د مودي حکومت د بریتانوي دور د قوانینو پر ځای په پارلمان کې تائيد شوي دری نوي قانونونه د «هندیانو په وسیله د هندیانو له پاره» قوانین وبلل. خو اپوزیسیون بیا د دغو قوانینو پر ضد سترې محکمې ته د مراجعه کولو خبر ورکړی دی.
انځور: AP Photo/picture alliance
اعلان
د هند د پارلمان ایوان بالا (راجیه سبها) چې د هند دواړو مجلسونو عالي شورا ده، د پنجشنبې په ورځ د جزا درې نوي قانونوني مسودې تصویب کړي دي چې اوس باید د هند د ولسمشر له خوا توشیح او په رسمي قانون بدل شي.
د نږدې ۱۵۰ پارلماني استازو د دندو ځنډول کیدو پر ضد د اپوزیسیون د غړو اعتراض له کبله په راجیه سبها کې پر دې مسودې د بحث پر مهال د اپوزیسیون چوکۍ خالي وې او د واکمن ګوند د استازو په شفاهي رایې ورکونې سره دومره مهم قانونې مسودې تائید شوې.
دغه نوي قانونونه به د ۱۹۶۰م کال د بریتانوي استعمار د دور قوانینو ځای ونیسي. په نوي قانون کې د کم عمره نجونو د وژنې او جنسي تیري د مجرمینو له پاره د اعدام سزا ټاکل شوې ده.
په دې کې ترهګرۍ، سازمان ورکړل شوو جرمونو، د ځان وژنې هڅې، درغلي، له هیواد سره خیانت، غیر فطري جنسي جرمونواو نورو جنایتونو له پاره نوي تعریفونه او سزاګانې ټاکل شوي دي.
د هند په کومو سيمو کي کوم جرمونه زیات دي؟ ـ انځورونه
د هند ځيني سيمي د ځانګړو جرايمو له پاره په منفي توګه مشهوري دي. دا چي په کومو سيمو کي کوم جرمونه زیات دي، دلته يې وپېژنئ:
انځور: picture-alliance/AP Photo
د موټرو غلا
مظفرنګر او په اترپرديش کي د ميروت سيمه د موټرو په غلا مشهور دي. اکثره موټر چي د هند په نورو سيمو کي غلا کيږي، د اکثرو د پرزه کېدلو يا ماتولو کارونه په يادو ښارونو کي کيږي.
انځور: Colourbox/Andrey Armyagov
قتل
اترپردېش ايتاوا او بلندشهر په دې مشهور دي چې قتلونه پکښې کيږي. د بيهار په بينګوساري سيمه کي هم اوس مجرمې ډلې پيدا سوي دي. د کارناتکا بيلاري سيمه هم د قتل د جرايمو له پاره مشهوره بلله کيږي.
انځور: Fotolia
د کارتونو جرايم
د حيدر آباد د پوليسو يوې پلټنې ښودلې ده چي د تذکرو او نورو پين لرونکو کاردونو اکثره جرايم له حيدرآباد څخه سرچينه اخلي.
انځور: Getty Images/AFP/N. Seelam
داړه ماري
د مديا پردېش او راجستان تر منځ د چمبل سيمه د ډاکوګانو او داړه مارانو له کبله مشهوره ده. د دغې سيمي پر سړکونو د تيرېدونکو اکثرو انسانانو سره هميشه دا بيره موجوده وي چي داړه ماران به پر پېښ سي.
انځور: Getty Images/AFP/D. Dutta
هېکري جرايم
د هند بنګلور په ټوله نړۍ کي نه يوازي د کمپيوتري پروګرامونو له پاره مشهوره سيمه ده، بلکي په دغه سيمه کي زيات هېکري جرايم هم تر سره کيږي.
انځور: Getty Images/AFP/D. Sarkar
جنسي تېری
د هند پلازمېنه ډيلي د جنسي تېريو په برخه کې ډېر بد نوم لري. دا ځکه چي په دغه سيمه کي دغه ډول زيات جرايم کيږي. حتی اکثره بهرنۍ سيلانۍ مېرمني لا هم په ډيلي کي ځان خوندي نه احساسوي.
انځور: picture-alliance/AP Photo/Saurabh Das
اختطاف/سړی تښتونه
بيهار د اختطاف او سړي تښتونې سره د مل جرايمو په برخه کې ډېر بد نوم لري. خو په تيرو کلونو کي په سړي تښتونه کي زيات کمښت راغلی دی. کله کله بيا هم داسي پيښي رامنځ ته کيږي.
انځور: Strdel/AFP/Getty Images
د جايدادونو لانجې
د ګروګرام او ګرېتر نويدا سيمي چي ډيلي ته څېرمه پرتې دي، پکښي د جايداد پر سر خورا زياتي لانجې او شخړي رامنځ ته کيږي. په زیاته د ودانيو د ملکيت پرسر شخړي زياتي وي.
انځور: picture-alliance/NurPhoto/N. Kachroo
د سکرو/کويلې مافيا
د جهارخند د ډهنباد ښار د سکرو پر سر لانجو په برخه کې شهرت لري. له هغه وروسته چي د سکرو د کانونو څخه د استخراج پر حقونو نوې پرېکړي وسوې، نو لانجې کمي سوي دي. خو پر هغه سربيره د سکرو د مافيايي کړيو تر منځ بيا هم لانجې رامنځ ته کيږي.
انځور: Ravi Mishra/Global Witness
د ځنګلي حيواناتو تجارت
د ځنګلي حيواناتو د پوستونو او نورو اعضاؤ قاچاق وړونکي په زياته په اترکهند سيمه کي ډېر فعال دي. له دغې سيمي څخه هر کال داسي پيښي رسنيزه کيږي چي پکښي قاچاق وړونکي د پړانګانو او نورو حيواناتو پر غير قانوني ښکار نيول کيږي.
انځور: AP
تارياک او چرس
د هيماچل پردېش د کولو منلي سيمه په چرسو مشهوره ده. په دغه سيمه کي د په چرسو اخته ځوانانو شمېر هم ډېر زيات دی. د دې تر څنګ د راجستان په بارمر او د مدهيا پردېش په نيموچ او منصور سيمو کي د ترياکو لوی لوی ناقانونه بازارونه سته.
انځور: picture-alliance/AP Photo/R. R. Jain
نقل
بيهار د زده کوونکو د نقل په برخه کې شهرت لري. هر کال په دې تړاو زیات راپورونه خپريږي چي په بيهار کي زده کوونکي او محصلين په ازموينو کي په لوړه اندازه نقل کوي. دمګړی پر ځينو سياستوالو هم د په ناسمه توګه بريليکونو ترلاسه کولو تورونه ادامه لري.
انځور: picture-alliance/AP Photo
انځورونه1 | 12
«هندي ایډیالوژۍ درلودونکي پرې ویاړي»
د هند د کورنیو چارو وزیر امیت شاه، په دې اړه وویل چې دغه قوانین به زر انصاف یا عدالت تضین کړي: «اوس به هیڅ [تاریخ پر تاریخ] نه وي او په دریو کولونو کې به انصاف کیږي. د بریتانوي قوانینو په لغوه کول او زموږ خپل قانون په راوستلو سره مودي صیب د ملت سر پورته کړی دی. هغوي(اپوزیسیون) دغه افتخار نه شي احساسولی. یوازې هغه خلک د ویاړ احساس کولی شي، چې هندي ایډیالوژي لري. ایټالوي عینکې لرونکو ته دا نه معلومیږي.»
اپوزیسیون د خپل ګوند د نږدې یو نیم سل غړو د دندو ځنډو او رای ګیرۍ تحریمولو پر مهال د دغو قوانینو تصویبیدل پر «ډیموکراسۍ د مرګوني ګزار» سره تعبیر کړی او د مودي حکومت د «دکتارتورۍ» پر ضد یې د غږ پورته کولو اعلان کړی دی. پر قوانینو د بحث پر مهال د واکمن بي جي پي سربیره د نورو ګوندونو استازو ویل چې له نوي قوانینو سره به پولیس په غیر معمول ډول اختیارات ترلاسه کړي.