وروستیو اورښتونو خلک هیله من کړي دي. بزګران هیله من دي که چیرې په کافي اندازه واروه او بارانونه وشي نو به وکړی شي چې په پسرلي کې پر خپلو ځمکو کرکیله وکړي. په انځور کې لیدل کیږي چې په بدخشان ولایت کې خلک د خپلو کورونو له چتونو څخه واوره پاکوي.

که څه په وروستیو کې د واورې اورښت په ځانګړې توګه د بزګرانو د خوښۍ سبب ګرځیدلی خو واوره او ساړه د هغو بې وزله افغانانو ژوند لا سختوي چې د سون توکو د رانیولو توان نه لري.

د کابل په شمول د افغانستان یو شمیر سیمې د څښاک اوبو له کمښت سره مخامخ دي. د کابل ښار اوسیدونکي چې د څښاک د پاکو اوبو له تامین سره لاس او ګریوان دي، دغه اورښتونه یې د خوښۍ سبب شوي.

د دوه میاشتي وچ ژمي وروسته خلک هیله من دي چې تازه اورښتونه به په نوي کال کې د اوبو د کمښت ستونزه تر یوه حده راکمه کړي. په انځور کې لیدل کیږي چې په کابل کې دوه کسان د خپل کور له چته واوره غورځوي.

که څه هم په کابل او د افغانستان په یو شمیر نور ولایتونو کې به په ژمي کې کافي واوره اوریده، خو په وروستیو کلونو کې اقلیمي بدلونونه د دې سبب شوي دي چې اورښتونه کال په کال کم شي.

د واورې اورښت نه یوازې د بزګرانو د خوښۍ سبب ګرځي، بلکې په دې ورځو کې ماشومان هم په لارو او کوڅو کې له واورې خوند اخلي.

پغمان ولسوالي چې د کابل په شمال لویدیځ کې پرته ده، هغه غرنۍ سیمه ده چې واوره پکې کیږي. په هغه صورت کې چې کافي واوره واوریږي پغمان دره او د قرغې بند به کافي اوبه ولري.

د هاربين په نړيوال فيستيوال کې له واورې او يخ څخه جوړ کولوسئوم هم ليدل کيږي. د ايټاليا کولوسئوم تاريخي ودانۍ د دغه هيواد په پلازمينه روم ښار کې موقعيت لري. دا د نړۍ له مشهور ودانيو څخه ګڼل کيږي.

په چين کې د هاربين نړيوال فيستيوال له کال ۱۹۸۰ راهيسې ترسره کيږي. دغه جشن ته د نړۍ له مختلفو سيمو څخه په سلونو زره کسان ورځي. سږنۍ جشن به د فبرورۍ مياشتې تر ۲۸مې نیټې ادامه ولري.

د هاربين فيستوال ته جوړې ودانۍ د شپې په تياره کې لا ښايسته ښکاري. په لاس له وارو جوړو ودانیو کې د رنګه څراغونه رڼاوې فضا ته يو ښکلي رنګ وربښي.

په دغه چينايي نړيوال فيستوال کې د نورو تر څنګ د لوبو ځايونه هم په نظر کې نيول شوي چې هغو کې يو هم د يخو څخه جوړ په تنګو کانالونو کې ښويدل دي. سيلانيان په ځانګړو کوچنيو وسيلو کښيني او بيا په سرعت په کانال کې په حرکت لويږي.

د هاربين نړيوال فيستوال د په زړه پورې مراسمو له جملې څخه يو هم په سړه هوا او سړو اوبو کې لمبيدل دي. د جمعې په ورځ ( ۲۰۱۹م کال د جنورۍ ۵مه) ډير شمير ځوانانو په داسې سړو اوبو کې چې شاوخوا يې کنګل شوې، ولمبل.

په دغه چينايي نړيوال فيستيوال کې شاوخوا ۲۰۰۰ د واورو نانځکې هم درول شوي دي. دغه نانځکې چې د ډيرو سيلانيانو پام ځان ته اړوي په کوچنيو او لويو اندازو کې رغول شوي دي.