پاپ د خپلې وینا په ترڅ کې وویل: «کریسمس موږ ته دا را په یادوي چې خدای زموږ ټولو سره مینه کوي ان زموږ له تر ټولو بد [شخص] سره مینه کوي.» دغه مراسم په ټوله نړۍ کې په میلیونونو عیسويانو په ژوندۍ بڼه تعقیبول او تر کلیسا دباندي هم د لیدونکو له پاره سترې پردې نصب شوې وې.
په واتیکان کې د کریسمس په مناسبت را ټولو شویو ګډونوالو ته د عیسويانو ۲۶۶ مذهبي مشر په خپله وینا کې وویل: «کیدای شې تاسې په نظریو کې اشتباهات لرلي وي، کیدای شي تاسې هرڅه ګډوډ کړي وي، خو بیا هم خدای له تاسې سره مینه کوي. خو بیا هم خدای داسې نه دی هغه تل زموږ سره مینه کوي.»
انځور: Getty Images/AFP/A. Pizzoli
په دې وروستیو کې د کلیساګانو د مذهبي مشرانو له لوري د ناوړه جنسي استفادو په هکله زرګونه رپوټونه خپاره شوي دي. پر کلیساګانو باندې داسې تورونه هم لګول کیږي چې د کلیساګانو د تر ټولو ستر مذهبي مشر له لوري پر دغو جرمونو باندې پردې اچول کیږي.د نویو اصلاحاتو پر اساس، اوس د مذهبي مشرانو د پلټنې پر وړاندې د پولیسو له پاره تر ټولو لوی خنډ له مخې لیرې کړل شو. په ورته وخت کې واتیکان د مالي فساد له تورنو سره هم لاس او ګریوان دی.
د ۸۳ کلن پاپ فرانیسس په خبره داسې فکر مه کوئ چې له انسانیت سره مینه د وخت ضایع کول دي. هغه وویل: «ټینګه اراده ولرئ، اعتماد له لاسه مه ورکوئ او د هیلو ځولۍ مه پریږدئ. د نورو له پاره ډالۍ شئ ځکه دا کار ژوند ته هدف وربخښي. له نورو سره له مرستې کولو وړاندې له هغوی څخه د درناوي هیله مه لرئ، له ګاونډیو سره د ښه چلند له پاره د هغوی د ښه کیدو په تمه مه کښینئ.»
برلين نوي کال ته تياری نيسي
02:25
This browser does not support the video element.
ټاکل شوې چې پاپ فرانیس به نن هم د کریسمس په مناسبت ویناوې ولري خو د کریسمس د شپې د مراسمو برعکس د نن ورځې وینا به یې تر ډیره پورې د کریسمس یا د عیسویانو د اختر پر ارزښټ تمرکز ولري.
زموږ له آرشیف څخه:
نهه حیرانونکي کریسمس بازارونه
دنړۍ په بل هیڅ هیواد کي دومره ډیر کریسمس بازارونه نسته ، لکه په جرمني کي. دلته تاسي ته هغه ۹ ترټولو ښایسته او حیرانونکي کریسمس بازارونه درمعرفي کوو، چي په کتلو او لیدلو ارزي.
انځور: picture-alliance/dpa/A. Arnold
دهېسن په ایالت کي تر ټولو لویه شمع
د هیسن د ایالت د یوه زاړه ښار په کریسمس بازار کي یوه ۳۶ متره شمع ولاړه ده ، چي د ډبري څخه جوړه او په سور ټوکر باندي پوښل سوې ده. د هغه له سر څخه یوه شپږمتره لمبه راوزي. په مجموعأ ۴۲ متره سره دا د نړی تر ټولو لویه شمع ده.
انځور: picture-alliance/dpa/A. Arnold
تر پله لاندي د راوینا ددرې کریسمس بازار
په تورځنگله کي تر پله لاندي د راوینا ددرې کریسمس بازار یوه خاصه رومانتیکه فضأ رامنځته کړې ده. دلته ددرې له ۴۰ متره لوړي څخه دیو ریل گاډئ په منځ کي د لرگو کوډلي جوړي سوي دي او ډیري ښایسته سینگار سوي دي.
انځور: Hochschwarzwald Tourismus GmbH
د کښتیو په منځ کي کریسمس بازار
د ایمډن په ښار کي د عادي کریسمس بازار تر څنگ د کښتیو په منځ کي هم یوډیر ښایسته کریسمس بازار جوړ سوی دی او پکښي هر ډوډل خورکونه او نوشابې موجودي دي.
انځور: Karl-Heinz Krämer
په یوه زاړه کان کي دگرانیت ډبرو کریسمس بازار
د بایرن د ایالت په یوه زاړه کان کي دگرانیت ډبرو کریسمس بازار جوړ سوی دی. دلته د نقاشانو او لاسي صنعت گرانو لخوا رنگارنگ گرانیت ډبري نه یوازي د نمایش له پاره، بلکه خرخلاو دپاره هم ایښوول سوي دي.
انځور: Schauer Christian
د بحیرې په منځ کي کریسمس بازار
د بایرن د ایالت تر ټولو لويي بحیرې ته هر نیم ساعت وروسته یوه کښتۍ سیلانیان راولي. د بحیرې د منځ دغه کریسمس بازار کي تقریبأ ۹۰ غرفې ولاړي دي او پکښي لاسي صنایع، گنډونه، دبایرن ایالت سمبولونه او نور ډیر شیان پکښي خرڅیږي. د بحیرې مخته د الف د غرونو سلسلې دغه بازار ته یو خاص رنگ او خوند ورکړی دی.
انځور: picture-alliance/dpa/M. Schrader
غیر عادي کریسمس بازار
د «او هو» په نامه غیر معمولي دغه کریسمس بازار داسي یو بازار دی ، چي خپلو لیدونکو ته د څلورو ښارونو لکه برلین، شتوتگارټ، کولون او هامبورگ په منځ کي د تگ راتگ امکانات برابروي. دغه بازراونه نه یوازي خپلو لیدونکو ته د کریسمس د وخت خواږه شیان تقدیموي، بلکه د نقاشانو او هنرمندانو د آثارو خرڅلاو ته هم زمینه برابروي.
انځور: Rolf G. Wackenberg
گلابي رنگه کریسمس بازار
د مونشن په زاړه ښار کي هرکال گلابي رنگه کریسمس بازار جوړیږي، چی دغه رنگ د همجنسبازانو علامه ده. خو هلته نور خلگ هم ورځي او ډیر مشهوره دی.
انځور: Leon Seefried
په تونل کي کریسمس بازار
د ترابین ښار تر مځکي لاندي یوه پخواني تونل کي دغه کریسمس بازار په دې ورځو کي ډیر ښایسته سینگار کیږي . دلته تر ټولو دمخه ډول ډول نوشابې ، اچار او زراعتي محصولات تقدیمیږي.
انځور: picture-alliance/dpa/T. Frey
په پخوانیو کوډولو کي کریسمس بازار
د جرمني د یوازنۍ لوړي جزیرې د کب نیونکو په پخوانیو کوډولو کي هم یوکریسمس بازار جوړ سوی ،چي اوس ډیر مشهوره هم دی. د دوبي څخه لا دلته هنرمندان او نقاشان راځي ، خپل محصولات تولیدوي او بیایې په ژمي کي د کریسمس پروخت خرڅوي. نه یوازي دا، بلکه د کریسمس رنگارنگ کلچې، کیکان او نور خوراکونه هم دلته خرڅیږي . دغه بازار دډسمبر تر ۲۴ نیټې پوري خلاص دی او هره ورځ ورته تر ۵۰۰ اضافه کسان ورځي.
