«دنګل» فلم د ۲۰۱۶م کال په دسمبر مياشت کي بازار ته راووت او له هغه راهيسي يې د کاروبار او پیسو ګټلو په ډګر کي ټول ريکاردونه مات کړي دي. دغه فلم په ټوله نړۍ کي تقريباً ۳۱۰ ميليونه ډالره ګټه کړې ده.

د عامر خان فلم «دنګل» د هند د فلمي نړۍ په تاريخ کي يو نوی زرين باب پرانيست. دغه فلم د يوه داسي هندي پهلوان په هکله دی چي خپلو لوڼو ته پهلواني ښيي او غواړي چي هغوی طلايي مډال وګټي. دغه فلم نه يوازي په هند، بلکي په نورو هيوادونو لکه چين کي هم زيات مينه وال وموندل.

د زياته ګټه کوونکو فلمونو په ليسټ کي دويم مقام هم د عامر خان فلم «پي کې» دی. دغه فلم په ۲۰۱۴م کال کي بازار ته راوتلی وو. تر هغه دمخه په ۲۰۰۹م کال کي تر ټولو زياتي پيسې ګټونکی فلم «درې احمقان» هم د عامر خان وو. د عامر خان ټول دغه بريالي فلمونه د ټولنې له پاره مهم پيغامونه لري.

د فلمونو کارپوه رامېش بالا وايي چي پخوا درې واړه خانان يعني شارخ خان، عامري خان او سلمان خان بريالي ول. د نوموړي په وينا خو اوس د فلمونو له خوا ګټل سوو پيسو ته په کتلو سره ويلای سو چي عامر خان مخکي سوی او شاه رُخ خان شاته پاته سوی دی.

شاه رُخ خان نه يوازي په آسيا، بلکي په اروپا او امريکا کي هم د هند د فلمي نړۍ تر ټولو مهم برانډ يا نوم دی. خو له ۲۰۱۳م کال راهيسي د هغه ټولو فلمونو يوازي د منځنۍ اندازې پیسې گټلي دي.

د سلمان خان مینه وال بېخي زیات دي. د هغه فلم «ټيوب لايټ» ډېر ښه تجارت ونه کړ، دا پر هغه سربيره چي ډېر مثبت تنقيدونه يې درلودل. د سلمان خان فلمونه سلطان او بجرنګي ډېر بريالي ول. خو که يې د پيسو ګټه د عامر خان له فلمونو سره پرتله سي نو هومره ګټه يې نه ده کړې.

د فلمونو سوداگر اکشې راټې وايي چي د عامر خان د بريا يو لوی راز دا دی چي هغه هر کار په ډېر دقت کوي او فلم ته ښه چمتووالی نيسي. د هغه په وينا عامر خان د ځوان هلک، د ښوونکي او يا هم د پیغلو نجونو د پلار په تمثيل کي هيڅ تکليف نه لري او ښه يې تمثيلوي.

په داسي حال کي چي شاه رُخ خان رومانتیک، جنګي او ډراماتيک فلمونه جوړوي، د عامر خان د فلمونو موضوعات ډېر قوي وي. عامر خان په خپلو فلمونو کي داسي موضوعات راپورته کوي چي په ټولنه کي ډېر اهميت لري. عامر خان د خپل تمثيل له پاره خپلي بڼي په ښه توګه بدلوي. د بېلګي په توګه هغه د «دنګل» فلم له پاره ۲۵ کلوګرامه وزن زیات او بيا کم کړ.

اکشې راټې وايي چي عامر خان د شاه رُخ خان او سلمان خان په څېر مينه وال نه لري، خو هغه په دې بريالی سوی دی چي کتونکو ته دا احساس ورکړي چي که هغوی د عامر خان د فلم ټکټ رانيسي، نو خامخا به پکښي يو نوی شی ومومي.

د عامر خان له خوا داسي موضوعات هم څېړل سوي چي جنجالونه يې رامنځ ته کړي. د بېلګي په توګه په هندوسان کي د زغم په اړه د هغه څرګندونې د دې لامل سوې چي ډېر هنديان په غوسه سي او اعلان وکړي چي د هغه فلمونه به نه ګوري. خو پر دې ټولو سربيره د هغه د مينه والو او د فلمونو د ټکټ رانيوونکو شمېر لږ سوی نه دی.

په تیرو ۱۲ میاشتو کې کرستیانو رونالډو، چې څلور ځله یې د نړۍ د غوره فوټبالست لقب خپل کړی دی نږدې ۸۳ میلیونه ایرو ګټلي دي. ۵۲ میلیونه د تنخوا او جایزو په شکل او ۳۱ میلیونه د تجارتي اعلانونه له درکه.

د (NBA) یا د امریکا د ملي باسکټبال لوبډلې تر ټولو قیمتي لوبغاړي «کِنګ جیمز» تیر کال ۷۷ میلیونه ایرو ګټلي دي. ۴۹ میلیونه د تجارتي اعلانونو او ۲۸ میلیونه د معاش او جایرو له طریقه.

د بارسلونا د ټیم ستوری، چې پنځله ځله د نړۍ د بهترین فوټبالست لقب یې خپل کړی دی ۷۱ میلیونه ایرو ګټلي دي. خو دغه لوبغاړي باید د ۲۰۱۶ م کال د عایداتو مالیه تحویله کړي. نوموړی په ۲۰۱۶ کال کې د مالیې په برخه کې په درغلې تورن شوی وو.

د سویتزرلند هیواد د ټینس دغه لوبغاړي د اتلسو لوبو ټورنمنټ په ګټلو سره ریکارډ قایم کړی دی. هغه د خپلې خیریه ټولنې له لارې چې په ۲۰۰۳ کال کې یې جوړه کړی د خپل مور په ټاټوبي سویلي افریقا کې د ماشومانو په برخه کې پروژ سره مالي مرسته کوي.

دغه لوبغاړی چې دوه متره قد لري د خپلې دقیقې نښې له کبله ډیر مشهور دی. د امریکا ملي باسکیټبال لوبډلې سره یې د لوبې له پيلولو وروسته د نایک له کمپنۍ سره د ۶۰ میلیونه دالرو یو تړون لاسلیک کړ. تیر کال دغه لوبغاړي ۵۴ میلیونه ایرو ګټلي دي.

د انډیاناپولِس کولټس لوبډلې له پاره د کوارتر بیک په پوزیشن کې لوبیدونکي دغه لوبغاړي د ۲۰۱۶ م کال د جون په میاشت کې د (NFL) یا نشنل فټبال لیګ د تاریخ تر ټولو قیمتي قرارداد لاسلیک کړ. د دغه تړون له مخې هغه ته په راتلونکو ۶ کلونو کې په مجموعي توګه ۱۲۴ میلیونه ایرو ورکول کیږي. تیر کال دغه لوبغاړي ۴۴ میلیونه ایرو ګتلي دي.

هغه لوبغاړی چې د ګولف په لوبه کې په نړیواله کچه تر ټولو ډیرې پيسې ګټي د شمالي آیرلینډ هیواد روری میکلوری دی. په ۲۰۱۶ م کال کې د دغه لوبغاړي عاید ۴۴ میلیونه وو چې لویه برخه یې (۳۰ میلیونه) د نایک کمپنۍ سره د تجارتي اعلانونو له درکه ترلاسه کیږي.

دغه امریکایې باسکټبالر په تیرو ۱۲ میاشتو کې ۴۲ میلیونه ایرو پیسې ګټلي دي. د دې جملې څخه ۳۱ میلیونه یې د تجارتي اعلانونو له درکه ترلاسه کوي.

دغه امریکایې باسکټبالر د خپلې ږیږي له امله هم مشهور دی. تیر کال هغه د تنخوا او جایرو له طریقه ۲۴ او تجارتي اعلانونو له لارې ۱۸ میلیونه ایرو ترلاسه کړي دي.

لیوئس هیملتن، دری واره د (فورمولا ون) د موټرو په ځغاسته کې اول مقام ترلاسه کړی دی. په ۲۰۱۶ م کال کې د دغه بریتانوي لوبغاړي مجموعي عاید ۴۱ میلیونه ایرو وه.

د ټینس دغه امریکایې ښځینه لوبغاړۍ په ۲۰۱۶ م کال کې ۲۴ میلیونه ایرو ګتلي دي. د دې عاید دوه پر دریمې برخې نه زیات یې د تجارتي اعلانونو له درکه ترلاسه کړي دي.

سیباستیان فیټل، په پرله پسې ډول څلور ځله د (فورمولا ون) اتل پاتې شوی دی، خو تیر کال د ۲۴ میلیونه عاید سره د «فوریس» مجلې په نوملړ کې په ۱۴ نمبر کې ځای نیولی دی.

د عامرخان PK فلم چې په ۲۰۱۴م کال د سنیما پر پرده خپور شو، په لومړي کتار کې راځي. دغه فلم۱۲۰میلیونه امریکایې ډالره ګټلي.

’بجرنگی بھائی جان‘ د هاليووډ د هغو فلمونو په کتار کې چې تر ټولو ډېره ګټه یې کړې ده، دریم ځای لري. دغه فلم ۹۳ میلیونه امریکایې ډالره ګټلي دي. دغه فلم چې په ۲۰۱۵م کال کې خپور شو مرکزي لوبغاړی یې سلمان خان وو.

د عامر خان ’دھوم تھري‘ فلم هم ډیر مشهور شو او په مجموعي توګه یې ۸۱ میلیونه دالره ګټه کړې ده. دغه فلم چې په ۲۰۱۳م کال کې نندارې ته وړاندي شو د ادیتیه چوپړا له خوا پروډیوس یا تولید شوی وو.

د سلمان خان ’پریم رتن دھن پایو‘ فلم چې په ۲۰۱۵م کال کې خپور شوی ډیر بریالی وو. دغه فلم چې د راج شري له خوا تولید شوی وو ۶۴ میلیونه ډالره يې ګټلي دي.

د شاه رخ خان ’چنئی ایکسپریس‘ فلم ۶۳ میلیونه ډالره ګټه کړې ده. په دغه فلم کې چې په ۲۰۱۳م کال کې خپور شو دیپیکا پڈوکون هم پکښې راڅرګنده شوې ده.

د تھری ایڈیٹس یا درې احمقانو فلم ۵۹ میلیونه ډالره ګټه کړې ده. د راج کمار هیراني په لارښونه جوړ شوي دغه فلم کې عامر خان مرکزي رول لاره.

په ۲۰۱۵م کال کي د شاه رخ خان او کاجل جوړه یووار بیا په ’دل والے‘ فلم کې د سنیما پر پرده راڅرګنده شوه. دغه فلم هم ۵۹ میلیونه ډالره کاروبار وکړ.

د شاه رخ خان ’ہیپی نیو ایئر‘ فلم هم۵۷ میلیونه ډالره پيسې وګټلي. دغه فلم چې په ۲۰۱۴م کال کې خپور شوی دی فرح خان یې ډایرکټره وه.

د سلمان خان’کِک‘ فلم هم په ۲۰۱۴م کال کې خپور شوی دی. دغه فلم هم ۵۶ میلیونه ډالره ګټه کړې ده. په دې اکشن فلم کې نواز الدین صدیقي هم ډیر کامیابه کار کړی دی.

د ’کِرش‘ فلم په هندوستان کې تر ټولو د ډیرو پیسو ګټونکو فلمونو د نوملړ په لسم نمبر کې ځای لري. دغه فلم هم ۵۶ میلیونه ډالره ګټه کړې ده.