د هري پوتر نوی فلم هم د جادويي منظرو او حيرانونکو پيښو لرونکی دی. شپږديرش کلن ايډي ريډمن وايي چې په دغه فلم کې يې ترسره کړی رول هم کولای د هر عمر علاقمندان ځان ته جذب کړي. هغه زياتوي چې د هري پوتر سريال ته ورته فلمونه د حيرانتيا سره سره، ډير په زړه پورې هم دي.
فلمي کارپوهان وايي چې د هري پوتر نوی فلم به هم د پخوانيو هغو په څير یو نوی ريګارډ کلک کړي. تمه کيږي چې دغه فلم دې په لومړۍ اوونۍ کې ۷۵ ميليونه ډالر وګټي. د هري پوتر سريال ته ورته فلمونو د دريم فلم به په کال ۲۰۲۰ کې راووځي.
له آرشيف څخه يو انځوريز البوم:
د ۲۰۱۸م کال د اوسکار جایزې ته څوک نومول شوي؟
که چيرې د اوسکار يوه جايزه گټل يو خوب وي نو آیا د يوه فلم څو وارې کانديدل د فلم د ښه والي نخښه ده؟ دلته هغه فلمونه او هنرمندان وگورئ چې د اوسکار جایزې ته کانديد شوي دي.
انځور: Getty Images
«ماته ستا په نوم غږ وکړه» فلم د ښه انځور او د تر ټولو ښه هنرمندان کتگورۍ ته نومول شوی
۲۲ کلن تيموتي کالامت چې په دې فلم کې یې د ۱۷ کلن ايلو نقش لوبولی، اوسکار ته نومول شويو په تاريخ کې دريم کم سن لرونکی هنرمند دی. په ډيره ځوانۍ کې د عاشقيدو پر موضوع دا فلم د ښه انځور کتگورۍ کې هم نومول شوی دی.
فلم «Get Out» د ښه انځور، ښه هنرمند او ښه فلم جوړونکي په کتگورۍ کې نوموړل شوی
فلم جوړونکې جاردن پيل پنځم تورپوسته داريکتر دی چې نومول شوی. دا فلم د ښه انځور کتگورۍ کې هم کانديد دی. جاردن پیل یواځي دریم فلم جوړونکی دی چې د اسکار په ۹۰ کلن تاریخ کې د تر ټولو د غوره انځور لرونکی فلم ډایرکتري په غاړه لري . هغه د «بیري جنکسین » څخه وروسته چې د تیر کال د «مون لایت» په خاطر اسکار ته کاندید شوی ؤ، بل مخکښ ډاریکتر دی.
انځور: Universal
«دنکرک» د ښه انځور او د تر ټولو غوره فلم جوړونکي په کتگورۍ کې کانديد دی
کرستوفر نولانز د دويمې نړيوالې جگړې د وخت يوه مشهوره نښته د ډرامې په شکل وړاندې کړې. اته اوسکار ته نومول یې د بریالیتوب نخشه گڼل کيږي. د يادولو وړ ده چې په فلم کې مشهور برېتانوي پاپ سندرغاړي هیري ستايلز هم د يوه جدي سړي رول لوبولی. په سترو کتگوريو کې د نومانديدو ترڅنگ دا فلم د ښه غږ او ښه ايديتنگ جایزو ته هم کانديد دی.
انځور: picture-alliance/AP Photo/M. S. Gordon/Warner Bros. Pictures
د «اوبو بڼه» د ښه انځور، ښه فلم جوړونکي او ښې هنرمندې په برخو کې نومول شوی
دا ستر او بې ساری مینې داستان په ۱۳ کتگوريو کې نومول شوی دی. د داريکتر گويليرمو دل توروس د مينې پر موضوع جوړ شوې دا فلم د يوې داسې ښځې په هکله دی چې پر يوه ناآشنا سړي مینه کیږي. ويل کيږي چې دا فلم به ښايي ډيرې جایزې په لاس راوړي.
انځور: picture-alliance/dpa/Twentieth Century Fox
د «Blade Runner 2049» د فلم اخيستنې د هنر په کتگورۍ کې کانديد دی
دا کلاسیک ساينس فکشن فلم د فلم اخيستنې هنر کتگورۍ ته په نومول شويو کې تر ټولو ښه بلل کيږي. روجر دنکنز چې تر اوسه په کتگورۍ کې ۱۴ وارې نومول شوې خو يو وار یې هم دغه جایزه نه ده ترلاسه کړې. آيا ۲۰۱۸ کال به د نوموړي له پاره ښه کال وي؟
انځور: Sony Pictures Releasing GmbH
«Loving Vincent» ښه متحرک نقاشي فلم
دا فلم د يوه ځوريدلي «ايمپرشنیست» یا په اصطلاح «خیال پال» هنرمند د ژوند په اړه دی او د ښه فلم جایزې ته نوماند دی. د نړۍ د لومړي متحرک رسم شوي فلم په توگه داسې ښکاري چې دا فلم د اوسکار د ترلاسه کولو وړتیا ولري.
