د عامر خان ’دھوم تھري‘ فلم هم ډیر مشهور شو او په مجموعي توګه یې ۸۱ میلیونه دالره ګټه کړې ده. دغه فلم چې په ۲۰۱۳م کال کې نندارې ته وړاندي شو د ادیتیه چوپړا له خوا پروډیوس یا تولید شوی وو.
انځور: Rapid Eye Movies
پریم رتن دھن پایو
د سلمان خان ’پریم رتن دھن پایو‘ فلم چې په ۲۰۱۵م کال کې خپور شوی ډیر بریالی وو. دغه فلم چې د راج شري له خوا تولید شوی وو ۶۴ میلیونه ډالره يې ګټلي دي.
انځور: Getty Images/AFP/Str
چنئی ایکسپریس
د شاه رخ خان ’چنئی ایکسپریس‘ فلم ۶۳ میلیونه ډالره ګټه کړې ده. په دغه فلم کې چې په ۲۰۱۳م کال کې خپور شو دیپیکا پڈوکون هم پکښې راڅرګنده شوې ده.
انځور: picture alliance/dpa/D. Solanki
تھری ایڈیٹس
د تھری ایڈیٹس یا درې احمقانو فلم ۵۹ میلیونه ډالره ګټه کړې ده. د راج کمار هیراني په لارښونه جوړ شوي دغه فلم کې عامر خان مرکزي رول لاره.
انځور: AP
دل والے
په ۲۰۱۵م کال کي د شاه رخ خان او کاجل جوړه یووار بیا په ’دل والے‘ فلم کې د سنیما پر پرده راڅرګنده شوه. دغه فلم هم ۵۹ میلیونه ډالره کاروبار وکړ.
انځور: picture-alliance/dpa/Rapid Eye Movies
ہیپی نیو ایئر
د شاه رخ خان ’ہیپی نیو ایئر‘ فلم هم۵۷ میلیونه ډالره پيسې وګټلي. دغه فلم چې په ۲۰۱۴م کال کې خپور شوی دی فرح خان یې ډایرکټره وه.
انځور: Rapid Eye Movies
کِک
د سلمان خان’کِک‘ فلم هم په ۲۰۱۴م کال کې خپور شوی دی. دغه فلم هم ۵۶ میلیونه ډالره ګټه کړې ده. په دې اکشن فلم کې نواز الدین صدیقي هم ډیر کامیابه کار کړی دی.
انځور: STR/AFP/Getty Images
کِرش
د ’کِرش‘ فلم په هندوستان کې تر ټولو د ډیرو پیسو ګټونکو فلمونو د نوملړ په لسم نمبر کې ځای لري. دغه فلم هم ۵۶ میلیونه ډالره ګټه کړې ده.
انځور: Getty Images/AFP/J. Samad
انځورونه1 | 10
پر سياسي مسائيلو متمرکز فلمونو پر سر ځينې وخت مخالفتونه او جنجالونه هم راولاړ شوي دي. د بيلګې په توګه په اويايمه ميلادي لسيزه کې چې هغه مهال اندراګاندي د هندوستان صدراعظمه وه، پر دوو فلمونو «قصه کرسي کا» او «آندهي» باندې بنديزونه ولګول شول. له دغو دوو فلمونو څخه يو يې د ميرمن ګاندي پر شخصي ژوند او بل يې پر سياست جوړ شوی وو.
د جنورۍ په يوولسمه په هندوستان کې دوه نوي فلمونه خپاره شول. له هغو څخه يو يې «دې ايکسيدنتل پرايم منستر» او بل يې «اوړې، سرجيکل سترايک» په نوم دی. له دې علاوه، روانه اوونۍ د دوو مشهورو سياستوالو په اړه هم دوه فلمونه راووتل. د هندوستان د کانګريس ګوند غړو د «اې ايکسيدنتل پرايم منستر» فلم د خپريدو د مخنيوي په موخه مظاهرې هم وکړې او په دې اړه يې محکمه هم وکړه خو په خپل دغه مقصد کې بريالي نه شول.
دوی ادعا کوي چې په دغه فلم کې د کانګريس د يو مهم غړی نقش، په کافي اندازه منفي ښودل شوی دی. اعتراض کوونکي وايي چې دغه فلم کې د هندوستان د صدراعظم نريندرا مودي او د هغه د ګوند «بهارتيا جانتا» په ګټه «تبليغات» ترسره شوي دي. خو د فلم دايرکټر بيا دغه تورونه رد کړي دي.
فلم جوړونکي په دې باور دي چې د انتخاباتو له ترسره کيدو څخه څو مياشتې د مخه د داسې فلمونو نشرول چې هغه سياسي داستانونه ولري، ښه چليږي او دا د دوی د لا ښه ګرم بازار له پاره ښه موقع وي. د کارپوهانو په اند په دې لړ کې ځينې سياسي ډلې هم شته چې هغوی تمه کوي چې د دغه شان فلمونو په خپريدو به د خپل ګوند په ګټه يو څه ډيرې رايې وګټي.
له آرشيف څخه يو انځوريز البوم:
تر ټولو قيمتي هندي فلمونه کوم دي؟
تر ټولو لويه بوديجه د کوم هندي فلم وه؟ د مها بهارت، د ۲.۰ او که د باهو بلي؟ دا او د فلمونو پر بوديجو ورته بحثونه په هندي فلمي نړۍ کي عام دي. په دغه انځوريز راپور کي کتلای سئ چي تر ټولو قيمتي هندي فلمونه کوم دي:
انځور: Arka Media Works
۸ مقام ـ کرش ۳ ـ ۱،۱۵ مليارده هندي روپۍ
کرش فلم به ۲۰۱۳ کال بازار ته راووت چي پکښي راجېش روشن د مرکزي نرينه کردار تمثيل کړی دی. د دې څخه تر مخه د کرش دوه نور فلمونه هم بازار ته راوتلي ول. (يو مليارد ۱۰۰۰ مليونه کيږي) [ترتيب کوونکی: احمدولي اڅکزی]
انځور: Imago/Zuma Press
۷ مقام ـ کوچادا اييا ـ ۱،۲۵ مليارده هندي روپۍ
کوچادا اييا د رجني کانت فلم دی چي په ۲۰۱۴ کال بازار ته راووت. دغه فلم د يو تاريخي پاچا په هکله دی او په تاميل ژبه ډک سوی دی.
انځور: Imago/Hindustan Times
۶ مقام ـ دهوم ۳ ـ د ۱،۷۵ او ۱،۲۵ مليارده هندي روپيو تر منځ
دهوم ۳ فلم د ۲۰۱۴ کال په جنورۍ مياشت کی بازار ته راووت. په دغه فلم کي مرکزي نرينه کردارونه عامر خان او ابهيشک بچن لوبولي دي. ښځينه مرکزي تمثيل قطرينه کيف کړی دی.
انځور: Imago/Zuma Press
۵ مقام ـ انتيران (روبوټ) ـ ۱،۳۲ مليارده هندي روپۍ
اننتيران په ۲۰۱۰ کال بازار ته راوتلی ساينس فيکشن فلم دی چي په تاميل ژبه ډک سوی. په دغه فلم کي مرکزي کردار رجني کانت لوبولی.
انځور: Getty Images/AFP/M. Rasfan
۴ مقام ـ را ۱ ـ ۱،۵ مليارده هندي روپۍ
را يو يا را ون د يو غېر عادي قوتونو لرونکي کس په هکله فلم دی چی مرکزي رول پکښي شاه رخ خان لوبلی. دغه فلم په ۲۰۱۱ کال بازار ته راوتلی ؤ.
انځور: Getty Images/AFP
۳ مقام ـ باهو بلي ۱ او ۲ ـ ۴ مليارده هندي روپۍ
د باهو بلي حماسه يي فلم لومړۍ برخه په ۲۰۱۵ کال بازار ته راووتله چي په ټوله نړۍ کي زياتو کتونکو وستايله. په دغه فلم کي کارول سوي کمپيوتري ايفکتونه د دغه فلم د بريا يوه لويه وجه بلل کيږي. اټکل کيږي چی د دغه فلم دويمه برخه به د ۲۰۱۷ کال د اپريل په پای کي بازار ته راووزي.
انځور: Arka Media Works
۲ مقام ـ ۲،۰ ـ ۴ مليارده هندي روپۍ
د «دوه اعشاريه صفر» په نوم هندی فلم ښايي د ۲۰۱۸ کال د جنورۍ په ۲۵مه نېټه بازار ته راووزي. په دغه فلم کي رجني کانت او اکشې کمار هم تمثيل کړی دی.
انځور: Getty Images/AFP
۱ مقام ـ مهابهارت ـ ۱۰ مليارده هندي روپۍ
موهن لال چي پخپله هم په دغه فلم کي د ايکټر په توګه کار کوي، ويلي چي د مهابهارت فلم ته ۱۰ مليارده روپۍ (يو مليارد ۱۰۰۰ مليونه کيږي) بوديجه پلان سوې. مهابهارت د هندو دين تقريبا ۱۰۰ زره د مصرعو لرونکې اوږده حماسه ده، چي ورباندي تر مخه هم زيات فلمونه او ډرامي جوړي سوي دي. [ترتيب کوونکی: احمدولي اڅکزی]
