يوه گوته بايد انتخاب شي او په ارادي توگه یې باید له ژولو ډډه وشي. دا ډيره گټه کوي او سړی یې يو څو ورځې وروسته په گټه پوهيږي. تر دې وورسته بيا سړی بايد يوه بله گوته غوره کړي او له ژولو یې صرف نظر وکړي.
همدا راز پر نوکونو د سرېښ (رابرټيپ) يا ژاولې لگول هم گټه کوي. يوه بله لار یې په نوکانو د يوه داسې ځانگړي لاک يا رنگ پورې کول دي چې خوند یې تريخ وي. له دې عادت څخه د خلاصي له پاره يوه بله گټوره مشوره دا ده چې د لاسونو نوکان بايد ژر ژر پرې يا قطع شي او تل د يوه سوان په وسيله سوان او يا وسولول شي. همدا راز د لاسونو د کريمونو استعمال هم له دې عادته په ځان خلاصولو کې مرسته کولای شي ځکه د لاسو د کريمو مزه بده وي.
DW(B.S/S.M)
زموږ له آرشيف څخه:
د ورېښتانو د ښه روغتيا له پاره لس مهمې لارښوونې
ښکلي ورېښتان د انسانانو د ښايست او جذابيت له پاره ډېر مهم بلل کيږي. خو ورېښتان تر ورېښتانو پوري فرق لري او ښه ساتنه يې ګټوره ثابتېدلای سي. د ورېښتانو د ښه ساتنې له پاره څو وړانديزونه دلته ولولئ:
انځور: Imago/Indiapicture
يو ښه بنسټ
د ښايسته ورېښتانو له پاره يو حتمي څيز د سر د پوستکي ښه روغتیا ده. که د سر پوستکی روغ نه وي نو د خانګرې او ورته ستونزو سبب ګرځي. د سر د پوست مالِش د وينو د ښه جريان او په دې توګه د وچو ورېښتانو د مخنيوي سبب کيږي. د ځانګړو غوړو په مرسته د سر د پوست غوړول هم ګټور ثابتېدلای سي.
انځور: Colourbox/Lars Zahner
په سمه توګه د ورېښتانو مينځل
د ورېښتانو د مينځلو له مخي د هغوی ږمونځول هم ګټور ثابتېدلای سي. د شامپو يا صابن لګولو وروسته بايد ورېښتان په ښه توګه په اوبو ومېنځل سي چي صابن يا شامپو پکښي پاته نه سي. په زياتو ګرمو اوبو مېنځل ورېښتانو ته زيان اړولای سي.
انځور: Colourbox/Frédéric Cirou/ AltoPress/MAXPPP
کنډیشنر، فايده رسوي که نه؟
کنډيشنر شامپو ته ورته يو ډول هغه موادو ته ويل کيږي چي په شامپو د ورېښتانو له مينځلو وروسته ورباندي بيا ورېښتان مينځل کيږي. د کنډيشنر د استعمال وروسته لانده ورېښتان په آسانه ږمونځيږي ولي چي دغه مواد پر ورېښتانو يو ډول سطحه پرېږدي. خو د لندو ورېښتانو ږمونځول بايد په ډېر احتياط وسي چي ورېښتان مات نه کړي.
انځور: Colourbox/"Frédéric Cirou
د ورېښتانو وچول
په ټوال يا په ورته ټوکر د لندو ورېښتانو وچول يا پکښي د ورېښتانو پېچل د ورېښتانو روغتيا ته زيان رسولای سي. په ډېره زياته ګرمه هوا د ورېښتانو وچول هم ګټور نه وي. له همدې کبله يا خو په قدرتي توګه ورېښتان دې تر پرېږدئ چي پخپله وچ سي او يا يې په کمه ګرمه درجه د ورېښتانو د وچولو په برقي آله وچ کړئ.
انځور: Colourbox
د ورېښتانو غوړول
د ورېښتانو او د سر د جلد يا پوستکي غوړول یا مالِش کول ګټور ثابتېدلای سي. د بيلو بوټو غوړي د ورېښتانو له پاره ګټه رسوي. خو څوک خپل کنډيشنر يا د ورېښتانو د غوړولو مواد پخپله هم جوړولای سي. د بېلګي په توګه د اوکادو مېوې سره که څوک د لمرګل څو قاچوغي غوړي او د ليمبو لږ اوبه يوځای کړي نو ورڅخه ورېښتانو ته ښه کنډيشنر جوړولای سي.
د ورېښتانو تقريبا ټول رنګونه کيمياوي اجزا لري. تر زيات وخت پوري د ورېښتانو رنګ بدلوونکي رنګونه د ورېښتانو تر بيخ پوري رسيږي او له همدې کبله زيانمن وي. که يو ځل پر ورېښتانو نکرځي لګول سوي وي نو باندي په آېنده کي رنګ لګول زيانمن تمامېدلای سي.
انځور: Colourbox
متوازن خوراک
د ورېښتانو د ښه صحت له پاره متوازنه غذا ډېره مهمه ده. په بدن کي د مهمو مالګو يا مينرلز او ويټامنونو کمښت پر ورېښتانو هم منفي اغېز لري. سابه، کبان يا ماهي، ميوه او ورته ښه خوراک د ټول بدن او په همدې شان د ورېښتانو د روغتیا له پاره ګټور وي.
انځور: Colourbox
سپورټ او آرام
دوامداره ذهني فشار د کورټيزول د زياتېدو لامل کيږي چي د دغه اغېز په مستقيمه توګه پر ورېښتانو هم کیږي. محقيقين د دغې پدېدې په بشپړه پوهېدلو کي لا نه دي بريالي سوي. خو يوه خبره چي اوس لا روښانه ده، هغه دا ده چي سپورټ او اړين ارام د ذهني فشار په کمولو کي مرسته کوي چي د نورو ګتو تر څنګ ورېښتان هم روغ ساتي.
