هند د ولسې جرګې درېمه برخه څوکۍ ښځو ته ورکوي
۱۴۰۲ شهریور ۲۸, سهشنبه![د آرشیف انځور - (د ۲۰۲۳م کال د می ۲۸مه) د هندوستان صدراعظم، نريندرا مودي، د دغه هیواد پارلمان ته د وینا پر مهال](https://static.dw.com/image/66292831_800.webp)
د هندوستان صدراعظم، نريندرا مودي، د سه شنبې په ورځ وويل چې په دې کار سره ېې یو داسې وړاندیز چې څو لسیزې ځنډول شوی وو، راژوندی کړ.
مودي دغه اعلان د پارلمان د یوې ځانګړې غونډې پر مهال په داسې یو وخت کې وکړ چې هندوستان کې اته میاشتې وروسته، یعنې د ۲۰۲۴م کال په می میاشت کې عمومي انتخابات تر سره کیږي.
مودي د پارلمان په ولسي جرګه (لوک سبها) کې وويل: «د ښځو د سهمېې په هکله په تېر وخت کې ګڼې مناظرې شوي دي... او زه له قانون جوړونکو څخه غواړم چې له دغې مسودې ملاتړ وکړي.»
د مودي د کابېنې لخوا دغه تائيد شوې مسوده اوس د هند د مشرانو جرګه ګۍ چې متحده شورا هم ورته ويل کيږي او د ایالتي اسمبلیو تائید ته اړتیا لري تر څو یو قانون وګرځي.
هندوستان په انتخاباتو کې د رای ورکولو په شرایطو برابر ۹۵۰ ميلیونه وګړي لري چې نژدې نیمايي برخه ېې ښځې تشکيلوي، اما د پارلمان په تشکيل کې ېې د ښځو برخه یوازې ۱۵ سلنه ده. په ایالتي اسمبلیو کې بیا د ښځو ونډه تر دې هم کمه، شا او خوا ۱۰ سلنه ده.
د ښځو دغه کمه ونډه سبب شوې چې د هندوستان نوم په پارلمان کې د جنسيتی مساواتو په تړاو د هېوادونو په نوملړ کې ډېر ښکته ځای ولري. دا په داسې حال کې ده چې هندوستان د نړۍ تر ټول ډېر نفوس لرونکی هیواد هم دی.
(Reuters)mks/bs