د هندي سینما وتلی ستوری عرفان خان ومړ
۱۳۹۹ اردیبهشت ۱۰, چهارشنبه![Indischer Schauspieler | Irrfan Khan](https://static.dw.com/image/53277031_800.webp)
اعلان
د چهارشنبې په ورځ د هندي سینما یو نامتو ستوری ورژید. د رسنیو د رپوټونو په حواله، عرفان خان چې د «لایف اف پای» په څیر په بریالیو فلمونو کې یې ښه نقش لوبولی وو، د ورپیښې ناروغۍ له کبله د هندوستان په یوه روغتون کې مړ شوی دی.
د نوموړي ستوري یوه ویاند د یوې لنډې اعلامیې په خپرولو سره ویلي چې عرفان خان له سرطان سره اوږده مبارزه درلوده.
عرفان خان د هندي سینما د لومړنیو ستورو له ډلې څخه وو چې په غربي سینما یا هالیوود کې یې په کار پیل وکړ. تر عرفان خان وړاندې سعید جعفري، روشان سیټ، او اوم پوري د هندي سینما هغه ستوري وو چې په غربي سینما کې یې قدم ایښی وو.
د مړیني پرمهال د عرفان خان عمر ۵۳ کاله وو.