د ویکيلیکس انټرنیټ پاڼې له خوا د امریکا د استخباراتي ادارې (سي آی اې) د پټو اسنادو تر خپروولو یوه ورځ وروسته د متحدو ایالاتو حکومت د لوړو مجازاتو اعلان کړی دی. اغیزمنو شوو تخنیکي شرکتونو هم ناراحتي ښوولې ده.
انځور: picture-alliance/AP Photo/D. Goldman
اعلان
ویکيلیکس د سه شنبې په ورځ ۸۰۰۰ محرم اسناد خپاره کړل. دا تر اوسه د سي آی اې په هکله د ویکيلیکس له لوري خپاره شوي تر ټولو ډیر معلومات دي. په داسې حال کې چې کارپوهان دغه معلومات مهم او د باور وړ ارزوي، خو د امريکا حکومت تر اوسه د دغو اسنادو اعتبار لا نه دی تائید کړی.
سان سپایسر ویلي دي، چې د متحدو ایالاتو ولسمشر په استخباراتي ادارې سي آی اې کې د امنیتي خلاوو په هکله «ډیر اندیښمن» دی، کوم چې د ویکيلیکس له لوري د اسنادو د بربنډولو سبب شوي. په عین وخت کې سپایسر اعلان وکړ چې حکومت به افشا کوونکي تعقیب کړی. د هغه په خبره هر هغه څوک چې محرم اسناد خپروي، باید پر لوړو مجازاتو حساب وکړي.
که څه هم پخپله سي آی اې د دغو اسنادو کره والی نه دی تائید کړی، خو د دغو اسنادو خپرول یې د متحدو ایالاتو د ولس پر وړاندې د گواښ په توگه غندلی دی. د سي آی اې ویاندي هیتر هورنیاک، ویلي دي چې ویکيلیکس په دې سره مخالفینو ته معلومات برابروي او په دې سره د تروریزم پر وړاندي مبارزه په خطر کې اچوي.
د سترو تخنیکي شرکتونو اغیزمنیدل
د ویکيلیکس له لوري خپاره شوي اسناد په متحدو ایالاتو کې د سترو تخنیکي شرکتونو د ناکرارۍ سبب گرځیدلي دي، خو د یوه بل دلیل له کبله ویکيلیکس هغه امنیتي خلاوې افشا کړي دي، چې د امريکا حکومت د هیکرانو له لوري د کارونکو د جاسوسۍ له پاره ترې استفاده کیده. پر نورو سربیره د اپل آی فون، د گوگل اندریود سیستم، د مایکرو سافټ ویر او همداشان د سامسونگ تلویزونونه اغیزمن شوي دي.
اپل ویلي دي چې په دې هکله د دوی د شرکت لومړي تحلیلونه ښيي، چې ډيري هغه امنیتي خلاوي چې ویکيلیکس یې په هکله رپوټ ورکړی د iOS په نوي عامل سیستم کې له منځه وړل شوي دي. دې ته ورته څرگندوني سامسونگ هم کړي دي. مایکرو سافټ بیا ولي دي چې شرکت یې د ویکيلیکس بربنډوني له نزدې څاري.
د ویکيلیکس انټرنیټ پاڼې اسناد ښيي چې سي آی اې د سایبري جاسوسۍ له پاره د تخریبونکو سافټ ویرونو او یا ویروسونو څخه کار اخیستی دی. د دغو معلوماتو له مخې استخباراتي اداره د سمارټ یا ځیرکه تلیفونونو مشهورو پروگرامونو لکه وټس اپ، سگنال، تلیگرام او یا وایبو پټ رمز یا کوډ پر وړاندي د عمل کولو وړتیا لري.
په تيرو وختونو کي جاسوسانو دغه شان وسله د ځان د حفاظت له پاره ډېره گټوره بلله.
انځور: DW/Hossein Kermani
د قلم په شکل وسله
له دغو قلمانو څخه د نويشتې له پاره کار نه اخيستل کېدی. د دې قلمانو ښه والی په دې کي و چي ماشه ئې ژر کشېدله.
انځور: DW/Hossein Kermani
په ۱۹۷۰م کال کي د «کا گي بي» د يوه مامور وسايل
په دغه طلايي جعبه کي د کا گي بي له مخصوص نښان سره به يو ساعت هم يوځای وو چي د هغه وخت مامورينو ته به ورکول کېده. کارت ئې هم لاره. د ښځو په ساعتونو کي به هم وسلوې وي.
انځور: DW/Hossein Kermani
د جاسوسۍ سازمانونو کارکوونکو به ځيني وخت خپلي څېرې ته تغير ورکاوه. په دغه بکس کي د هغوی له پاره سامان ځای پر ځای سوی دی.
انځور: DW/Hossein Kermani
د جاسوسۍ ساعتونه
په ساعتونو سره ډېره جاسوسي کېدله.
انځور: DW/Hossein Kermani
د ښځو وسله
دغه وسله په ۱۸۸۰م کال کي جوړه سوې ده. دغه وسله به ښځو جاسوسانو په خپل لاسي بکس کي له ځانه سره گرځوله.
انځور: DW/Hossein Kermani
يو نفري اوبتل
روسانو له دغه يوه نفري اوبتل څخه تر ۱۹۹۳م کاله پوري په جاسوسۍ کي استفاده کوله.
انځور: Top Secret
طلايي کلاشنيکوف
په دغه نندارتون کي د کلاشنيکوف وسلې د جوړونکي «ميخايل کلاشنيکوف» له خوا طلايي کلاشنيکوف د هغه له امضا سره ننداې ته وړاندي سوی دئ.
انځور: spionage.de
د جيمز باند موټر
د اوبرهاوزن په نندار تون کي د جيمز باند محبوب موټر هم نندارې ته وړاندي سوی دئ.
انځور: spionage.de
چاقو که پلۍ؟
دغه چاقو په ۱۹۷۰م کال کي په امريکا کي جوړ سوی دئ. د چاقو شکل پلۍ ته سوی دئ.
