د پولیسو ځايي چارواکي، طارق خان وويل چې دغه حمله د شنبې په ورځ (د ۲۰۲۳ کال د جنورۍ ۲۱نېټه) د چارسدې ولسوالۍ اړوند په زرداد دهري سیمه کې شوې ده. هغه زیاتوي چې وسلوال د پولیسو پر درو افسرانو تر حملې وروسته تښتيدلي دي.
خان وويل چې د پولیسو دوه افسرانو روغتون ته تر رسولو مخکې ساه ورکړه او دریم ېې تر درملنې لاندې دی.
پېښور: د وسله والو په برید کې د پولیسو درې افسران وژل شوي
تر دې درې ورځې مخکې ورته یوه وسلواله حمله په خیبر ولسوالۍ کې هم شوې وه چې په کې د پولیسو درې افسران ووژل او دوه نور ټپیان شول.
څو ورځې مخکې د پاکستان د کورنیو چارو وزير، رانا ثناءالله په اسلام کې د خيبر پښتونخوا پر امنيتي چارواکو نیوکه وکړه چې د اورپکو د حملو په مقابل کې پاتې راغلي دي. هغه ایالتي چارواکي پر دې تورن کړل چې له تيرو حملو څخه عبرت نه اخلي.
پاکستاني طالبانو پر پوليسو د بريد مسئوليت منلی دی
اسوشتید پریس خبري آژانس له پېښوره لیکي چې د شنبې ورځې حملې مسئولیت چا په غاړه نه دی اخیستی، خو زیاتوي چې د خيبر ولسوالۍ حملې مسئوليت تحریک طالبان پاکستان (TTP) ډلې چې پاکستاني طالبان هم ورته ویل کيږي، منلی دی. تر دې مخکې د ورته اکثرو نورو حملو مسئوليت هم دغې ډلې منلی دی.
پاکستاني طالبان له افغان طالبانو جلا ډله ده. دغې ډلې په وروستيو کې په خیبر پښتونخوا او بلوچستان ایالتونو کې چې دواړه افغانستان سره ګډې پولي لري، خپل بریدونه ډير کړي دي.
(AP)mks/aa
له آرشیف څخه یو انځوریز البوم:
د یونسکو په لیست کې د پاکستان لرغوني ځايونه
د ملګرو ملتونو د یونسکو نړیوال عملي او کلتوري سازمان په فهرست کې هغه سیمي شاملې وي چې د کلتوري او تاریخي پلوه ډیر مهم وي. یونسکو شپږ پاکستاني لرغوني ځايونه په خپل دې لیست کې شامل کړي دي.
انځور: picture-alliance/dpa/roberthardingد مغلو تمدن چې د شاه جهان بادشاه د واکمنۍ پر مهال خپل اوج ته رسیدلی وو، دغه دوه شاهکاروه تاريخي ارزښت لري. په دې ځای کې ماڼۍ او مسجدونه د مرمرو له ډبرو څخه جوړ شوي دي. د لاهور ښار په شالامار بڼونو کې حوزونه او حویلې هم موجود دي.
د موهنجو داړو د لرغوني ښار کنډوالې د «انډس ویلی» په نوم سیمه کې موجود دي. د دې ښار لرغونتوب ۲۵۰۰ قبل المسیح ته رسیږي. په ښار کې جوړي شوي کوڅې، د اوبو رسونې سیستم او نور تعمیراتي شاهکارونه د هغه وخت د ښارجونې پر ابتدایې نظام دلالت کوي.
په ټکسلا کې له قبل المسیح څخه د مخکې وختونو یو شمیر نخښې نښانې او آثار د یونسکو د نړیوالو میراثونو په فهرست کې شامل دي. پخواني اروپایې نسلونه پر هندوستان د ستر سکندر د حملې له وختونو راهیسې د ټکسلا له نوم سره آشنا دي. د عیسی ع له زیږیدو څخه ۶۰۰ کاله مخکې ټکسلا د اوسني ایران یو ولایت وو. په وروستیو پیړیو کې دا ښار لږ تر لږه په اوو دورو کې د مختلفو نسلونو د شاهي کورنیو په اختیار کې وو.
په تخت بهایې سیمه کې د بودایې مذهب لرغوني آثار په پخواني هند کې د ګندهارا د تمدن او بودایانو د تاریخ انځور وړاندې کوي. د تخت بهایې سیمه په خیبر پښتونخوا کې ده. پر لوړو غرونو جوړ شوي د بودایانو دغه کورونه، د بودایې تمدن، تاریخ او راهبانو د ژوند کولو طرز په هکله مهم معلومات وړاندې کوي. د دې سیمې لرغونتوب لومړۍ عیسوي پیړۍ ته ورګرځي.
افغان بادشاه فرید خان چې وروسته بیا په شیرشاه سوري مشهور شو دا کلا له نن څخه نږدې پنځه سوه کاله مخکې جوړه شوې ده. له تیږو او چونې څخه د جوړ شوي دغې ودانۍ یا کلا د جوړیدو چارې نږدې په پنځو کلونو کې بشپړې شوې. وروسته بیا د شیرشاه سوري د زوی سليم شاه په وخت کې دغه کلا لاپسې پراخه کړای شوه. شیر شاه سوري دغه کلا د دښمن له بریدونو څخه د ځان ژغورنې په موخه جوړه کړې وه.
