپل زوی له دي ښوونځې څخه وباسې او د دې ښوونځې له ښوونکې سره يې په دې اړه خبري کړي وې.
د داويد علي پلار وايې چې په ښوونځي کې له يو ځينو زده کونکو څخه يې د زوي د زورولو له کبله شکايت کړی خو دغه شکایتونو کوم ځای نه دی نیولې او دوسیه يې پای ته رسیدلي اعلان شوې وه.
انځورونه: د آلمان په مونيخ یا مونشن ښار کي وسله وال بريد
په مونشن کي د احتمالي ۳ وسله والو په ډزو کي لږ تر لږه ۷ انسانان وژل سوي دي. د جمعې په ورځ په ماښام د اولمپیا مارکېټ ته نژدې او بيا د هغه دننه ډزو مرګ ژوبله رامنځ ته کړه. د دغه بريد په تړاو انځوريز راپور دلته کتلای سئ:
انځور: picture-alliance/dpa/M. Balkد آلمان د صدراعظمې انګېلا مېرکل په دفتر کي د مونشن د بريد په تړاو بېړنۍ غونډه راوبلل سوه.
د پوليسو وياند مارکوس دا گلوریا مارتینز د مونشن د بريد په تړاو خبريالانو ته معلومات ورکول.
د خبرونو له مخي لومړۍ ډزي د مونيخ يا مونشن ښار په منځ کي واورېدل سوې..
د دغه بريد په تړاو په لومړي سر کي د ۶ او وروسته د ۸ انسانانو د وژل کېدو خبرونه ورکول سول.
پوليسو په لوړ شمېر سره د اولمپيا سر پټي مارکېټ شاوخوا سيمه محاصره کړه.
د پوليسو د ملاتړ له پاره د بريد په سيمه کي څرخي الوتکي هم ګرځېدلې.
بريدګر د ډزو وروسته و اولمپيا کارکېټ دننه ته په تښتېدلو بريالي سول.
پوليسو د تښتېدلو بريدګرو د موندلو له پاره و سيمي ته ورتلونکي ټولي لاري بندي کړې.
د مونشن د مرکزي برخي فضا د امبولانسونو، پوليسو د موټرو او څرخي الوتکو شور نيولې وه.
پوليس د اورګاډو د لويو تمځايونو تر څنګ د ښار نورو حساسو ځايونو ته د امنيت نيونې په مقصد ورسېدل.
پوليسو د بريد له سيمي څخه د خلکو په خوندي ځايونو ته انتقالولو کي مرسته وکړه.
د بريد شاهدانو په لومړي سر کي وويل چي درې وسله وال يې وليدل.
پوليسو په لومړي سر کي دغه بريد يو «وسله وال بريد» وباله. خو وروسته يې وويل چي کيدلای سي چي دغه يو «ترهګر بريد» وي.
د جمعې په ورځ د ماښام د شپږو بجو څخه مخکي د مونيخ په مرکز کي ډزي واورېدل سوې.
پوليسو د مونشن له اوسېدونکو وغوښتل چي په خپلو کورونو کي دننه پاته سي.
د مونيخ دننه د هر ډول عمومي ترانسپورت تګ راتګ بند کړل سو.
پوليسو له مځکي او هوا څخه وضعه څارله.
پوليسو په مونيخ کي له انسانانو وغوښتل چي و بازارونو او ښار نورو برخو ته له تګ څخه دي صرف نظر وکړي.
